შაბათი, იანვარი 23, 2021
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

პოლიტიკა

პოლიტიკა

 misha saakashvili misha"სოხუმი ჩემთვის არის სამშობლო და ჩვენი ქვეყნის ყველაზე სანუკვარი ნაწილი, სოხუმი არის ჩემთვის ქართული იერუსალიმი, აქვს ოკუპირებული რუსეთს. 

როდესაც საფრანგეთი ჰქონდა გერმანიას ოკუპირებული, ედიტ პიაფს რომ ეთქვა, მივდივარ ახლა ბერლინში, კაბარეებში კარგად უნდა გავართო გერმანელი ოფიცრები, მერე რა მოხდა, ომი კი გვქონდა შემოვიდნენო... მე არ ვადარებ, ნინო ანანიაშვილი არიას გენიალური ბალერინა.

ეს არის პირადი არჩევანი, მაგრამ ამას გამართლება არ აქვს. გული მისკდება ახალა რომ ვუყურებ, გალში როგორ იწვის ჩვენი სახლები, გული გახეთქვაზე მაქვს...

 

ამბობს ექსპრეზიდენტი სააკაშვილი მთავართან ინტერვიუში ნინო ანანიაშვილზე საუბრისას. ანანიაშვილი 2021 წლიდან რუსეთში ნოვოსიბირსკის ოპერისა და ბალეტის თეატრის საბალეტო დასს უხელმძღვანელებს და ამავე დროს, ქართული საბალეტო დასის ხელმძღვანელადაც დარჩება. "გერმანიასთანაც გვქონდა ომი, მაგრამ ხომ არ ნიშნავს, რომ არ უნდა ვემეგობროთ". - ასე განმარტა მან გადაწყვეტილება.

დაწერე კომენტარი (0 კომენტარი)
პოლიტიკა

 ინჯია injiaდღევანდელი ახალი ამბავი არის ის, რომ თანხმობა მივეცი, მონაწილეობა მივიღო მეათე მოწვევის პარლამენტის მუშაობაში. ამავდროულად, დავტოვე „საქართველოს პატრიოტთა ალიანსის“ პარტია, როგორც პარტიის წევრმა. დღეიდან აღარ ვარ საქართველოს „პატრიოტთა ალიანსის“ წევრი, – ამის შესახებ „პატრიოტთა ალიანსის“ წევრმა, ფრიდონ ინჯიამ საქართველოს პირველ არხს განუცხადა.

მისი თქმით, სავარაუდოდ, პარტია მის განცხადებას დააკმაყოფილებს.

„განცხადება დატოვებული მაქვს, დანარჩენი უკვე პარტიის პოლიტსაბჭოს გადაწყვეტილებაზეა დამოკიდებული. ვფიქრობ, დააკმაყოფილებენ ჩემს განცხადებას, რადგან ეს იყო ორმხრივი სურვილი. ავთო ენუქიძე, რომელიც სიით მოხვდა, დავით ზილფიმიანი და ზაზა-გელა ენუქიძე იყვნენ პარტიის გულშემატკივრები, ხვალ ერთად მივდივართ პარლამენტში. ხვალ 12:00 საათზე იქნება პარლამენტის სხდომა და იქ იქნება კენჭისყრა“, – განაცხადა ინჯიამ.

დაწერე კომენტარი (0 კომენტარი)
პოლიტიკა

 eka xoferiaეკა ხოფერია აფხაზეთის განათლებისა და კულტურის მინისტრად დაინიშნა. ინფორმაცია ტაბულას თავდაპირველად აფხაზეთის ავტონომიური რესპუბლიკის მთავრობაში დაუდასტურეს. შემდგომ კი, აფხაზეთის განათლებისა და კულტურის მინისტრად დანიშვნის თაობაზე ცნობა ტაბულას თავად ეკა ხოფერიამაც დაუდასტურა.

როგორც ეკა ხოფერია ტაბულასთან სატელეფონო საუბარში განმარტავს, მინისტრის თანამდებობა მას აფხაზეთის ავტონომიური რესპუბლიკის მთავრობის თავმჯდომარემ, რუსლან აბაშიძემ შესთავაზა.

"გიდასტურებთ, დღეს დამნიშნეს აფხაზეთის ავტონომიური რესპუბლიკის განათლების და კულტურის მინისტრად. დღეს იქნება წარდგენა და შეიძლება ითქვას, რომ დღეიდან შევუდგები საქმიანობას. ეს შემოთავაზება მივიღე აფხაზეთის ავტონომიური რესპუბლიკის მთავრობის თავმჯდომარისგან, რუსლან აბაშიძისგან. ჩვენ გამომცემლობას [ჟურნალ "სითის"] ჰქონდა პროექტი "მე აფხაზეთისთვის" და ვფიქრონ, რომ იქიდან გაჩნდა ეს იდეა, რადგან ამ პროექტის შემდეგ დამიკავშირდა ბატონი რუსლანი და შემომთავაზა. დავთანხმდი, რადგან ჩემთვის ეს საინტერესო, მნიშვნელოვანი და ახალი საქმეა". – ამბობს ხოფერია ტაბულასთან საუბარში.

კითხვაზე, თუ რამდენად კვალიფიციურია ამ თანამდებობისთვის და აქვს თუ არა გეგმა, თუ რას გააკეთებს პირველს, ანდა რა საკითხებს დაუთმობს დროს მინისტრობიდან პირველი 100 დღის განმავლობაში, ეკა ხოფერია გვპასუხობს:

"მე ჩემს კვალიფიკაციაზე ვერ ვისაუბრებ, მე დავამთავრე თსუ-ის ფილოლოგიის ფაკულტეტი და შემდგომ სადაც ვმუშაობდი, ჩემი საქმიანობის შესახებ ინფრომირებულები ხართ. რაც შეეხება სამომავლო გეგმას, ეს იმდენად მრავალმხრივია, მოიცავს განათლების, კულტურის, სპორტის, მეცნიერების, აფხაზეთში ისტორიული მემკვიდრეობის მიმართულებებს... დღეს პირველი დღეა და ვერ გეტყვით მომავალი 100 დღის განმავლობაში რა გეგმით წარვსდგები, ალბათ, ცოტა დრო დამჭირდება, რომ ეს ყველაფერი საფუძვლიანად ჩამოვაყალიბო". – ამბობს ეკა ხოფერია.

დაწერე კომენტარი (0 კომენტარი)
პოლიტიკა

 elisashvili ioseiani ii"არც მაგის შეგვეშინდება თუ ასე იქნება... არც მაგას გამოვრიცხავთ" - ასე პასუხობს მოქალაქეების ლიდერი ალეკო ელისაშვილი რუსთავი 2-ის კითხვას, შეიძლება თუ არა, მისი პარტია პარლამენტში მარტო, სხვა ოპოზიციური პარტიების გარეშე შევიდეს.

"იქ შეთანხმებას უნდა მოვაწეროთ ხელი, რომელიც ელჩებთან არის და რომელიც დაპაუზდა არაერთი და რამდენიმე პოლიტიკოსის გამო. დიახ, საარჩევნო სისტემის ცვლილების შეთანხმებას. ისე აბაიბრუებენ ამას და ისე აიაფებენ, თითქოს ეს არის რაღაცა, რომელიც ისედაც შესაძლებელია. თითქოს საარჩევნო სისტემის შეცვლა და ცესკოს დაკომპლექტების წესი რა დიდი ამბავია" - თქვა ელისაშვილმა.

პარტია მოქალაქეების ლიდერის განცხადებით, პარლამენტში შესვლა-არშესვლაზე არ არის საქმე, "ფასს გააჩნია, რა ფასად შევალთ ჩვენ იქ, ამაზეა ლაპარაკი".

რუსთავი 2-მა ალეკო ელისაშვილს ჰკითხა, მხოლოდ მას და ლევან იოსელიანს რა ძალა აქვთ პარლამენტში იმისთვის, რომ რეალური ცვლილებები მოიტანოს საარჩევნო სისტემის მიმართულებით, საკონსტიტუციო ცვლილების გარეშე.

"მე მიმაჩნია, რამდენსაც ერთი კაცი ვახერხებდი, იმდენს ვცდილობდი და ვახერხებდი, რამდენსაც ორი შევძლებთ, ორი შევძ;ებთ და ღვთის წყალობით, მაგარი მოტივირებული და ძაან ენერგიული გუნდი გვყავს, ამ ქვეყანას რომ სჭირდება, ისეთ პარტიას ვაშენებთ" - ამბობს ელისაშვილი.

კითხვაზე, რას შეცვლის ქმედითად პარლამენტში, მოქალაქეების ლიდერი იმეორებს, რომ "უნდა შევცვალოთ საარჩევნო სისტემა". რუსთავი 2-ის წამყვანმა ელისაშვილს შეახსენა, რომ ის და ლევან იოსელიანი საკონსტიტუციო ცვლილებისთვის საკმარისი არ არიან.

"ხოდა, სხვებიც არიან, სხვებსაც ხომ უნდათ იმ პარლამენტში შესვლა ეს ოხერი, ყველას უნდა, უბრალოდ, პირველი ნაბიჯი ვერავინ გაბედა" - ამბობს ელისაშვილი.

ოპოზიციის 60 დეპუტატიდან 54-მა ოფიციალურად თქვა მანდატზე უარი. პარლამენტარობაზე უარის თქმის მოთხოვნით პარლამენტისთვის მხოლოდ მოქალაქეებსგირჩის სამ და პატრიოტთა ალიანსის ერთ წევრს არ მიუმართავს.

ორი კვირის წინ პარტია მოქალაქეების ერთერთი ლიდერი ლევან იოსელიანი ამბობდა, რომ მხოლოდ მისი და ალეკო ელისაშვილის პარლამენტში შესვლას აზრი არ ექნება. 

"მე და ალეკო რომ მარტო შევიდეთ, ეს ხომ სისულელე იქნება, რა უნდა გავაკეთოთ ორმა კაცმა? იმას თავი დავანებოთ, რომ მთელი საქართველოსთვის გაუგებარი იქნება, მაგრამ, ვთქვათ, შევედით, რა უნდა გავაკეთოთ, რას შევცვლით? ვერაფერს.

ამიტომ, ჩვენი ამოცანა პარლამენტში შესვლა კი არ არის, ჩვენი ამოცანაა, მოლაპარაკების პროცესი გადავარჩინოთ" - აცხადებდა მაშინ იოსელიანი.

დაწერე კომენტარი (0 კომენტარი)
პოლიტიკა

elenexoshtariaელენე ხოშტარია „ევროპული საქართველოდან“ წასვლის შესახებ გავრცელებულ ინფორმაციას ოფიციალურად ადასტურებს. ამის შესახებ ხოშტარიამ პარტიის ოფისში გამართულ ბრიფინგზე განაცხადა.

ხოშტარიას თქმით, ამ ეტაპზე დამოუკიდებელი პოლიტიკური ცხოვრების დაწყებას გეგმავს.

„მინდა დავიწყო მადლობით „ევროპული საქართველოს“ მიმართ. ეს არის გუნდი, რომელთანაც დავიწყე პოლიტიკური ცხოვრება, რომელთან ერთადაც გავიარე ძალიან მნიშვნელოვანი ბრძოლები. პირველი, რაც მინდა ვთქვა, ეს არის დიდი მადლობა თითოეულ ადამიანს, როგორც ამ პარტიაში, ასევე მთელი ქვეყნის მასშტაბით იმ აქტივისტს, რომელიც ჩვენთან ერთად იბრძოდა. ამ ეტაპზე მე მივიღე გადაწყვეტილება, რომ დავიწყო დამოუკიდებელი პოლიტიკური ცხოვრება“, -განაცხადა ხოშტარიამ.

ხოშტარიას თქმით, ის არც სხვა პარტიაში გადადის და არც პარლამენტში შესვლას გეგმავს.

„მინდა ხაზგასმით აღვნიშნო, რომ არ გადავდივარ არც ერთ სხვა პარტიაში და ასევე, ძალიან მყარად ვრჩები ოპოზიციურ ერთობაში. ოპოზიციური ერთობა არის უძლიერესი იარაღი დღევანდელი რეჟიმთან ბრძოლის პროცესში. რომ არ იყოს რაიმე სპეკალაციები, არც კი განვიხილავ პარლამენტში შესვლის საკითხს. ჩემი პოლიტიკური პოზიციები რჩება აბსოლუტურად იგივე, უბრალოდ მე მაქვს ახალი გეგმები პოლიტიკურ ცხოვრებაში. ახალი პლატფორმის შექმნა, ახალი პოლიტიკური ძალის შექმნა. პოლიტიკური ცხოვრების ამ ეტაპზე გადავწყვიტე დამოუკიდებელი პოლიტიკური ძალა შევქმნა. ბიძინა ივანიშვილის რეჟიმთან ბრძოლაში მნიშვნელოვანია როგორც წინააღმდეგობის მოძრაობა, ასევე მტკიცე ერთიანი კოორდინირებული, პრინციპული პოლიტიკური პროცესი და მე ორივე მიმართულებით ვაპირებ ბრძოლის გაგრძელებას“, - განაცხადა ხოშტარიამ.

დაწერე კომენტარი (0 კომენტარი)
მოიწონეთ გვერდი

Search