ოთხშაბათი, იანვარი 22, 2020
Follow Us

პოლიტიკა

პოლიტიკა

arciltalakvadzeსაქართველოს პარლამენტის თავმჯდომარე, არჩილ თალაკვაძე მიესალმება ამერიკის შეერთებული შტატების ელჩის კელი დეგნანის მიერ ფიცის დადებას. „მოხარული ვართ, რომ ამერიკის ხელისუფლებამ დაამტკიცა საქართველოში ამერიკის ელჩი უკვე თანამდებობაზე“, - განაცხადა მან ჟურნალისტებთან კომენტარში:

„მან დადო ფიცი და ველით მასთან თანამშრომლობის დაწყებას. რა თქმა უნდა, ეს არის ძალიან მნიშვნელოვანი, ვინაიდან ამერიკა არის ჩვენი ნომერ პირველი სტრატეგიული პარტნიორი, ჩვენი მეგობარი და ელჩის ჩამოსვლას ძალიან დიდ მნიშვნელობას ვანიჭებთ. ჩვენ მოველით მასთან ურთიერთთანამშრომლობას“, - აღნიშნა არჩილ თალაკვაძემ.

საქართველოში ამერიკის შეერთებული შტატების საგანგებო და სრულუფლებიანმა ელჩმა კელი დეგნანმა ფიცი დადო. ფიცის დადების ცერემონიას დაესწრო აშშ სახელმწიფო მდივნის მოადგილე დევიდ ჰეილი.

საქართველოში ამერიკის შეერთებული შტატების ელჩის თანამდებობაზე კელი დეგნანი თეთრმა სახლმა 2019 წლის სექტემბერში წარადგინა. 19 დეკემბერს აშშ სენატმა საბოლოო თანხმობა მისცა კელი დეგნანის კანდიდატურას საქართველოში აშშ-ის ელჩის პოზიციაზე.

კელი დეგნანი ოფიციალურიად აშშ-ის ელჩის მოვალეობების შესრულებას მას შემდეგ შეუდგება, რაც საქართველოში რწმუნებათა სიგელს გადასაცემს საქართველოს პრეზიდენტს სალომე ზურაბიშვილს.

კალიფორნიელი კელი დეგნანი კარიერული დიპლომატია, აქვს მრჩეველი-დესპანის სტატუსი და საქართველოში ელჩად დანიშვნამდე მსახურობდა ევროპასა და აფრიკაში აშშ-ის სამხედრო-საზღვაო ძალების სარდლის პოლიტიკურ მრჩევლად.

მანამდე კელი დეგნანი მუშაობდა იტალიასა და კოსოვოში აშშ-ის დიპლომატიური მისიის ხელმძღვანელის მოადგილედ.

 

www.radiotavisupleba.ge

დაწერე კომენტარი (1 Comment)
პოლიტიკა

03koberidzeწესიერად ილაპარაკე, - ამ სიტყვებით დამოუკიდებელმა დეპუტატმა ლევან კობერიძემ ბიუროს სხდომაზე პარლამენტის პირველ-ვიცე სპიკერს გია ვოლსკის მიმართა.

ბიუროს სხდომაზე ლევან კობერიძე ჯანდაცვის მინისტრის ეკატერინე ტიკარაძის პარლამენტთან მუშაობის პრობლემატურობაზე საუბრობდა, რა დროსაც ვოლსკიმ გარკვეული რეპლიკა გააკეთა.

ამის შემდეგ კობერიძემ მას მიმართა, რომ არტისტიზმი კარგია, თუმცა არა ბიუროს სხდომაზე. თავის მხრივ, პირველმა ვიცე-სპიკერმა ლევან კობერიძეს ურჩია, თავად დაკავდეს არტისტული საქმიანობით.

 

www.interpressnews.ge

დაწერე კომენტარი (0 კომენტარი)
პოლიტიკა

5974BDAA 1E56 4CFE 85B3 6332EA891EFB w1023 r1 sსაჯარო სამსახურის ბიურომ 2019 წელს თანამდებობის პირთა ქონებრივი მდგომარეობის დეკლარაციების მონიტორინგის შედეგების ანგარიში გამოაქვეყნა.

ჯამურად 2019 წლის განმავლობაში მონიტორინგს დაექვემდებარა 607 თანამდებობის პირის დეკლარაცია, მათ შორის, შეამოწმეს პარლამენტის წევრების, მინისტრების და მინისტრის მოადგილეების (მათ შორის ყოფილი), საკონსტიტუციო და საერთო სასამართლოს მოსამართლეების დოკუმენტაცია.

ანგარიშის თანახმად, დადებითად შეფასდა 237 თანამდებობის პირის დეკლარაცია; დაჯარიმდა - 254 თანამდებობის პირი; გაფრთხილება მიიღო 75-მა; პროკურატურაში გადაიგზავნა - 1; სასამართლომ წარმოება შეაჩერა 2 თანამდებობის პირზე (ანგარიშში დეკლარაციის შევსების დროს დაკავებული თანამდებობებია ასახული).

სასამართლო ხელისუფლება

  • ზაზა თავაძე, საქართველოს საკონსტიტუციო სასამართლოს თავმჯდომარე - დაჯარიმდა;
  • ევა გოცირიძე, საქართველოს საკონსტიტუციო სასამართლოს მოსამართლე - დაჯარიმდა;
  • მანანა კობახიძე, საქართველოს საკონსტიტუციო სასამართლოს მოსამართლე - გაფრთხილება;
  • ვასილ როინიშვილი, უზენაესი სასამართლოს მოსამართლე - დაჯარიმდა;
  • ნინო ქადაგიძე, თბილისის სააპელაციო სასამართლო მოსამართლე (დეკლარაციის შევსების დროს) - დაჯარიმდა;
  • მერაბ გაბინაშვილი, თბილისის სააპელაციო სასამართლოს მოსამართლე (დეკლარაციის შევსების დროს) - დაჯარიმდა;
  • გიორგი მიქაუტაძე, იუსტიციის უმაღლესი საბჭოს მდივანი - გაფრთხილება;
  • ანა დოლიძე, იუსტიციის უმაღლესი საბჭოს არამოსამართლე წევრი - დაჯარიმდა;
  • თამარ ონიანი, თბილისის სააპელაციო სასამართლო მოსამართლე - გაფრთხილება.

პარლამენტის წევრები

  • დიმიტრი ხუნდაძე - დაჯარიმდა;
  • კობა კობალაძე - დაჯარიმდა;
  • ზვიად კვაჭანტირაძე - დაჯარიმდა;
  • ლევან კობიაშვილი - დაჯარიმდა;
  • გურამ მაჭარაშვილი - დაჯარიმდა;
  • ბექა ნაცვლიშვილი - დაჯარიმდა;
  • ერეკლე ტრიპოლსკი - დაჯარიმდა;
  • გოჩა ენუქიძე - დაჯარიმდა;
  • ზაზა კედელაშვილი - დაჯარიმდა;
  • სამველ მანუკიანი - დაჯარიმდა;
  • სიმონ ნოზაძე - დაჯარიმდა;
  • ზაქარია ქუცნაშვილი (პარლამენტის ყოფილი წევრი) - დაჯარიმდა;
  • შოთა შალელაშვილი (პარლამენტის ყოფილი წევრი) - დაჯარიმდა;
  • დავით ჭიჭინაძე - დაჯარიმდა;
  • მიხეილ ყაველაშვილი - დაჯარიმდა;
  • გიორგი ღვინიაშვილი - დაჯარიმდა;
  • ილია წულაია - დაჯარიმდა;
  • ირაკლი ხახუბია - დაჯარიმდა;
  • ენზელ მკოიანი - დაჯარიმდა;
  • ილია ნაკაშიძე - დაჯარიმდა;
  • ვიქტორ ჯაფარიძე - დაჯარიმდა;
  • გრიგოლ მიქელაძე - დაჯარიმდა;
  • კობა ნაყოფია - დაჯარიმდა;
  • ელგუჯა გოცირიძე - დაჯარიმდა;
  • ლაშა დამენია - დაჯარიმდა;
  • ოთარ დანელია - დაჯარიმდა;
  • ბექა ოდიშარია - დაჯარიმდა;
  • ნინო წილოსანი - დაჯარიმდა;
  • ლერი ხაბელოვი - დაჯარიმდა;
  • გოდერძი ჩანქსელიანი - დაჯარიმდა;
  • ირაკლი კობახიძე - გაფრთხილება;
  • მამუკა ჩიქოვანი - დაჯარიმდა.

მინისტრები

  • ნათია თურნავა, ეკონომიკის მინისტრი - დაჯარიმდა;
  • დავით ზალკალიანი, საგარეო საქმეთა მინისტრი - გაფრთხილება;
  • დავით სერგეენკო, ჯანდაცვის ყოფილი მინისტრი - დაჯარიმდა;
  • ზურაბ ალავიძე, რეგიონული განვითარებისა და ინფრასტრუქტურის ყოფილი მინისტრი - დაჯარიმდა.

სხვა თანამდებობის პირები

  • თამარ ჟვანია, ცესკო-ს თავმჯდომარე - გაფრთხილება;
  • ვასილ მაღლაფერიძე, საზოგადოებრივი მაუწყებელი გენერალური დირექტორი - გაფრთხილება;
  • დავით ნარმანია, ენერგეტიკისა და წყალმომარაგების მარეგულირებელი ეროვნული კომისია კომისიის თავმჯდომარე - გაფრთხილება;
  • დავით საგანელიძე, საპარტნიორო ფონდის აღმასრულებელი დირექტორი - დაჯარიმდა;
  • კახა ბექაური, კომუნიკაციების ეროვნული კომისია წევრი (დეკლარაციის შევსების დროს) - დაჯარიმდა.

 

www.radiotavisupleba.ge

 

დაწერე კომენტარი (0 კომენტარი)
პოლიტიკა

02gaxaraბოლო პერიოდში აქტიურად საუბრობენ, რომ გიორგი გახარია ყველაზე მოკლევადიანი პრემიერი იქნება. მისი თანამდენბობიდან წასვლის შესახებ ინფორმაცია, მედიაში არა ერთხელ მოხვდა. დღეს პრემიერ მინისტრს, გიორგი გახარიას ჟურნალისტებმა კითხეს, გეგმავს თუ არა თანამდებობის დატოვებას ან ხომ არ აიძულებენ წავიდეს პოსტიდან. 

"მოდით ფინალს დაველოდოთ, ნუ ჩქარობთ" - ასე მოკლედ უპასუხა ჟურნალისტის შეკითხვას საქართველოს პრემიერ-მინისტრმა.  ჟურნალისტის განმეორებით შეკითხვაზე, ხომ არ ატოვებინებენ მას პოსტს, პრემიერის ცინიკური შეფასება მოჰყვა:  "თქვენ ისე დაიჟნებით მეკითხებით, რომ გინდათ მაინდამაინც დაგასპოილეროთ, დაელოდეთ ფინალურ სერიას" - განაცხადა მან. 

კულუარული ინფორმაციით, გიორგი გახარიას პოსტზე არჩილ თალაკვაძე მოიაზრება, ხოლო თალაკვაძის პოსტს დაუბრუნდება ირაკლი კობახიძე. 

 

ajaratv.ge

დაწერე კომენტარი (0 კომენტარი)
პოლიტიკა

005saakashviliსაქართველოს მესამე პრეზიდენტი გამოეხმაურა ამერიკის „ეროვნულ-დემოკრატიული ინსტიტუტის“ (NDI) საზოგადოებრივი აზრის გამოკვლევის შედეგებს.

„როდესაც საუბრობენ იმაზე, რომ მე პოპულარობაში მკვეთრად გავუსწარი ივანიშვილს [პარტია „ქართული ოცნების“ თავმჯდომარეს].

შედარება არის ძალიან მარტივი, ჩემს დროს საქართველოს ეკონომიკა გაიზარდა 4-ჯერ.
ივანიშვილის დროს გაიზარდა 0%-ით.

ჩემს დროს სიღარიბე შემცირდა 2-ჯერ, ივანიშვილის დროს გაიზარდა 2.5-ჯერ.

ჩემ დროს პენსია გაიზარდა მრავალგზის, ივანიშვილის დროს გაიზარდა დოლარებში 0%-ით.
მე ხელისუფლება გადავაბარე არჩევნებით და ეს არ აპირებს.

მე მჯერა იმისა, რომ ქართველები უნდა დაბრუნდნენ საქართველოში და ყველამ ერთად ავაშენოთ დიდი საქართველო.

ივანიშვილს უნდა და მოუწოდებს, რომ ქართველები გავიდნენ საქართველოდან.

მე მჯერა, რომ საქართველოს აქვს განსაკუთრებული როლი და მსოფლიოში წამყვანი მისია, ივანიშვილისთვის კი საქართველო არის უმნიშვნელო
პატარა სოფელი.

მე დარწმუნებული ვარ, რომ ყველაფერი უნდა გაკეთდეს ხალხისთვის და ვაკეთებდი ყველაფერს ხალხისთვის, არაფერი არ წამიღია სახლში. ივანიშვილმა კი
შემორაგვა მთელი საქართველო და ყველაფერი მიაქვს სახლში: ხეები, ზღვა, მიწები და უამრავი სხვა ქონება, რომელიც უნდა ეკუთვნოდეს ქართველ ხალხს მან მიისაკუთრა!

ამგვარად, მე მიკვირს რატომ არ არის მეტი განსხვავება ჩვენს შორის პოპულარობაში, უბრალოდ, რა თქმა უნდა ბოლომდე ყველა ვერ ამბობს თავის სათქმელს,
რა თქმა უნდა, ქართველი ხალხი არის უკვე ყველაფერში გარკვეული და ეს გამოკითხვაც ამაზე მეტყველებს“, - ამბობს მიხეილ სააკაშვილი.

გამოკვლევის იმ ნაწილში, რომელშიც საუბარია პოლიტიკოსების მიმართ დამოკიდებულებაზე, ივანიშვილთან შედარებით, სააკაშვილის მიმართ დადებითად 9%-ით მეტი არის განწყობილი. ამასთან, ექსპრეზიდენტთან შედარებით, ყოფილი პრემიერ-მინისტრისადმი 10%-ით მეტი არის უარყოფითად განწყობილი.

გამოკვლევის შედეგები ასეთია (მიხეილ სააკაშვილი): უარყოფითი დამოკიდებულება - 39%; დადებითი - 26%; არც დადებითი არც უარყოფითი - 29%.

ბიძინა ივანიშვილი: უარყოფითი დამოკიდებულება - 49%; დადებითი - 17%; არც დადებითი არც უარყოფითი - 29%;

 

www.radiotavisupleba.ge

დაწერე კომენტარი (0 კომენტარი)
მოიწონეთ გვერდი

Search