სამშაბათი, ივლისი 07, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Как правильно варикоз лечить

პოლიტიკა

პოლიტიკა

lasha baqradzeპოლიტიკური მოძრაობა ლელოს პოლიტსაბჭოს წევრმა ლაშა ბაქრაძემ პარტია დატოვა. ამის შესახებ მან Facebook-ზე დაწერა და აღნიშნა, რომ ამ საკითხზე სხვა განცხადებას არ გააკეთებს. 

"მივიღე გადაწყვეტილება "ლელოს" რიგებიდან გამოსვლის შესახებ.

არ ვაპირებ რაიმე განცხადებების გაკეთებას იმ ჯგუფის წინააღმდეგ, რომლთანაც თუნდაც რამდენიმეთვიანი ურთიერთობა და თანამშრომლობა მაკავშირებს. ნურავინ შეიწუხებს თავს ამ თემაზე ჩემი დაკითხვის მცდელობით.

სხვა საკითხებთან დაკავშირებით კი, როგორც ყოველთვის, მზად ვარ სასაუბროდ - თავისუფლად და კონიუქტურის გათვალისწინების გარეშე.

ღრმად მწამს, რომ პოლიტიკა არის საინტერესო და მნიშვნელოვანი, განზე დგომა და "იყო სოფელში და სოფლისთვის არა იზრუნო" მიუღებელია ჩემთვის, ან, როგორც ჰაინრიხ ბიოლი იტყოდა "ჩარევა სასურველია". ასე რომ, განვაგრძობ ჩემს ინდივიდუალურ ჩარევის გზას" - წერს ისტორიკოსი Facebook-ზე.

ლელოს ლიდერმა მამუკა ხაზარაძემ 6 ივნისს განაცხადა, რომ საქართველოს კონსტიტუციაში ქორწინების შესახებ ჩანაწერი "კარგად არის განსაზღვრული და გადახედვა არ სჭირდება". ხაზარაძე ირწმუნება, რომ საქართველოში უმცირესობების უფლებები ძალიან კარგად არის დაცული. მანვე თქვა, რომ ეკლესიისათვის მიწების გადაცემა პრობლემად არ მიაჩნია.

დაწერე კომენტარი (0 კომენტარი)
პოლიტიკა

1397641659 garibashvili da ivanishviliქართულ ოცნებას ჩვენს რეალობაში ალტერნატივა არ ჰყავს. ბიძინა ივანიშვილს დღეს ალტერნატივა არ ჰყავს ამ ქვეყანაში.

კეთილი ინებონ და დაელოდონ არჩევნებს. ოპოზიციური პარტიებისგან მიმდინარეობს მხოლოდ უშინაარსო, უარგუმენტო, უსაფუძვლო ბრალდებები, ცილისწამებები და შეურაცხყოფებით გაჯერებული დისკუსიები. ხალხს მობეზრდა ამათი საუბრების მოსმენა, ისევე როგორც მთავრობის წარმომადგენლების პასუხების მოსმენა.

ნაციონალური მოძრაობა არის ერთ-ერთი გამორჩეული მატყუარებით და პოლიტიკური თაღლითებით დაკომპლექტებული ძალა. გადახედეთ მათ მმართველობით პერიოდს. მთელი მასები შეიყვანეს შეცდომაში. იგივეს აგრძელებენ. მათ უბრალოდ დღეს აქვთ უამრავი ტელევიზია, მათ მსახურებაში არის მთავარი არხი, ტვ პირველიც მათ კოორდინაციაში უკვე შევიდა და ფორმულა, რომელიც არის კეზერაშვილის მიერ დაფინანსებული.

ჩვენი ბრალია ის, რომ ნაციონალურ მოძრაობას დღემდე შერჩა ამდენი მხარდამჭერი, მაგრამ გამოვასწორებთ. 

 

http://www.tabula.ge

დაწერე კომენტარი (0 კომენტარი)
პოლიტიკა

79644939 104819384352499 2945098008745738240 nსაპარლამენტის ფრაქცია "დამოუკიდებელი დეპუტატების“ წევრებმა პარტია დააფუძნეს. ჩვენი საქართველო - სოლიდარობის ალიანსის პრეზენტაცია დღეს გაიმართა. 

ფრაქცია დამოუკიდებელი დეპუტატების თავმჯდომარის, მარიამ ჯაშის თქმით, პარტიაში იქნებიან ბექა ნაცვლიშვილი, ლევან გოგიჩაიშვილი, ზვიად კვაჭანტირაძე, გედევან ფოფხაძე. ასევე, თბილისის საკრებულოს წევრი ჯაბა ჯიშკარიანი.

"ბუნებრივია, ღია ვართ თანამშრომლობისთვის ჩვენი სხვა კოლეგების მიმართ და იმედი გვაქვს, რომ კიდევ უფრო გავფართოვდებით, რადგან ჩვენი ხედვა იქნება სწორედ პოზიტიური დღის წესრიგის, ახალი პოლიტიკური კულტურის დამკვიდრება საქართველოსთვის“, - ამბობს ჯაში.

პარტიის თავმჯდომარე ბექა ნაცვლიშვილი იქნება, გენერალური მდივანი მარიამ ჯაში, ხოლო პოლიტსაბჭოს თავჯდომარე - ზვიად კვაჭანტირაძე.

ახალი პარტიის წევრებმა ქართული ოცნება 2019 წელს დატოვეს. ნაწილმა - უზენაესი სასამართლოს მოსამართლეების კანდიდატების გამო, ხოლო ნაწილმა - პროპორციულ სისტემაზე გადასვლის შესახებ კანონპროექტის ჩაგდების გამო.

დაწერე კომენტარი (0 კომენტარი)
პოლიტიკა

 degnani da prokuroriაშშ-ის ელჩი საქართველოში კელი დეგნანი მიიჩნევს, რომ "გენერალური პროკურატურა მზადაა, აიღოს უმნიშვნელოვანესი პასუხისმგებლობა შემოდგომაზე, რომ ამომრჩევლებს ჰქონდეთ სრული ნდობა საარჩევნო პროცესის მიმართ". მთავარი პროკურატურის პრესსამსახურის ინფორმაციით, ამის შესახებ ელჩმა გენერალურ პროკურორთან, ირაკლი შოთაძესთან გაცნობითი შეხვედრის შემდეგ თქვა. 

"შესანიშნავი შეხვედრა მქონდა გენერალურ პროკურორთან. გვქონდა შესაძლებლობა განგვეხილა თანამშრომლობის სხვადასხვა  მიმართულებები, მათ შორის ექსტრადიციები, საქართველოსა და შეერთებული შტატებისთვის საინტერესო სხვა სამართლებრივი საკითხები.

ჩვენ აგრეთვე ვისაუბრეთ გენერალური პროკურორის მნიშვნელოვან როლზე მოახლოებულ მომავალ არჩევნებში, მათ შორის ამომრჩეველთა მოსყიდვის და ამომრჩეველთა დაშინების შესახებ საჩივრების განხილვასთან დაკავშირებით და ვთვლი, რომ გენერალური პროკურატურა მზადაა, აიღოს უმნიშვნელოვანესი პასუხისმგებლობა შემოდგომაზე, რომ ამომრჩევლებს ჰქონდეთ სრული ნდობა საარჩევნო პროცესის მიმართ“ - თქვა ელჩმა პროკურატურის ცნობით.

აშშ-ის ელჩის და საქართველოს გენერალური პროკურორი ერთმანეთს 8 ივნისს შეხვდნენ.

დაწერე კომენტარი (1 Comment)
პოლიტიკა

xazaradzeaლელოს ლიდერს, მამუკა ხაზარაძეს საპატრიარქოსთვის ტყეების გადაცემა პრობლემად არ მიაჩნია. 

ხაზარაძე დარწმუნებულია, რომ ეკლესია ტყეებს "ძალიან კარგად მიხედავს".

"საპატრიარქოსთვის ტყეების გადაცემა არ მომხდარა დღეს. ეს ტყეები ძველი ტაძრებისთვის იყო გადაცემული. გელათის გარეშემო ტყე უნდა იყოს დაცული, იმიტომ რომ, სამწუხაროდ, კორუფციის, ადგილობრივი ჩინოვნიკების ან იმ ადამიანების გამო, რომლებსაც მადა ეხსნებათ, შეიძლება ვიღაცამ გადაწყვიტოს, რომ გელათის გარეშემო ტყეში ვილა ჩადგას. ამიტომ, თუ ეკლესიას და მონასტერს თუ ისტორიულად ეკლესია პატრონობდა, მის გარშემო ამ დაკანონება მე არანაირ პრობლემად არ მიმაჩნია.

ჩვენ სახელმწიფო ვართ დღეს? ნანახი გაქვთ, როგორი ხეების ჩეხვა მიდის, რა ვანდალობა მიდის? ამიტომ მე მირჩევნია, რომ ის, რაც ისედაც იყო მათი, მაგრამ კერძო საკუთრებაში არ იყო, მე როგორც ვიცი უზურფუტში იყო, დღეს უბრალოდ დაკანონდა. მე ამაში დიდს და განსაკუთრებულს ვერაფერს ვხედავ, მე დარწმუნებული ვარ, ჩვენი ეკლესია ძალიან კარგად მიხედავს", - თქვა მან ტვ პირველის ეთერში.

პალამენტმა საპატრიარქოსთვის ტყის გადაცემის შესახებ კანონპროექტი 22 მაისს დაამტკიცა.

ცვლილებები შევიდა ტყის კოდექსსა და სახელმწიფო ქონების შესახებ კანონში.

პარლამენტის გადაწყვეტილებით, საქართველოს სამოციქულო მართლმადიდებელ ეკლესიას საკუთრებაში შეიძლება გადაეცეს კოდექსში ცვლილებების ამოქმედებამდე არსებული მართლმადიდებლური ეკლესია-მონასტრების მიმდებარე ტყის ფართობი, (არაუმეტეს 20 ჰა თითოეულის შემთხვევაში) და ასევე, საქართველოს ტყის კოდექსით განსაზღვრული მიჩენილი ტერიტორიები.

მიჩენილ ტერიტორიაში იგულისხმება ტყის ფართობი, რომლის მესაკუთრე არის სახელმწიფო, თუმცა, საერთო მართვის უფლებამოსილება აქვს საქართველოს საპატრიარქოსთან ერთად. შესაბამისად, საკანომდებლო ცვლილების შემდეგ, საპატრიარქოს შეიძლება საკუთრებაში გადაეცეს როგორც ახალი, ასევე აქამდე მიჩენილი ტერიტორიები.

 

http://www.tabula.ge

დაწერე კომენტარი (0 კომენტარი)
მოიწონეთ გვერდი

Search