ოთხშაბათი, ოქტომბერი 16, 2019
Follow Us

92b7c459eae1b6d450f46ca2fa4e72b9რა თქმა უნდა, ქიმიკატები აბაზანის ან ცხიმით დასვრილი ქვაბის გახეხვას აიოლებს, თუმცა, მათი ხშირი გამოყენება ჯანმრთელობაზე უარყოფითად აისახება. 

ყველას გვაინტერესებს, რატომ გახშირდა ავთვისებიანი სიმსივნეები, ჰიპერტონიული და გულ-სისხლძარღვთა დაავადებები და ქალთა უნაყოფობა, მაგრამ არავინ უფიქრდება, რომ ამის ერთ-ერთი მიზეზი შეიძლება საყოფაცხოვრებო ქიმიის ბოროტად გამოყენება იყოს. 

როგორ წარმოუდგენლადაც უნდა გეჩვენოთ, საყოფაცხოვრებო ქიმიის ერთ-ერთი ყველაზე საშიში ნივთიერება „დიქლოფოსი“ კი არა, ჩვეულებრივი ჰაერის გამწმენდია. 

ის პრაქტიკულად ყველა აბაზანასა და საპირფარეშოში მოიძებნება. სახლში სასიამოვნო სურნელის გამო მას ძალზე ხშირად მოიხმარენ, ეს კი ჰაერის ფტალატებით გაჯერებას იწვევს და უშუალოდ უკავშირდება ავთვისებიან სიმსივნეებსა და ჯანმრთელობის სხვა პრობლემებს. 

ფტალატები სახიფათო ნაერთებია, ისინი შეიცავს 2,5 დიკლოროფენოლს (2,5 DCP) და ნეგატიურად მოქმედებს ყველა ქალზე. 

აღსანიშნავია, რომ საკვები პროდუქტების, კოსმეტიკური საშუალებებისა და სხვა ნივთების შეფუთვაც ფტალატების გარკვეულ რაოდენობას შეიცავს. 

სამეცნიერო დაკვირვებებმა დაადასტურა, რომ მათი ხანგრძლივი მოქმედება აუარესებს ჯანმრთელობას, ზრდის კიბოს გაჩენისა და მუცლის მოშლის ალბათობას. 

საფრთხე იმდენად რეალურია, რომ ბოლო დროს მთელი მსოფლიოს დიასახლისები, ქიმიკატების ნაცვლად, ბუნებრივ და ნატურალურ საშუალებებს ამჯობინებენ. 

ცნობისთვის, საცხობი სოდისა და ეთერზეთების კომბინაციით მშვენიერი ჰაერის გამწმენდის დამზადებაა შესაძლებელი. სასიამოვნო სურნელის მისაღებად კარგი საშუალებაა არომატული სუნელებისა და ციტრუსების შეზავების გზით მიღებული ჰაერის გამწმენდი.

Comments powered by CComment

მოიწონეთ გვერდი

Search