შაბათი, ივნისი 06, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

პოლიტიკა

პოლიტიკა

ugulavaaaშეთანხმება ბოლომდე უნდა შესრულდეს, შესაბამისად, გიორგი რურუამაც უნდა დატოვოს საპატიმრო და მე იმედი მაქვს, რომ ეს მალე მოხდება. მოხდება ან აღკვეთის ღონისძიების ჩანაცვლებით თუ პრეზიდენტის შეწყალებით, მე ბუნებრივია დეტალები არ ვიცი, მაგრამ ფაქტი უნდა შედგეს და ეს სამარცხვინო ფურცელი ჩვენი ქვეყნის ისტორიაში უნდა გადაიშალოს.

მე საერთოდ არ მსიამოვნებს ის, რომ ჩემს ქვეყანაზე საერთაშორისო პარტნიორები ამბობენ, რომ ჰყავს პოლიტპატიმრები, რადგან ამას თავისი ხიფათი და მინუსები მოსდევს, მოსდევს პრობლემები ქვეყნისთვის.

არ მაქვს იმის იმედი, რომ ხელისფულება ამას გააცნობიერებს, იმიტომ რომ მათი ქმედებიდან ეს არ გამომდინარეობდა, მაგრამ ერთი რამე არის ფაქტი და ჩვენმა საზოგადოებამ დაინახა, რომ ეს ქვეყანა არ არის მარტო და სამყარო არ არის ჩალით დახურული და თუნდაც, არც კორონავირუსით შებურული და ის რაც სიმართლეა და რა ვალდებულებასაც აიღებ, როგორც არ უნდა მტკივნეული იყოს ეს შენთვის, ეს ვალდებულება უნდა შეასრულო. თუ ხარ ხელისუფლებაში უნდა გესმოდეს, რომ საჭიროა ხშირად მტკივნეული გადაწყვეტილებების მიღება, მაგრამ ამაზე მეტად საჭიროა, რომ არებული ვალდებულებები შეასრულო.

ასეა ადამიანურ ურთიერთობებშიც, ასეა საერთაშორისო პოლიტიკაში და ასეა შიდა პოლიტიკაშიც. 

 

 

http://www.tabula.ge

დაწერე კომენტარი (0 კომენტარი)
პოლიტიკა

 giorgi rurua„მთავარი არხის“ ერთ-ერთი მეწილის, ბრალდებულ გიორგი რურუას ადვოკატები, 18 მაისს დაგეგმილ სასამართლო პროცესზე რურუას გათავისუფლების შუამდგომლობას დააყენებენ. აღნიშნულის შესახებ „ინტერპრესნიუსს“ ბრალდებულის ერთ-ერთმა ადვოკატმა, დიმიტრი საძაგლიშვილმა განუცხადა.

როგორც საძაგლიშვილი განმარტავს, ისინი სასამართლოს გიორგი რურუას აღკვეთის ღონისძიების გარეშე დატოვების შუამდგომლობით მიმართავენ. ადვოკატის თქმითვე, რურუას პატიმრობაში დატოვების სამართლებრივი საფუძვლები აღარ არსებობს, ვინაიდან მოწმეთა უმეტესობა უკვე დაკითხულია.

ამასთან, საძაგლიშვილი აცხადებს, რომ დაკითხული პოლიციელებიც კი ვერ ადასტურებენ, რომ გიორგი რურუას ცეცხლსასროლი იარაღი ჰქონდა.

„გიორგი რურუას გათავისუფლებას 18 ნოემბრიდან მოყოლებული, მას შემდეგ, რაც ის უკანონოდ დააკავეს, ველოდებით. სასამართლოს ყველა სხდომაზე და ყველა შესაძლებლობაზე მის გათავისუფლებას ვითხოვდით. რაც შეეხება გათავისუფლების მექანიზმს, სასამართლოში მხარეებს შეუძლიათ აღკვეთის ღონისძიების შეცვლის, ან გაუქმების შუამდგომლობა დაყენონ. ეს შეუძლია როგორც, დაცვის მხარეს, ასევე პროკურატურას. გიორგი რურუას პატიმრობაში ყოფნის არანაირი საფუძველი არ არსებობს. ორშაბათს ვაპირებთ აღნიშნული შუამდგომლობის დაყენებას, ეს გამონაკლისი არ იქნება, ვინაიდან როგორც მოგახსენეთ, ყველა სხდომაზე ვაყენებდით გიორგი რურუას გათავისუფლების შუამდგომლობას, ახლა უკვე სამართლებრივი საფუძველიც გვაქვს და ბუნებრივია, ამ შესაძლებლობას ხელიდან არ გავუშვებთ.

მოწმეების მნიშვნელოვანი ნაწილი დაკითხულია, შესაბამისად, რაც უფრო მეტი მოწმე იკითხება, მით უფრო მეტად ეცლება პროკურატურის თუნდაც, აბსურდულ არგუმენტს საფუძველი, რომ რურუამ ვინმეზე შეიძლება ზეწოლა მოახდინოს. ამასთან, ყველაზე მნიშვნელოვანი ისაა, რომ იმ მოწმეების ჩვენებებით, რომლებიც უკვე დაიკითხნენ, დასტურდება, რომ გიორგი უდანაშაულოა, მათ შორის, პოლიციელების ჩვენებით. არაერთი პოლიციელი დაიკითხა და პრინციპში, მათი ძირითადი ნაწილი არ ადასტურებს რომ გიორგი რურუას ცეცლხსასროლი იარაღი ჰქონდა და რომ საერთოდ მისი პირადი ჩხრეკა ჩატარდა. ესეც ბუნებრივია, პატიმრობის გაუქმების საფუძველია“, - აცხადებს საძაგლიშვილი.

როგორც ის განმარტავს, პროკურატურისგან მოლოდინი არ აქვს, რომ სასამართლოს რურუას მიმართ აღკვეთის ღონისძიების შეცვლის შუამდგომლობით მიმართავს. საძაგლიშვილის განცხადებით, ვინაიდან საქმე პოლიტიზირებულია, მას სასამართლოს გადაწყვეტილების პროგნოზირებაც უჭირს.

„სიმართლე გითხრათ, არანაირი მოლოდინი არ მაქვს არც პროკურატურასთან და არც სასამართლოსთან მიმართებაში და არც მინდა მქონდეს. ეს რეალური საქმე რომ იყოს, როგორც ადვოკატს, შეიძლებოდა მევარაუდა, რომ ახლა ეს გადაწყვეტილება უნდა მიიღოს მოსამართლემ, პროკურატურამო, მაგრამ ვინაიდან ეს პროცესი თავიდანვე პოლიტიზირებული იყო, შეუძლებელია, წინასწარ განჭვრიტო რა გადაწყვეტილება იქნება მიღებული. დარწმუნებული ვართ, რომ სიმართლე აუცილებლად გაირკვევა და დადგინდება მათ შორის ის, როგორ მოხდა გიორგი რურუასთვის ცეცხლსასროლი იარაღის ჩადება, მაგრამ ეს როდის მოხდება და რა ფორმით, წარმოდგენა არ მაქვს.

ვიმეორებ, ძალიან მყარი სამართლებრივი საფუძველი არსებობს, რომ გიორგი რურუა პატიმრობიდან გათავისუფლდეს, ეს საფუძველი ადრეც არსებობდა, მოსამართლე აღკვეთს ახლა შეუცვლის თუ არა, არ ვიცი“, - აცხადებს საძაგლიშვილი.

კითხვაზე, შესაძლოა თუ არა, გიორგი რურუასაც პრეზიდენტის შეწყალება დაჭირდეს და მის მიმართ სასამართლომ გამამტყუნებელი განაჩენი დააყენოს, საძაგლიშვილი პასუხობს, ამის წინასწარ განსაზღვრა რთულია.

„რაც შეეხება სასამართლოს მიერ გიორგის დამნაშავედ ცნობას, ეს დღეს და ხვალ ვერ მოხდება, რადგან საქმის განხილვის დასასრულებლად დროა საჭირო, არსებობს ზემდგომი ინსტანციები, ადამიანის უფლებათა ევროპული სასამართლო და ამ ყველაფრის პარალელურად არსებობს პრეზიდენტის ინსტიტუტი, რომელსაც შეუძლია შეწყალების მექანიზმით ნებისმიერი პირი გაათავისუფლოს, ვის მიმართაც გამამტუნებელი განაჩენია დამდგარი“, - განაცხადა საძაგლიშვილმა.

ცნობისთვის, გიორგი რურუა სამართალდამცავებმა 18 ნოემბერს, სსკ-ის 236-ე მუხლის მე-3 და მე-4 ნაწილებით გათვალისწინებული დანაშაულისთვის დააკავეს, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს. მას აღკვეთის ღონისძიების სახით პატიმრობა აქვს შეფარდებული.

 

www.interpressnews.ge

დაწერე კომენტარი (0 კომენტარი)
პოლიტიკა

 oqruashviliპრეზიდენტის შეწყალების შემდეგ, ირაკლი ოქრუაშვილმა და გიგი უგულავამ საპატიმრო დატოვეს. 

"ერთადერთი ადვილად შესასრულებელი დაპირება გასცა ივანიშვილმა, რომ კიდევ მრავალ ოპოზიციონერს მრავალი წლით გაუშვებდა ციხეში და ეს დაპირებაც ვერ შეასრულა, ხომ ხედავთ" - თქვა ირაკლი ოქრუაშვილმა.

მან მადლობა გადაუხადა ყველა ადამიანს, ვინც წვლილი შეიტანა 8 მარტის შეთანხმებაში.

"განსაკუთრებით ოპოზიციის ყველა ლიდერს და აშშ-ის და ევროკავშირის ელჩებს, ასევე, სენატორ რიჩს და ბატონ კუბუილიუსს, რომ არა მათი ძალისხმევა, ალბათ ეს შედეგი არ დადგებოდა" - თქვა ოქრუაშვილმა და აღნიშნა, რომ მნიშვნელოვანია, შეთანხმება ბოლომდე შესრულდეს და გიორგი რურუა გათავისუფლდეს.

დაწერე კომენტარი (0 კომენტარი)
პოლიტიკა

 rishi da shahiniმივესალმებით შეწყალებას და ბატონი ოქრუაშვილისა და ბატონი უგულავას ციხიდან გათავისუფლებას. ეს მნიშვნელოვანი ნაბიჯია 8 მარტის შეთანხმების შესრულებისკენ, რამაც უნდა გარდაქმნას საარჩევნო სისტემა და დაასრულოს პოლიტიკური ჩარევა სასამართლოს საქმიანობაში, - ამის შესახებ აშშ-ის სენატის საგარეო ურთიერთობა კომიტეტის თავმჯდომარე, ჯეიმს რიშისა და სენატორ ჯინ შაჰინის ერთობლივ განცხადებაშია აღნიშნული.

განცხადებაში აღნიშნულია, რომ უგულავასა და ოქრუაშვილის გათავისუფლება ძლიერი სიგნალია მათთვის, ვინც 8 მარტის შეთანხმების მიღწევის პროცესში მონაწილეობდა.

„ეს ძლიერი სიგნალია მათთვის, ვინც ამ პროცესში ძალისხმევა გასწია და იმუშავა, რომ შეთანხმება ხელმოწერილიყო და პროგრესი მიღწეულიყო,“- აცხადებენ სენატორები.

მათივე თქმით, „მოუთმელად ელიან“ საარჩევნო სისტემაში ცვლილებების განხორციელებასა და გიორგი რურუას გათავისუფლებას.

„მომდევნო კვირებში, მას შემდეგ რაც პარლამენტი სამუშაო რეჟიმში დაბრუნდება, მოუთმენლად ველით საარჩევნო სისტემაში შეთანხმებული ცვლილებების განხორციელებას. ასევე, ველით გიორგი რურუას გათავისუფლებას, მედია მფლობელის, რომელიც დეკემბერში ყალბი ბრალდებებით დააკავეს", - ნათქვამია სენატორების მიერ გავრცელებულ განცხადებაში.

შეგახსენებთ, გიგი უგულავა და ირაკლი ოქრუაშვილი საქართველოს პრეზიდენტმა გუშინ შეიწყალა. მათ საპატიმრო გუშინვე დატოვეს.

დაწერე კომენტარი (0 კომენტარი)
პოლიტიკა

 gigi ugulavaaaaaგიგი უგულავამ ციხე დატოვა. რამდენიმე წუთია, რაც მან რუსთავის პენიტენციური სამსახურის შენობა დატოვა. 

მან პრეზიდენტს მადლობა გადაუხადა.

პრეზიდენტმა უგულავა დაახლოებით 2 საათის წინ შეიწყალა.

დაწერე კომენტარი (0 კომენტარი)
მოიწონეთ გვერდი

Search