ოთხშაბათი, აპრილი 01, 2020
Follow Us

 kuchava irakliiჩოხატაურის მუნიციპალიტეტის მერი ირაკლი კუჭავა მიმართვას ავრცელებს: "მოგესალმებით ყველას! საქართველოს მთავრობის მიმართვის საფუძველზე, საქართველოს პრეზიდენტის მიერ გამოცხადებული საგანგებო მდგომარეობა, განპირობებულია ჩვენი თანამოქალაქეების, თითოეული ჩვენგანის ჯანმრთელობაზე და დაცულობაზე ზრუნვით. ჩვენს მუნიციპალიტეტში, ბოლო დღეების განმავლობაში, დაწყებულია იმ შეზღუდვებისა და რეგულაციებიის გატარება, რასაც ყოფა- ცხოვრების საგანგებო რეჟიმი ითვალისწინებს. კიდევ ერთხელ მადლობას ვუხდით ყველა ჩოხატაურელს შეგნებული მოქალაქეობრივი პოზიციისთვის. ასევე ბოდიშის ვუხდით შექმნილი დისკომფორტისთვის, რაც შიდამუნიციპალური ტრანსპორტირების შეზღუდვამ განაპირობა. ყველა ტერიტორიულ ერთეულში შექმნილია ჯგუფები, რომლებიც, გადაადგილებასთან დაკავშირებულ ფორსმაჟორულ სიტუაციაზე მოახდენენ შესაბამის რეაგირებას. ჯგუფის ხელმძღვანელებს, მერის წარმომადგენლებს, მიეცათ შესაბამისი დავალებები. აქვე ვაქვეყნებ ჩემს საკონტაქტო ნომერს, რომელზედაც შეგიძლიათ პირადად დამიკავშირდეთ, თუ შესასაბამის ტერიტორიულ ერთეულში ვერ განხორციელდა შესაბამისი რეაგირება. ტ. # 599 99 41 14 ხვალ ჩოხატაურის აგრარული ბაზარი იფუნქციონირებს, მხოლოდ სასოფლო - სამეურნეო პროდუქციის ყიდვა - გაყიდვის რეჟიმში. ბაზრისა და მიმდებარე ტერიტორიაზე იკრძალება სხვა სახის საცალო ვაჭრობა, ისე როგორც მუნიციპალიტეტის სხვა ტერიტორიებზე. ჯანმრთელობას და მხნეობას გისურვებთ."_ აღნიშნულია მიმართვაში.

Comments powered by CComment

მოიწონეთ გვერდი

Search