სამშაბათი, ივლისი 07, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Как правильно варикоз лечить

პოლიტიკა

პოლიტიკა

8F42B4C2 8C77 4C56 B3FE 20ADDD5AED00 cx16 cy17 cw77 w1023 r1 sამერიკის შეერთებული შტატების სენატმა სამშაბათს მოუსმინა ამერიკის მომავალ ელჩს საქართველოში, კელი დეგნანს. შესავალი სიტყვის შემდეგ, სენატორებმა კანდიდატს შეკითხვები დაუსვეს. მათი უმეტესობა რუსეთის საკითხსა და საქართველოს ნატოში ინტეგრაციას ეხებოდა.

თავად კელი დეგნანმა, სენატის მიმართ გაკეთებულ მოხსენებაში, ყურადღება რამდენიმე საკითხზე გაამახვილა: ოკუპაცია და რუსეთის აგრესია; საქართველოს სუვერენიტეტის მხარდაჭერა; 2020 წლის საპარლამენტო არჩევნების ჩატარება თავისუფალ და დემოკრატიულ პირობებში; ასევე, საქართველოში თავისუფალი და დამოუკიდებელი სასამართლოსა და მედიის განვითარება და ხელშეწყობა.

„პროგრესი, რომელსაც საქართველომ მიაღწია, არ ყოფილა მარტივი და ხშირ შემთხვევაში, ეს ამერიკის ჩართულობით და უცხოეთის ქვეყნების დახმარებით ხდებოდა. საქართველომ ეს ინვესტიციები კონკრეტული ქმედებებით გადაიხადა, როგორიცაა მაგალითად - საპარლამენტო ზედამხვედველობის გაღრმავება და მნიშვნელოვანი სასამართლო რეფორმების დანერგვა. თუმცა, მიღწეულის შენარჩუნების და მასზე დაფუძნებით მშენებლობის საქმეში, გასაკეთებელი ჯერ კიდევ ბევრია. განსაკურებით - პლურალური საკანონმდებლო ორგანოს, დამოუკიდებელი სასამართლო სისტემის, მრავალფეროვანი მედიისა და ძლიერი სამოქალაქო საზოგადოების ხელშეწყობის კუთხით," თქვა დეგნანმა სიტყვით გამოსვლაში.

მომავალი ელჩი ასევე შეეხო 2020 წლის საპარლამენტო არჩევნების თემას და განაცხადა, რომ ის მზადაა ითანამშრომლოს ყველასთან, რათა საქართველომ უზრუნველყოს დემოკრატიული არჩევნები: "[ელჩად] დამტკიცების შემთხვევაში, მე ვიმუშავებ ყველა მხარესთან, რათა მომავალ წელს, უზრუნველყოფილ იყოს არჩევნების თავისუფალ და სამართლიან გარემოში ჩატარება".

ერთ-ერთი მთავარი თემა კელი დეგნანის სიტყვით გამოსვლაში ნატო, ევროკავშირი და საქართველოს დასავლური ღირებულებები იყო: „ჩვენ გავაგრძელებთ საქართველოს მტკიცე მხარდაჭერას ნატოში გაწევრიანებისა და ევროკავშირთან და დასავლეთთან ეკონომიკური ინტეგრაციის გზაზე. ჩვენი თანამშრომლობის მიზანია გავზარდოთ საქართველოს უნარი, დაიცვას საკუთარი საზღვრები მდიდარი, ინტეგრირებული დემოკრატიული საზოგადოების მშენებლობის პროცესში,“ განაცხადა ელჩობის კანდიდატმა. დეგნანის თქმით, შეერთებული შტატები ადრეც საქართველოს გვერდში იდგა და ახლაც გააგრძელებს მის დახმარებას. თუმცა, საქართველო თავად უნდა იყოს მზად და დააკმაყოფილოს "მაღალი პოლიტიკური და სამხედრო სტანდარტების მოთხოვნა".

კიდევ ერთი თემა, რაზეც ელჩობის კანდიდატმა ყურადღება გაამახვილა, ოკუპაცია და რუსეთის საკითხი იყო. მისი თქმით, ის რაც საქართველოს ოკუპირებულ ტერიტორიებზე ხდება, შემაშფოთებელია. დეგნანმა ხაზი გაუსვა იმას, რომ აუცილებელია, რუსეთმა შეასრულოს 2008 წელს, ცეცხლის შეწყვეტის შესახებ მიღებული შეთანხმება.

კელი დეგანის განცხადებით, აუცილებელია დიალოგი და ყველა შესაძლო ფორმატის, მათ შორის ჟენევის ფორმატის გამოყენებაც. "რუსული აგრესიით შექმნილი კონფლიქტიდან გამოსავალი ის იქნება, თუ რუსეთი შეასრულებს 2008 წლის ცეცხლის შეწყვეტის შეთანხმებით განსაზღვრულ ვალდებულებებს. მათ შორის - ჯარების უკან გაყვანას კონფლიქტამდე არსებულ პოზიციებზე, იქ ჰუმანიტარული დახმარების დაშვებას და აფხაზეთისა და სამხრეთ ოსეთის აღიარების უკან წაღებას," - თქვა მომავალმა ელჩმა საქართველოში.

სიტყვის ბოლოს, დეგნანმა განაცხადა: "დამტკიცების შემთხვევაში, პირობას ვდებ, ვუერთგულებ ჩვენს ძალისხმევას, დავეხმაროთ საქართველოს მთავრობას და ქართველ ხალხს ისეთი გამძლე საზოგადოების მშენებლობაში, რომელიც აფასებს საკუთარ მრავალფეროვან კულტურულ მემკვიდრეობას, და რომელიც შესძლებს წინ აღუდგეს რუსეთის დამაზიანებელ ზეწოლას და ჩინეთის მზარდ გავლენას".

კელი დეგნანი 26-წლიანი გამოცდილების მქონე დიპლომატია. საქართველოში ელჩად წარდგენის დროს, ის იკავებდა ევროპისა და აფრიკის ტერიტორიაზე აშშ-ის საზღვაო ძალების სარდლის პოლიტიკური მრჩევლის როლს. მას გამოცდილება აქვს როგორც დიპლომატიურ, ისე თავდაცვის სფეროში მუშაობის. თურქეთში და ნატოში მუშაობის გამოცდილებიდან გამომდინარე, რეგიონსაც კარგად იცნობს.

მოსმენის დასრულების შემდეგ, ახლა ჯერი სენატორებზე და მათ გადაწყვეტილებაზეა. თუ კანონმდებლები კელი დეგნანის კანდიდატურას დაამტკიცებენ, მაშინ გადაწყვტილებას პრეზიდენტი ტრამპი ხელს მოაწერს და საქართველოს ეყოლება ამერიკის პირველი ქალი ელჩი.

 

www.amerikiskhma.com

დაწერე კომენტარი (0 კომენტარი)
პოლიტიკა

4fbac1ae9814b22f440e824a6b165325 XL„მე ძალიან მოკლედ გეტყვით ჩემს პასუხს ამ კითხვაზე. უდიდეს პატივს ვცემ უწმინდესს, არა მარტო მე, მთელი ჩვენი გუნდი და მე ვფიქრობ, მთელი საქართველო. ეს თემა, საერთოდ ვერ წარმომიდგენია, რომ ვინმემ განიხილოს.
ჩემზე არ ვამბობ, საერთოდ ვინმემ, რომ განიხილოს ეს თემა - პატრიარქის გადაყენება-არ გადაყენება. 
არ შემდგარა ასეთი შეხვედრა, ასეთ შეხვედრაზე არ ვყოფილვარ მე. არ ვიცი, არ ვყოფილვარ. გამოძიებაზე კომენტარი გააკეთა პროკურორმა და თქვა, რომ არ აპირებს გამოძიების დაწყებას. პროკურატურას უფრო მეტი ლეგიტიმაცია აქვს და ის აფასებს დანაშაული არის თუ არ არის. შინაგან საქმეთა სამინისტრო რომ იწყებს გამოძიებას, ის უთანხმებს პროკურატურას, ანუ ზედამხედველია. 
პროკურორმა თქვა და განცხადება გააკეთა. მისი საუბრიდან, თუ დანაშაული გამოვლინდება, პროკურორი გადაწყვეტს დაიწყოს თუ არა გამოძიება," - განაცხადა ვახტანგ გომელაურმა. 

დაწერე კომენტარი (0 კომენტარი)
პოლიტიკა

1 azartuliსაქართველოში აზარტული და მომგებიანი თამაშების რეკლამის აკრძალვის მიზნით, პარლამენტს საკანონმდებლო ცვლილებები წარედგინება.

შესაბამისი ცვლილებების ინიციატორები დეპუტატები ლევან გოგიჩაიშვილი, ბექა ნაცვლიშვილი, ალექსანდრე ერქვანია, გედევან ფოფხაძე, ბიძინა გეგიძე, ზვიად კვაჭანტირაძე და ეკა ბესელია არიან, ცვლილებების ინიცირება კი ბიუროს დღევანდელ სხდომაზე მოხდება.

ცვლილებებით იკრძალება აზარტული ან მომგებიანი თამაშების რეკლამის გავრცელება ტელევიზიის, რადიოს, ინტერნეტის, გარე რეკლამის, ყველა სატრანსპორტო საშუალებისა (სახმელეთო, საჰაერო, საზღვაო) და კომუნიკაციის სხვა საშუალებებით.

ასევე, კანონპროექტით აკრძალულია აზარტული ან მომგებიანი თამაშისთვის განკუთვნილ შენობა-ნაგებობაზე დაწესებულების შესახებ ნებისმიერი ინფორმაციის განთავსება, რომელიც 10 კვადრატულ მეტრ ფართობს აღემატება.

ამასთან, საკანონმდებლო პაკეტით გათვალისწინებულია ჯარიმებიც. კერძოდ, პროექტით დგინდება, რომ აზარტული ან მომგებიანი თამაშის რეკლამის გავრცელების წესის დარღვევა გამოიწვევს რეკლამის განმათავსებლისა და რეკლამის დამკვეთის დაჯარიმებას თითოეულისთის 10 000 ლარით. ინიციატივით განისაზღვრება, რომ დაჯარიმების საფუძვლების აღმოუფხვრელობის შემთხვევაში, შესაბამისი ჯარიმის ოდენობა წინა ჯარიმის ოდენობასთან შედარებით, ყოველ ერთ თვეში გაორმაგდება.

ინიციატივის მომზადების მიზეზად სახელდება აზარტულ და მომგებიან თამაშობებში, არასრულწლოვანთა ჩართულობის, მძიმე სოციალური ფონის გაუარესებისა და ფულის გათეთრებასთან დაკავშირებული რისკების შემცირება.

 

1tv.ge

დაწერე კომენტარი (0 კომენტარი)
პოლიტიკა

75116707 2814290948581516 1708037682493390848 oარჩევნების მეთვალყურე ორგანიზაციის, „სამართლიანი არჩევნებისა და დემოკრატიის საერთაშორისო საზოგადოების“(ISFED) განცხადებით, საკრებულოს შუალედური არჩევნების დღეს, შვიდივე საარჩევნო უბანზე „მასიური სახე ჰქონდა ''ქართული ოცნების'' კოორდინატორებისა და აქტივისტების მობილიზების და მათ მიერ ამომრჩევლის აღრიცხვის მანკიერი ტრადიციის გაგრძელებას“.

არასამთავრობო ორგანიზაციის ინფორმაციით, ლაგოდეხის 25-ე საარჩევნო უბნის მიმდებარედ განთავსებული იყო მაგიდები, სადაც ''ქართული ოცნების'' კოორდინატორები, კენჭისყრის შენობაში შესვლამდე ამომრჩევლებს სიების მეშვეობით აღრიცხავდნენ.

„სამართლიანი არჩევნების“ შეფასებით, „მსგავსი ქმედებები წარმოადგენს ამომრჩევლის ნების კონტროლს, რაც ნეგატიურ ზეგავლენას ახდენს ამომრჩევლის ნების თავისუფალ გამოვლენაზე და შესაძლოა, ამომრჩევლის მიერ აღქმული იქნას, როგორც ირიბი ზეწოლა“.

არჩევნების მეთვალყურე ორგანიზაცია უარყოფითად აფასებს იმ ფაქტს, რომ არაერთი მოწოდებისა და რეკომენდაციის მიუხედავად, საკრებულოს შუალედურ არჩევნებზეც მასშტაბური სახე ჰქონდა პარტიული კოორდინატორების მობილიზებას და ამომრჩევლის აღრიცხვას.

27 ოქტომბერს, ლაგოდეხის, ადიგენის და მარტვილის მაჟორიტარული ოლქების შვიდ საარჩევნო უბანზე ჩატარდა საკრებულოს შაულედური არჩევნები. წინასწარი შედეგებით, გაიმარჯვეს "ქართული ოცნების" კანდიდატებმა.

 

 

ფოტო: TOK TV

დაწერე კომენტარი (0 კომენტარი)
პოლიტიკა

90909090909ცენტრალურმა საარჩევნო კომისიამ 2019 წლის საკრებულოს შუალედური არჩევნებთან დაკავშირებით მონაცემების გამოქვეყნება დაიწყო. წინასწარი მონაცემებით, ლაგოდეხსა და მარტვილში „ქართული ოცნება-დემოკრატიული საქართველოს“ კანდიდატები იმარჯვებენ.

ლაგოდეხში 4 უბნიდან მონაცემები დათვლილია 2 უბანზე და ხმები ასე ნაწილდება: „ქართული ოცნება-დემოკრატიული საქართველოს“ კანდიდატმა ომარ შველიძემ ამომრჩეველთა ხმების 83,4 პროცენტი მიიღო, რაც რაოდენობრივად 633 ხმას შეადგენს. ლაგოდეხში “ევროპული საქართველო- მოძრაობა თავისუფლებისთვის“ კანდიდატმა მალხაზ მელაშვილმა ამომრჩეველთა ხმების 16.21 პროცენტი მიიღო, რაც 123 ხმას შეადგენს. რაც შეეხება მესამე ადგილზე გასულ კანდიდატს, მოძრაობა „თავისუფალი საქართველოსთვის“ კანდიდატმა დავით ბეგლარაშვილმა ხმების 0,4 პროცენტი მიიღო, რაც 3 ხმას შეადგენს.

რაც შეეხება მარტვილს, მონაცემები დათვლილია ორი უბნის მიხედვით 100 პროცენტიანი მხარდაჭერით გამარჯვებულია „ქართული ოცნება-დემოკრატიული საქართველოს“ კანდიდატი რობერტ კაკულია, რომელიც რაოდენობრივად 549 ხმას შეადგენს.

ლაგოდეხში, ადიგენსა და მარტვილში საკრებულოს შუალედურ არჩევნებზე ხმის მიცემის პროცედურა შეწყდა და საარჩევნო უბნები 20:00 საათზე დაიხურა.მაჟორიტარული საარჩევნო სისტემით საკრებულოების შუალედური არჩევნები ტარდებოდა ლაგოდეხის მუნიციპალიტეტის აფენის თემში, ადიგენის მუნიციპალიტეტის არალის თემსა და მარტვილის მუნიციპალიტეტის კიწიის თემში.

არჩევნები 7 საარჩევნო უბანზე ჩატარდა , სადაც საერთო ჯამში 6 798 ამომრჩეველია რეგისტრირებული. არჩევნებში სამი საარჩევნო სუბიექტის მიერ წარდგენილი 5 კანდიდატი მონაწილეობდა.

დაწერე კომენტარი (0 კომენტარი)
მოიწონეთ გვერდი

Search