პარასკევი, თებერვალი 26, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

პოლიტიკა

პოლიტიკა

909090909iiiiiiiiiiiiii100 წლის წინ ჩვენი სწრაფვა თავისუფლებისკენ სისხლში ჩაახშო საბჭოთა რუსეთმა, ახლა კი გვაქვს ისტორიული შანსი, საბოლოოდ ვიყოთ თავისუფალი სამყაროს მყარი წევრები და არ გვაქვს უფლება ეს შანსი ხელიდან გავუშვათ, - ამის შესახებ ჟურნალისტებს „ევროპული საქართველოს“ ერთ-ერთმა ლიდერმა გიგა ბოკერიამ კოჯორში განუცხადა, სადაც იუნკერთა მემორიალი გვირგვინით შეამკო.

მისივე თქმით, 100 წლის წინ არც თავისუფალი სამყარო იყო იმ მდგომარეობაში, რომ საქართველოს მისი მხარდაჭერით ესარგებლა, თუმცა დღეს ქვეყანას ამ კუთხითაც ბევრად უფრო ხელსაყრელი და შეუდარებელი მოცემულობა აქვს, ვინაიდან თავისუფალი სამყარო ბევრად უფრო ძლიერია.

„დღეს არის გლოვის და ხსოვნის დღე იმ ადამიანების, ვინც საკუთარი სიცოცხლე შესწირა 100 წლის წინ ჩვენი ქვეყნის დამოუკიდებლობას და თავისუფლებას. ეს ტრაგიკული დღეა. 100 წლის წინ ჩვენმა საზოგადოებამ გააკეთა ძალიან მკაფიო არჩევანი, ყოფილიყო თავისუფალი ქვეყანა, ყოფილიყო თავისუფალი სამყაროს ნაწილი და ადამიანის თავისუფლება გამხდარიყო ყველაზე დიდი ღირებულება. ეს იყო არჩევანი ევროპული სახელმწიფოს შექმნის და დღესაც კი მაგალითია მაშინდელი ქართული პოლიტიკური ელიტა იმის, როგორი ქვეყანა გვინდა ჩვენ, ოღონდ თანამედროვე კონტექსტში.

რა თქმა უნდა, დღეს არის ის დღე, რომელიც ყოველთვის გვახსენებს, რამდენად დიდი მოვალეობაა ყველა მოქალაქის, რომ დაიცვას ის, რასაც 100 წლის წინ თავი შესწირეს. მაშინ ჩვენი სწრაფვა თავისუფლებისკენ სისხლში ჩაახშო საბჭოთა რუსეთმა და ამას მოჰყვა ათწლეულების განმავლობაში სტალინური საბჭოთა რუსეთის რეპრესიები, რომელმაც უმძიმესი დარტყმა მიაყენა ჩვენს ქვეყანას და ჯოჯოხეთში აცხოვრა თაობები, ახლა კი გვაქვს ისტორიული შანსი, საბოლოოდ ვიყოთ თავისუფალი სამყაროს მყარი წევრები, ჩვენი ქვეყნის და ჩვენი პერსონალური თავისუფლება იყოს დაცული და ჩვენ არ გვაქვს უფლება ეს შანსი ხელიდან გავუშვათ.

დღესაც საფრთხე მოდის იგივე მიმართულებით - სამწუხაროდ, ჩრდილოელი მეზობლისგან, სადაც საბჭოთა სტალინური რუსეთის მემკვიდრეობა არა თუ არ გამქრალა, არამედ ამის აღორძინებას ცდილობენ და სამწუხაროდ, ჩვენი ქვეყნის შიგნითაც არიან ძალები, რომლებიც ამ თავისუფლებას უქმნიან საფრთხეს, ამიტომ ჩვენი ყველას ვალია ეს თავისუფლება დავიცვათ და ეს ისტორიული შანსი ხელიდან არ გავუშვათ.

100 წლის წინ თავისუფალი სამყარო იყო იმ ფორმაში, რომ ვერ მოვახერხეთ მათი მხარდაჭერით თავისუფლება შეგვენარჩუნებინა, თუმცა დღეს ისტორიული გარემოებები არის ბევრად უფრო ხელსაყრელი, შეუდარებლად ხელსაყრელი ჩვენთვის და ესეც კიდევ ერთხელ არის შეხსენება, როგორ არ უნდა გავუშვათ ეს შანსი ხელიდან, როცა თავისუფალი სამყარო ბევრად უფრო ძლიერია, ვიდრე ეს იყო 100 წლის წინ“, - განაცხადა გიგა ბოკერიამ.

რაც შეეხება ხელისუფლებასთან მოლაპარაკებებს და ქვეყანაში მიმდინარე პროცესებზე საერთაშორისო გამოხმაურებებს, ბოკერიას თქმით, „ვითარება უცვლელია - ივანიშვილის რეჟიმი უნდა მოვიდეს გონს, გამოუშვას მელია, რურუა, შეწყვიტოს პოლიტიკური რეპრესიები და დანიშნოს თავისუფალი არჩევნები“.

„ეს არის ის, რაც სჭირდება ჩვენი ქვეყნის თავისუფლების დაცვას და ამ გზიდან გადახვევა არის საფრთხე ჩვენი ქვეყნის და ჩვენი პერსონალური თავისუფლებისთვის, რასაც მოჰყვება რეაქცია და ქართული საზოგადოების მხარდამჭერი შესაბამისი რეაქცია“, - აღნიშნა ბოკერიამ.

„ევროპული საქართველოს“ ერთ-ერთმა ლიდერმა 26 თებერვალს დაგეგმილ, ოპოზიციის აქციაზეც ისაუბრა და აღნიშნა, რომ „პროტესტი მშვიდობიანი, მაგრამ მწვავე, განგრძობადი და მზარდი იქნება“.

დაწერე კომენტარი (0 კომენტარი)
პოლიტიკა

 yuyuy6677777777საქართველოს პრემიერ-მინისტრის ირაკლი ღარიბაშვილის განცხადებით, მიუხედავად იმისა, რომ საქართველო დროებით ოკუპირებულია, გზა, რომელიც ქვეყანას გაერთიანებასთან მიიყვანს, ქვეყნის გაძლიერებაზე, დემოკრატიასა და ეკონომიკურ განვითარებაზე გადის. ამის შესახებ ღარიბაშვილმა ჟურნალისტებს კოჯორში განუცხადა, სადაც იუნკერთა მემორიალი გვირგვინით შეამკო.

„25 თებერვალი არის ერთ-ერთი ყველაზე ტრაგიკული თარიღი ჩვენი ქვეყნის ისტორიაში. ეს დღე გვახსენებს, რამდენად დიდია ჩვენი გმირების დამსახურება ჩვენი სამშობლოს წინაშე. ჩვენმა გმირებმა, მათ შორის იუნკერებმა, გასწირეს საკუთარი სიცოცხლე, ჩვენი დამოუკიდებლობისა და თავისუფლებისთვის. ამიტომ, ეს დღე კიდევ ერთხელ გვახსენებს, მიუხედავად იმისა, რომ ჩვენი ქვეყანა დროებით ოკუპირებულია, ჩვენი გზა გადის ქვეყნის გაძლიერებაზე, დემოკრატიაზე, ეკონომიკურ განვითარებასა და ჩვენი ქვეყნის კეთილდღეობაზე. ეს არის გზა, რომელიც საბოლოო ჯამში მიგვიყვანს ჩვენი ქვეყნის გაერთიანებასთან. ჩვენი საერთო მიზანი უნდა იყოს ჩვენი ქვეყნის, ჩვენი ხალხის და ერის გაერთიანება. კიდევ ერთხელ ქედს ვიხრი დაღუპული გმირების წინაშე და მინდა დიდი პატივი მივაგო მათ ხსოვნას“,- განაცხადა ღარიბაშვილმა.

დაწერე კომენტარი (0 კომენტარი)
პოლიტიკა

 dashvebuli droshaსაბჭოთა ოკუპაციის დღესთან დაკავშირებით სახელმწიფო შენობებზე სახელმწიფო დროშები დაეშვა.

საქართველოს პარლამენტის 2010 წლის 21 ივლისის დადგენილების თანახმად, 25 თებერვალი საბჭოთა ოკუპაციის დღედ არის გამოცხადებული. ამ დღეს, ოკუპაციის მსხვერპლთა პატივსაცემად, წუთიერი დუმილი ცხადდება და საქართველოს მთელ ტერიტორიაზე, სახელმწიფო უწყებების შენობებზე, სახელმწიფო დროშები ეშვება.

1921 წლის 25 თებერვალს, რუსეთის მე-11 არმიამ თბილისი აიღო და საქართველოს ანექსია მოახდინა. საქართველოს დამოუკიდებლობისთვის მებრძოლ იუნკერთა დიდი ნაწილი ბრძოლის ველზე გმირულად დაიღუპა.

დაწერე კომენტარი (0 კომენტარი)
პოლიტიკა

 misha misha mishaძველი პოლიციელებიდან შესაძლოა, რამდენიმე ათეული პროცენტი დარჩა, მაგრამ ახლა ვიზუალურადაც სხვა ხალხია, ვეღარ ვცნობ, – ამის შესახებ საქართველოს ყოფილმა პრეზიდენტმა, მიხეილ სააკაშვილმა განაცხადა.

მისი თქმით, საქართველოს პრაქტიკულად დღეს პოლიცია აღარ ჰყავს.

„ჩემი აზრით, პოლიცია საქართველოს პრაქტიკულად აღარ ჰყავს. რამდენიმე ათეული პროცენტი შეიძლება, დარჩა ძველი პოლიციელების, მაგრამ ახლა ვიზუალურადაც სხვა ხალხია, რასაც ვუყურებ. ვერ ვცნობ. მაგალითად, მაშინ პოლიციაში რომ მოხვედრილიყვნენ, გახდომის წამლებს სვამდნენ და სპეციალურად ვარჯიშობდნენ, რადგან ღიპიან პოლიციელს პოლიციაში არ იღებდნენ. ახლა ისევ ვიზუალურადაც იქცევიან შევარდაძისდროინდელებივით, რადგან ხიხოსტანში წახალისებულია უტიფრობა, სიუხეშე, ყველაფრის პირიქით წარმოდგენა.

აქედან გამომდინარე, პოლიციაშიც მოგვიწევს სერიოზული შიდასტრუქტურული ცვლილებები. რა თქმა უნდა, ყველა პროფესიონალი შესანარჩუნელებელია, მაგრამ ამ ხალხს უნდა მიეცეს სულ სხვა ინსტრუქტაჟი. უნდა მოხდეს პოლიციის სრული დეპოლიტიზაცია, სრული დეპოლიტიზაცია სასამართლო და სრული დეპოლიტიზაცია პროკურატურის. სხვა გამოსავალი არ არის“, – განაცხადა სააკაშვილმა ტელეკომპანია „მთავარის“ ეთერში.

დაწერე კომენტარი (0 კომენტარი)
პოლიტიკა

მთავრობის ადმინისტრაციის ხელმძღვანელმა, კახა ქემოკლიძემ თანამდებობა დატოვა.

ამის შესახებ ქემოკლიძემ სოციალურ ქსელში დაწერა.

როგორც ის აღნიშნავს, საქართველოს, განსხვავებული პოლიტიკური გემოვნების, რელიგიური მრწამსის, ეთნიკური კუთვნილების, მსოფლმხედველობის მიუხედავად სჭირდება საზოგადოების კონსოლიდაცია, რადგან წინ ბევრი რთული გამოწვევაა!

kkkk 1„დადგა დრო როდესაც ზუსტად 10-წლიანი აქტიური, უზომოდ დინამიური და გამოწვევებით სავსე სამსახურის შემდეგ უნდა დაგემშვიდობოთ, როგორც საჯარო მოხელე და ყოფილი უსაფრთხოების ოფიცერი. სულ ვფიქრობდი რა უნდა დამეწერა, როდესაც ეს დღე დადგებოდა. მინდა, გულწრფელი მადლობა გადავუხადო იმ ჭკვიან, საქმეზე და ქვეყანაზე შეყვარებულ პროფესიონალებს, ქალბატონებს და ბატონებს, ღირსეულ საჯარო მოხელეებსა და ოფიცრებს, რომლებიც დღის და ღამის განმავლობაში თავდაუზოგავად მუშაობდნენ სახელმწიფო ინტერესების დაცვის, მისი შიდა და გარე მტრების განეიტრალებისა და ქვეყნის სამშვიდობოზე გაყვანის სულისკვეთებით. ბევრი მათგანი მუშაობდა ისე, რომ არ ელოდა, არც ითხოვდა აღიარებას ან განსაკუთრებულ დაფასებას. ბევრი იმედგაცრუების მიუხედავად (რაც ყოველთვის ორგანულია ამ სფეროში) არ ჰკარგავდნენ ენთუზიაზმს და არ იმჩნევდნენ დაღლასა და ცხოვრებისეულ ყოფით სირთულეებს, ღირსეულად იტანდნენ დაუმსახურებელ მედია, თუ შიდა სტრუქტურულ (ხანდახან სუსხიან პოლიტ-ანგაჟირებულ) კრიტიკას და აგრძელებდნენ შრომას ისე, რომ ეს საქმეს არ შესტყობოდა.

მადლობა, იმ ადამიანებს ვინც თავდაუზოგავი (ზოგჯერ სიცოცხლისთვის სარისკო) შრომის ფასად, მუდმივად უწევდათ ოჯახისთვის, შვილებისთვის, ახლობლებისა და მეგობრებისთვის ყურადღების მოკლება; ყოველთვის ცდილობდნენ ესწავლათ სხვის, თუ საკუთარ შეცდომებზე, რათა მომავალში სახელმწიფოსთვის და მისი ინსტიტუციებისთვის აერიდებინათ მოჯადოებულ წრეზე სიარული და პროგრესისთვის შემაფერხებელი ბარიერები! განსაკუთრებული მადლობა იმ ხალხს, ვისგანაც გავიაზრე „შიშისგან თავისუფლების“ იდეა; ვინც ჩამინერგა მრწამსი, რომ ამ სფეროში (ისევე როგორც ცხოვრებაში) ორი რამ არის მთავარი: ღირსება და სახელმწიფო ინტერესების ერთგულება!

მინდა გულწრფელად ვთქვა, 10 წლის განმავლობაში მქონდა პატივი (ალბათ უიშვიათესი), რომ მემუშავა განსაკუთრებულ ადამიანებთან, ხელმძღვანელებთან და ლიდერებთან (როგორც წინა, ისე ამჟამინდელი ხელისუფლების პირობებში). ვფიქრობ, ეს 10 წელი იყო, ღირებული იმითაც, რომ ჩემს თვალწინ გაიზარდა ახალგაზრდა პროფესიონალების და გულწრფელი პატრიოტების ისეთი თაობა, რომელიც მომავალში იქნება ქვეყნისთვის მყარი საყრდენი!

არ შემიძლია, განსაკუთრებული მადლობა არ გადავუხადო ყოფილ პრემიერ გახარიას! ადამიანს, რომელსაც, არ დაგიმალავთ ეჭვის თვალითაც კი (პროფესიული ჩვევებიდან და ინსტიქტებიდან გამომდინარე ვუყურებდი დასაწყისში. მადლობა გახარიას, იმისთვის, რომ იყო თავდაუზოგავი (ხშირ შემთხვევაში ფიზიკურად ამოუხსნელი) შრომის, საოცრად სწრაფი ფიქრის უნარის, სწორი სახელმწიფოებრივი ფასეულობების და ღირებულებების მატარებელი და ბევრისათვის სამაგალითო ლიდერი. იყო შინაარსობრივად მერიტოკრატიის რწმენით გამსჭვალული ხელმძღვანელი; ქრონიზმის, ნეპოტიზმის, ზედმეტი ბიუროკრატიის მტერი და პასუხისმგებლობის საკუთარ თავზე ამღები თანამედროვე მენეჯერი. მადლობა მას, იმისთვის, რომ მომცა საშუალება ვყოფილიყავი სახელმწიფო ინტერესების დაცვის სადარაჯოზე და მემსახურა ჩემი ქვეყნისათვის.

დასასრულს, მინდა სახელმწიფოებრივ საქმეში, გულწრფელად წარმატება ვუსურვო ახალ პრემიერს. საქართველოს, განსხვავებული პოლიტიკური გემოვნების, რელიგიური მრწამსის, ეთნიკური კუთვნილების, მსოფლმხედველობის და ა.შ. მიუხედავად სჭირდება საზოგადოების კონსოლიდაცია, რადგან წინ ბევრი რთული გამოწვევაა! ამ ქვეყნის ძალა არის მხოლოდ ერთობაში! მე დროებით გემშვიდობებით. ჩვენ კვლავ შევხვდებით!“, - წერს ქემოკლიძე.

ცნობისთვის, კახა ქემოკლიძე მთავრობის ადმინისტრაციის ხელმძღვანელად 20 დღის წინ, 4 თებერვალს დაინიშნა.

დაწერე კომენტარი (0 კომენტარი)
მოიწონეთ გვერდი

Search