პარასკევი, აპრილი 23, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

საზოგადოება

საზოგადოება

kdhfklasfhl1992- 1993 წლების შეიარაღებული კონფლიქტის შედეგად უგზო-უკვლოდ გაუჩინარებული 14 პირის ნეშტი ამოცნობილია. ამის შესახებ ინფორმაციას წითელი ჯვრის საერთაშორისო კომიტეტიდან აცნობეს.

მათივე ინფორმაციით, ამ 14 ადამიანის - 13 ქართველის და 1 აფხაზის - ნეშტების ექსჰუმაცია 2017-2019 წლებში სოხუმში, ოჩამჩირეში, გულრიფშსა და გაგრაში წჯსკ-ს ხელმძღვანელობით ჩატარებული გათხრების დროს განხორციელდა.

„1992-1993 წლების აფხაზეთის შეიარაღებულ კონფლიქტთან დაკავშირებით 14 უგზო-უკვლოდ დაკარგული პირის ოჯახს შეატყობინეს, რომ მოხდა მათი ოჯახის წევრების ამოცნობა წითელი ჯვრის საერთაშორისო კომიტეტის (წჯსკ) დახმარებით.

ექსჰუმაცია განხორციელდა 1992-1993 წლების შეიარაღებული კონფლიქტის და მის შემდგომ პერიოდში უგზო-უკვლოდ დაკარგულ პირებთან დაკავშირებულ საკითხებზე 2010 წლიდან წჯსკ-ს ეგიდით მომუშავე საკოორდინაციო მექანიზმის ფარგლებში. ეს მექანიზმი, რომელშიც აფხაზი და ქართველი მონაწილეები არიან ჩართული, მხოლოდ და მხოლოდ ჰუმანიტარულ ხასიათს ატარებს და უგზო-უკვლოდ დაკარგულთა ოჯახების სახელით მოქმედებს.

„წითელი ჯვრის“ ინფორმაციით, ოჯახებისთვის ნეშტების გადაცემა და დაკრძალვის ცერემონია უახლოეს დღეებში ჩატარდება.

„წითელი ჯვრის საერთაშორისო კომიტეტი მთელ მსოფლიოში მუშაობს გაუჩინარებული ადამიანების საკითხებზე და მისთვის ცნობილია, რომ დროთა განმავლობაში ოჯახების ტკივილი უფრო მძაფრდება.

ამ საკითხების გადაჭრამ, ნეშტების ამოცნობამ და ოჯახებისთვის დაბრუნებამ, შესაძლოა, შეამსუბუქოს ამ ოჯახების ტკივილი, რომლებიც წლებია იტანჯებიან საყვარელი ადამიანების გაუჩინარებითა და მათი ხვედრის გაურკვევლობით. ეს, ასევე, საზოგადოებას ეხმარება კონფლიქტით მიყენებული ჭრილობების მოშუშებაში“, - აღნიშნავს წითელი ჯვრის საერთაშორისო კომიტეტის დესპანი უგზო-უკვლოდ დაკარგული ადამიანების საკითხებში კავკასიაში, დანიელ მაქსვინი.

წითელი ჯვრის საერთაშორისო კომიტეტის ინფორმაციით, დესპანის ამ პოზიციის შექმნა - პირველად წჯსკ-ს პრაქტიკაში - ხაზს უსვამს, თუ რამდენად მნიშვნელოვანია ორგანიზაციისათვის უგზო-უკვლოდ დაკარგული ადამიანების მოძიება და მათი ოჯახების დახმარება.

„დესპანის პირველი ამოცანაა 1990-იანი წლებისა და 2008 წლის შეიარაღებული კონფლიქტების მონაწილე მხარეებთან მუშაობა, რათა ერთობლივი ძალისხმევით შემუშავდეს გაუჩინარებული ადამიანების მოძიების ახალი მიდგომა, რომელიც არსებულ მექანიზმზე უფრო მდგრადი და ეფექტური იქნება. დაკარგული ადამიანების 90% ჯერ კიდევ არ არის მოძიებული. მომავალში დესპანი გეგმავს ამ ორი საკოორდინაციო მექანიზმის საუკეთესო გამოცდილების გამოყენებას კავკასიაში მომხდარ სხვა კონფლიქტებთან მიმართებაშიც, როგორიცაა მაგალითად, მთიანი ყარაბაღის კონფლიქტთან დაკავშირებით გაუჩინარებული ადამიანების მოძიების საკითხი“, - ნათქვამია გავრცელებულ ინფორმაციაში.

დაწერე კომენტარი (0 კომენტარი)
საზოგადოება

 pfaizer pfizer vaqcinaოზურგეთელ, სოფელ მელექედურში მცხოვრებ 65 წლის ქალბატონს კორონავირუსის საწინააღმდეგო ვაქცინის გაკეთების შემდეგ ვირუსი გამოუვლინდა. მელექედურელმა ქალბატონმა ვაქცინაცია ოზურგეთის ,, მედალფას’’ კლინიკაში 14 აპრილს ჩაიტარა, კორონავირუსი კი დღეს 22 აპრილს, დილით სწრაფი ტესტით ოზურგეთის საზოგადოებრივი ჯანდაცვის ცენტრში გამოუვლინდა. 65 წლის ქალბატონმა, როგორც ოზურგეთის ,, მედალფას’’ კლინიკის დირექტორის მოადგილემ, თინათინ მეგრელაძემ გვითხრა, იმუნიზაციის ჩატარების შემდეგ თავი შეუძლოდ იგრძნო. ემოციის ფონზე მას მაღალი არტერიული წნევა დაუფიქსირდა. როგორც მეგრელაძე გვეუბნება სახეზე იყო ჰიპერტენული კრიზი, რომელიც მედიკოსებმა სწორად და დროულად მართეს და იმუნიზაციაზე მისული ქალბატონი დაზღვევის მიზნიოთ მთელი ღამით დატოვეს ,,მედალფას’’ კლინიკაში. ქალბატონს უმოწმდებოდა ჰემოდინამიკური მაჩვენებლები, რომელიც ნორმაში იყო. იგი ბინაზე, სახლში დილით გაეწერა. მელექედურელი 65 წლის ქალბატონი უკვე დღეს, კორონავირუსისათვის დამახასიათებელი სიმპტომებით საზოგადოებრივი ჯანდაცვის ცენტრში მივიდა. მას სწრაფი ტესტით ,, კოვიდ 19’’ დაუდგინდა - რასაც აღნიშნული სამსახურის ეპიდემიოლოგი, ელზა სიმონიშვილი გვიდასტურებს. სახლში დაბრუნების შემდეგ, მაღალი ემოციური ფონისა და თანმხლები დაავადების ქონის გამო ქალბატონმა თავი შეუძლოდ იგრძნო და ოზურგეთის სასწრაფო დახმარების ბრიგადამ, მისივე თხოვნით ის ბათუმის ერთერთ კოვიდკლინიკაში გადაიყვანა.

დაწერე კომენტარი (0 კომენტარი)
საზოგადოება

zaladoba ojaxi qmari coliთბილისში, მამაკაცმა ორსულ ცოლს სცემა. არსებული ინფორმაციით, ფიზიკური ძალადობის დროს ქალი 3 თვის ორსული იყო. მედიაში გავრცელებული ინფორმაციით, ქალი კლინიკაში მრავლობითი დაზიანებებით გადაიყვანეს.

“ფორტუნას” შინაგან საქმეთა სამინისტროში განუცხადეს, რომ შემთხვევა ერთი კვირის წინ, თბილისის ერთ-ერთ უბანში მოხდა. 

როგორც უწყებაში განგვიცხადეს, მამაკაცი იმავე დღეს დააკავეს.

გამოძიება სისხლის სამართლის კოდექსის 126-ე პრიმა მუხლით მიმდინარეობს, რაც ოჯახში ძალადობას გულისხმობს.

 

წყარო: fortuna.ge

დაწერე კომენტარი (0 კომენტარი)
საზოგადოება

1607419552 1583139129 ივანე ჩხაიძეიაშვილისა და ციციშვილის კლინიკების ბაზაზე არასრულწლოვნებისთვის კოვიდის შემდგომი ჯანმრთელობის ცენტრებმა მუშაობა დაიწყო. ბავშვებს, რომელთაც „კოვიდ- 19“-ის გადატანიდან ერთი თვის შემდეგ ჯანმრთელობის პრობლემები აღენიშნებათ, დაწესებულებებში მულტიპროფესიული ჯგუფი შეაფასებს და საჭიროების შემთხვევაში, მათ დიაგნოსტირებას მოახდენს.

ამისთვის საჭიროა, მშობელი თავად დაუკავშირდეს ამ მხრივ შერჩეულ სამედიცინო დაწესებულებებს. იაშვილის კლინიკის დირექტორის, ივანე ჩხაიძის ინფორმაციით, კორონავირუსი საქართველოში 30 000-მა ბავშვმა გადაიტანა.

„ინფექციის გადატანის შემდეგ დიდი პერიოდის განმავლობაში, 6-8 თვემდეც კი, როგორც მოზრდილებში, ისე ბავშვებში აღინიშნება იმ სიმპტომების გახანგრძლივება, რომლებიც ჰქონდათ ამ პაციენტებს მწვავე ფაზაში, ან სრულიად ახალი სიმპტომების გამოჩენა. ზოგადად, ითვლება, რომ მოსახლეობის 10 პროცენტში შეიძლება აღინიშნოს 12 კვირაზე მეტი დროის განმავლობაში სიმპტომები და 30-33 პროცენტში უფრო ხანმოკლე პერიოდის განმავლობაში.

ცნობილი არ არის, რა იწვევს ასეთ გახანგრძლივებულ სიმპტომებს, მაგრამ ამ სიმპტომებს შეფასება სჭირდება. შეიძლება, ეს იყოს ძილის დარღვევა, სუნთქვის უკმარისობა, ჰაერის უკმარისობა, ხველის გახანგრძლივება, საერთო სისუსტე, კუნთების სისუსტე, სახსრების ტკივილი. პედიატრიულ პაციენტებში 100-მდე სიმპტომი არის აღწერილი, რომელიც უკავშირდება კორონავირუსის გადატანის შემდგომ მდგომარეობას.

ჩვენ გუშინ დავიწყეთ ფუნქციონირება. ეს პაციენტები იღებენ მულტიპროფესიული ჯგუფის ერთობლივ შეფასებას, პედიატრთან ერთად შეფასების პროცესში მონაწილეობს კარდიოლოგი, პულმუნოლოგი, ნევროლოგი და ა.შ. ასევე, მნიშვენლოვანია ფსიქოლოგის მონაწილეობაც, ვინაიდან ხშირია დეპრესიის, ხასიათის ცვლილებები. ასე რომ, ეს ცენტრი ორიენტირებულია ამ ბავშვების შეფასებაზე, შეფასების შემდეგ გადაუდებელ მდგომარეობებში დიაგნოსტიკური კვლევების ჩატარებაზე. ქვეყანაში გვყავს 30 000 ბავშვი, რომელმაც გადაიტანა კორონავირუსი. ჩვენ ვთხოვთ მშობლებს, არ აქვს მნიშვნელობა, მძიმე იყო კორონავირუსი, მწვავე ფაზაში, თუ მსუბუქი, კორონავირუსის გადატანიდან ერთი თვის შემდეგ თუ აღინიშნა რომელიმე ეს სიმპტომი, აუცილებლად მოგვმართოს. ამ ბავშვების მეთვალყურეობა უნდა გაგრძელდეს ხანგრძლივად. მეთვალყურეობის ხანგრძლივობა შესაძლებელია, იყოს ერთი წელი, ვინაიდან ჩვენ გვაქვს მულტისისტემური ანთებითი სინდრომი, რომლის შემთხვევაში გულის დაზიანებას სულ მცირე ერთწლიანი მონიტორინგი სჭირდება“, – განაცხადა ივანე ჩხაიძემ.

 

www.1tv.ge

დაწერე კომენტარი (0 კომენტარი)
საზოგადოება

 korona testireba ozuuuuuგასული 24 საათის განმავლობაში ოზურგეთში კორონავირუსის 8 ახალი შემთხვევა დაფიქსირდა. 

გასულ დღე-ღამეში ოზურგეთში სულ 218 ტესტი ჩატარდა.

რაც შეეხება სრულ სტატისტიკას - დადასტურებული შემთხვევების ჯამური რაოდენობა შეადგენს - 3702;

აქტიური შემთხვევა არის - 125; მათგან სტაციონარში მკურნალობს 28,  საკარანტინე სივრცეშია - 24, ხოლო ბინაზე მკურნალობს 79 პირი.

გამოჯანმრთელებულთა რაოდენობა არის სულ - 3539. სამწუხაროდ გარდაცვლილია - 38 პირი.

დაწერე კომენტარი (0 კომენტარი)

ქვეკატეგორიები

მოიწონეთ გვერდი

Search