დეტალები

By Super User

მშობელი კატეგორია: ახალი ამბები

ივლ.08

გადასვლები: 544

რუსეთის საგარეო საქმეთა სამინისტრო „რუსთავი 2“-ის წამყვანის, გიორგი გაბუნიას რუსეთის პრეზიდენტ ვლადიმირ პუტინისთვის მიმართვას გამოეხმაურა.

„კატეგორიულად ვგმობთ თავისი სიმდაბლით უპრეცედენტო გამოხტომას, მიუღებელი უცენზურო გამონათქვამების გამოყენებით რუსეთის ხელმძღვანელობის მიმართ, მოწყობილს ქართულ ტელეარხ „რუსთავი2“-ზე. ამას განვიხილავთ, როგორც კიდევ ერთ აშკარა პროვოკაციას საქართველოს რადიკალური ძალების მიერ, რომელიც მიმართულია რუსეთ-საქართველოს ურთიერთობების ძირის გამოსათხრელად.

ველოდებით ადეკვატურ რეაქციას პროფილური საერთაშორისო და რეგიონული ორგანიზაციებისა და ჟურნალისტური თანამეგობრობისგან (საზოგადოებისგან). ამის მსგავს გამოვლინებებს ადგილი არ უნდა ჰქონდეს ცივილიზებულ ქვეყნებში“, - ნათქვამია რუსეთის საგარეო საქმეთა სამინისტროს კომენტარში. ამ ინფორმაციას „ტასი“ ავრცელებს.

დეტალები

By Super User

მშობელი კატეგორია: ახალი ამბები

ივლ.07

გადასვლები: 457

დავით თარხან-მოურავი ხელისუფლებას ურჩევს, რუსეთთან ურთიერთობის მოსაგვარებლად ადა მარშანია მოსკოვში გაუშვან. ამის შესახებ დავით თარხან-მოურავმა სპორტის სასახლეში "პატრიოტთაალიანსის" ამომრჩევლებთან შეხვედრისას განაცხადა.

მისი თქმით, რუსეთთან საომარი ვითარება გვაქვს, ამის მოგვარების ერთადერთი გზა ადა მარშანიას მოსკოვში წასვლაა. 

„ჩვენ გვინდა სამხედრო მიუმხრობლობა, გვინდა მშვიდობა, ჩვენ გვინდა დიალოგი სოხუმთან, ცხინვალთან, მოსკოვთან, გვინდა ტურისტიც და ბიზნესიც, ჩვენ არ გვინდა ქართული ოცნება, არ გვინდაბოკერია, არ გვინდა ნაცმოძრაობა, არ გვინდა ლგბტ, ჩვენ გვინდა ეკლესია და ქართველობა. რუსეთთანამ ეტაპზე საომარი ვითარება გვაქვს და ამის მოგვარების ერთადერთ გზას ვხედავ იმაში, რომ ადამარშანია გაუშვან მოსკოვში. მარშანია არის აფხაზეთში დაბადებული და გაზრდილი, რომელიც იბრძვის, რომ საქართველოს დაუბრუნდეს აფხაზეთი და ეუბნებიან, კრემლის აგენტი, მოღალატე ხარო. ვისიმოღალატეა, ბიჭო? ეს უტვინოები, ვის ღალატობს?“, - განაცხადა დავით თარხან-მოურავმა.

დეტალები

By Super User

მშობელი კატეგორია: ახალი ამბები

ივლ.08

გადასვლები: 582

რუსეთის სახელმწიფო სათათბიროს საერთაშორისო საქმეების კომიტეტის წევრი ევგენი პრიმაკოვი აუცილებლად მიიჩნევს, რუსეთ-საქართველოს „ურთიერთობის გაყინვას“ ქართველი წამყვანის გიორგი გაბუნიას მიერ რუსეთის პრეზიდენტის გინების შემდეგ.

„საქართველოს ტელევიზია პერსონაჟ გაბუნიას სახით იმდენად „დაეშვა ფსკერზე“, რომ ძალიან ძნელი იქნება კიდევ რაიმე გაგვიკვირდეს. დიახ, საქართველოს პრეზიდენტმა დაგმო პერსონაჟი გაბუნია. მაგრამ ბოდიში არ გაგვიგია. როგორც ჩანს, პირდაპირი რეისების გაუქმებიდან დღემდე პაუზა გაიწელა. იქნება გაგრძელება“, - დაწერა პრიმაკოვმა თავის „ტელეგრამ-არხში“.

სახელმწიფო სათათბიროს დეპუტატმა სინანული გამოთქვა იმის გამო, რომ ერთი ტელეწამყვანის გამო მთელი საქართველო დაზარალდება.

„მაგრამ სწორედ ასე იქნება. თან შემდგომში კიდევ უფრო უემოციოდ, ავტომოპასუხის რეჟიმში. სიბინძურე - სანქცია, კიდევ სიბინძურე - კიდევ სანქცია. ჭურჭლის მტვრევისა და ყვირილის გარეშე, სანამ არ გამომუშავდება სახელმწიფოთაშორისო ურთიერთობებისათვის სასარგებლო პირობითი რეფლექსები“, - დაწერა პარლამენტარმა.

პრიმაკოვმა საქართველო რუსეთის ურთიერთობებზე განაცხადა, რომ „ის უნდა გაიყინოს.“ ამ ინფორმაციას „რია ნოვოსტი“ ავრცელებს.

7 ივლისს, „რუსთავი 2“-ის საავტორო გადაცემაში „პოსტსკრიპტუმის“ წამყვანმა გიორგი გაბუნიამ რუსეთის პრეზიდენტის ვლადიმერ პუტინის მისამართით უცენზურო განცხადებები გააკეთა. ვლადიმერ პუტინს გიორგი გაბუნიამ პირდაპირ ეთერში აგინა. გადაცემის დასრულების შემდგომ, სპეციალური გამოშვებით გავიდა ეთერში „კვირის აქცენტები“, სადაც წამყვანებმა ნიკა გვარამიამ და ეკა კვესიტაძემ გიორგი გაბუნიას განცხადების გამო ბოდიში მოიხადეს. მოგვიანებით, „რუსთავი 2“-ის შენობასთან აქცია გაიმართა. პროტესტის მონაწილეები მოითხოვდნენ დაწყებულიყო გამოძიება გიორგი გაბუნიას განცხადებაზე, ასევე, ნიკა გვარამიას და გიორგი გაბუნიას დაეტოვებინა არხი. მოგვიანებით, ტელეკომპანიის გენერალურმა დირექტორმა ნიკა გვარამიამ საგანგებო განცხადება გააკეთა და განაცხადა, რომ არხი მაუწყებლობას წყვეტს, რადგან იმ ჟურნალისტების უსაფრთხოება, რომლებიც აღნიშნულ აქციაზე მუშაობდნენ, არ იყო დაცული. „რუსთავი 2“-მა მაუწყებლობა უკვე განაახლა.

დეტალები

By Super User

მშობელი კატეგორია: ახალი ამბები

ივლ.07

გადასვლები: 383

საქართველოს პარლამენტის თავმჯდომარე არჩილ თალაკვაძე  განცხადებას ავრცელებს.

„საზოგადოებისთვის ცნობილია, რომ მმართველმა გუნდმა, დავარეგისტრირეთ საკონსტიტუციო ცვლილების პროექტი, რომელიც ითვალისწინებს მომდევნო საპარლამენტო არჩევნების ჩატარებას პროპორციული საარჩევნო სისტემით, ე.წ. ბუნებრივი (ნულოვანი) ბარიერის პირობებში. ასევე, დაწყებულია სამუშაო პროცესი ეუთოს დემოკრატიული ინსტიტუტებისა და ადამიანის უფლებების ოფისის რეკომენდაციების გათვალისწინებით, საარჩევნო კანონმდებლობის რეფორმაზე.

ვინაიდან, ჩვენი სურვილია საარჩევნო კანონმდებლობის დახვეწა იყოს რაც შეიძლება ფართო შეთანხმების საგანი და ყველა ოპოზიციურ პარტიას მიეცეს არჩევნებში თანაბარ პირობებში მონაწილეობის შესაძლებლობა - ვთავაზობთ ოპოზიციურ პარტიებს, რომლებმაც წერილობით მოგვმართეს - ჩაერთონ სამუშაო პროცესში, მათ შორის მონაწილეობა მიიღონ 8 ივლისის შეხვედრაში, რომელსაც გაფართოებული შემადგენლობით ჩავატარებთ“, - აღნიშნულია განცხადებაში.