ოთხშაბათი, აპრილი 01, 2020
Follow Us

გურიაში თვითიზოლაციაში ამ ეტაპზე  13 პირი იმყოფება. მათგან 11 ოზურგეთში, 1  ლანჩხუთსა და 1 ჩოხატაურში.

აღნიშნულთან დაკავშირებით ,, გურია TV,, ინფორმაცია დაავადებათა კონტროლის ცენტრის გურიის წარმომადგენლობის ხელმძღვანელმა, არჩილ მჟავიამ მისცა. 

13  პიროვნება  იზოლაცის მას შემდეგ გადის, რაც ისინი იტალიაში მოგზაურობის შემდეგ, გურიაში დაბრუნდნენ. თვითიზოლაციაში მყოფ ადამიანებს მუდმივრეჟიმში ეპიდემიოლოგები ამოწმებენ.

გუშინ  თვითიზოლაციაში მყოფი პირები  ეპიდემიოლოგებმა საპატრულო ეკიპაჟთან ერთად  მოინახულეს.  მათ , კიდევ ერთხელ მკაცრი გაფრთხილება მიეცათ თვითიზოლაციაში ყოფნასთან დაკავშირებით.  წინააღმდეგ შემთხვევაში კი  კარანტინში გადაიყვანენ.

აღსანიშნავია ისიც, რომ ხსენებულ 13 პირს ამ ეტაპისთვის ვირუსისთვის დამახასიათებელი არცერთი სიმპტომი არ აღენიშნებათ. ისინი თითიზოლაციაში 14 დღე  დარჩებიან. 

რამდენიმე ოზურგეთელს კი თვითიზოლაციის პერიოდი გაუვიდა და ცხოვრების ჩვეულ რეჟიმს დაუბრუნდა. 

საინტერესო დეტალი გახლავთ ისიც, რომ ლანჩხუთში მომუშავე ჩინეთის 14 მოქალაქემ  საკარანტინო პერიოდი უკვე გაიარა და ისინი სრულიად ჯანმრთელები თავიან საქმიანობას დაუბრუნდნენ.

Comments powered by CComment

მოიწონეთ გვერდი

Search