ხუთშაბათი, ივნისი 04, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net

პოლიტიკა

პოლიტიკა

 elisabediბრიტანეთს დედოფალი ელისაბედ მეორე საქართველოს დამოუკიდებლობის დღეს ულოცავს.

მილოცვას საქართველოში დიდი ბრიტანეთის საელჩო სოციალურ ქსელ „თვითერში“ ავრცელებს.

„დიდი სიხარულით გილოცავთ ეროვნულ დღესასწაულს. საუკეთესო სურვილებით თქვენ და საქართველოს მოსახლეობას“ მისი უდიდებულესობა დედოფალ ელისაბედ მეორის მოლოცვა“, – აღნიშნულია მილოცვაში.

 UK

დაწერე კომენტარი (0 კომენტარი)
პოლიტიკა

 donald tramppppამერიკის შეერთებული შტატების პრეზიდენტი დონალდ ტრამპი საქართველოს პრემიერ-მინისტრ გიორგი გახარიას დამოუკიდებლობის დღესთან დაკავშირებით მისალოც წერილს უგზავნის.

აშშ-ის პრეზიდენტი საქართველოს მთავრობის მეთაურისთვის გამოგზავნილ მილოცვაში ხაზს უსვამს ათწლეულების განმავლობაში აშშ-სა და საქართველოს შორის მტკიცე პარტნიორობას, რომელიც საერთო ღირებულებებს და ინტერესებს ეფუძნება.

„ძვირფასო პრემიერ-მინისტრო! ამერიკელი ხალხის სახელით, გულწრფელად მოგესალმებით და გილოცავთ დამოუკიდებლობის დღეს – 26 მაისს! ათწლეულების განმავლობაში ამერიკის შეერთებულ შტატებს და საქართველოს აკავშირებთ მტკიცე პარტნიორობა, რომელიც ეფუძნება საერთო ღირებულებებს და ინტერესებს. ამერიკის შეერთებული შტატები დიდად აფასებს და პატივისცემით ეპყრობა საქართველოს თავდაცვისუნარიანობის გაძლიერებისკენ მიმართულ ძალისხმევას, მათ შორის მნიშვნელოვან წვლილს ნატოს მისიაში ავღანეთში, სადაც ქართველი მებრძოლები ამერიკული და ნატოს ძალების მხარდამხარ მსახურობენ. ჩვენ მტკიცე მხარდაჭერას ვუცხადებთ საქართველოს სუვერენიტეტს და ტერიტორიულ მთლიანობას საერთაშორისოდ აღიარებულ საზღვრებში. ჩვენ გავაგრძელებთ საქართველოს ურყევ მხარდაჭერას ნატოსკენ მიმავალ გზაზე. ჩვენი პარტნიორობა გრძელდება, დღეს ჩვენ ვთანამშრომლობთ კორონავირუსის უპრეცედენტო გლობალურ პანდემიასთან ბრძოლაში. ჩვენ მტკიცედ ვუჭერთ მხარს საქართველოს დემოკრატიულ და ეკონომიკურ განვითარებას, რაც არსებითად მნიშვნელოვანია ევროატლანტიკურ ინტეგრაციასთან დაკავშირებით ქართველი ხალხის მისწრაფებების განსახორციელებლად. ველი თქვენთან თანამშრომლობას, რათა დავეხმაროთ საქართველოს დემოკრატიული ინსტიტუტების კონსოლიდაციასა და პოლიტიკური პლურალიზმის განმტკიცებაში, კანონის უზენაესობის გაძლიერებაში, რომლის საყრდენს წარმოადგენს დამოუკიდებელი სასამართლო, ასევე – ეკონომიკის დივერსიფიკაციაში. გულითადად ვულოცავ ქართველებს, ვუსურვებ კეთილდღეობას, ნაყოფიერ და უსაფრთხო მომავალს“, – ნათქვამია დონალდ ტრამპის მილოცვაში.

აშშ-ის პრეზიდენტის დონალდ ტრამპის მილოცვას საქართველოს პრემიერ-მინისტრის პრესსამსახური ავრცელებს.

დაწერე კომენტარი (0 კომენტარი)
პოლიტიკა

 kobaxidzeeeeeძალიან მომეწონა მათი რეაქცია, ოპოზიციას გოიმების წოდებით, გულში თუ არა, გულის ახლოს ნამდვილად­ მოვახვედრე, - ამის შესახებ საპარლამენტო უმრავლესობის წევრმა ირაკლი კობახიძემ "კვირის პალიტრასთან" ინტერვიუში განაცხადა. მისივე თქმით, ეს პოლიტიკური სუბიექტები შარის მიზეზებს მაშინაც კი პოულობენ, როცა სპეკულაციების არანაირი საფუძველი არ არსებობს.

"ზუსტად ეს არის გოიმობა და ქაჯობა, რასაც ამდენი ხანია ვერ დააღწიეს თავი. სამწუხაროდ, სხვაგვარად პოლიტიკურ პროცესებში მონაწილეობა არ შეუძლიათ. რაც შეეხება ირაკლი ოქრუაშვილისა და გიგი უგულავას შეწყალებას, ამ ამბავმა, რა თქმა უნდა, უარყოფითად იმოქმედა საზოგადოების განწყობაზე, რადგან მას სამართლიანობის განცდა სჭირდებოდა. თუმცა საერთო-პოლიტიკური სურათი მაინც არ შეცვლილა. ჩვენ ველოდებით საპარლამენტო არჩევნებს, სადაც ოპოზიცია კიდევ ერთხელ ძალიან მძიმედ დამარცხდება. ცალკეული დასავლელი პოლიტიკოსების კრიტიკა ახალი ამბავი არ არის. ისინი, როგორც უკვე გითხარით, 2012 წლის შემოდგომიდან გვიგზავნიან წერილებს. ჩვენი პარტნიორი ქვეყნიდან არც ერთ სახელმწიფო ინსტიტუციას მწვავე შეფასება არ გაუკეთებია. მათ კარგად იციან, რომ 48 მილიონის ქურდი არ შეიძლება პოლიტპატიმრად მოიხსენიო. შესაბამისად, ეს რჩება ცალკეული პოლიტიკოსების განცხადებად," - განაცხადა ირაკლი კობახიძემ.

დაწერე კომენტარი (0 კომენტარი)
პოლიტიკა

 pompeoშეერთებული შტატების სახელმწიფო მდივანი, მაიკ პომპეო საქართველოს ხალხს დამოუკიდებლობის დღეს ულოცავს სახელმწიფო დეპარტამენტის ვებსაიტზე გამოქვეყნებულ განცხადებაში, რომლის ტექსტსაც სრულად გთავაზობთ: 

"შეერთებული შტატების ხელისუფლების სახელით, ვულოცავ საქართველოს ხალხს, როცა თქვენ თქვენი ქვეყნის დამოუკიდებლობის დღეს ზეიმობთ.

აშშ-ს და საქართველოს აქვთ ძლიერი სტრატეგიული პარტნიორობა, რომელიც ეფუძნება ერთობლივ ღირებულებებს და თავისუფლების, დამოუკიდებლობის, ერთიანობის დიდ სიყვარულს. აშშ მტკიცედ რჩება საქართველოს სუვერენიტეტის და საერთაშორისოდ აღიარებულ საზღვრებში ტერიტორიული ერთიანობის ერთგული, და ჩვენ მხარს ვუჭერთ საქართველოს მკაფიო არჩევანს ევრო-ატლანტიკური ინტეგრაციისკენ. აშშ აფასებს საქართველოს ძალისხმევას თავისი თავდაცვის შესაძლებლობების გასაძლიერებლად და მის მნიშვნელოვან წვლილს საერთაშორისო უსაფრთხოებაში, მათ შორის ავღანეთში ნატოს მისიაში. საქართველოს სამხედროები მამაცურად მსახურობენ, და ჩვენ პატივს მივაგებთ ქართველებს, რომლებმაც ასეთი დიდი მსხვერპლი გაიღეს გლობალური მშვიდობის და უსაფრთხოების გაძლიერების საქმეში.

მომავალ წელს ჩვენ მოუთმენლად ველით ჩვენი ორმხრივი ურთიერთობის კიდევ უფრო გამდიდრებას, იმ ფონზე, როცა საქართველო გაატარებს რეფორმებს, რომლებიც გააძლიერებს მის დემოკრატიულ პროცესებს და დამოუკიდებელ სასამართლოზე დაფუძნებულ კანონის უზენაესობას. ჩვენ მტკიცედ ვუჭერთ მხარს საქართველოს ეკონომიკურ განვითარებას და ძალისხმევას აღდგეს COVID-19-ის პანდემიისგან. ამჟამინდელის მსგავსი კრიზისები კიდევ ერთხელ შეგვახსენებს ამერიკელი და ქართველი ხალხების მეგობრობის რეალურ სიღრმესა და მნიშვნელობას.

გილოცავთ დამოუკიდებლობის დღეს!"

დაწერე კომენტარი (0 კომენტარი)
პოლიტიკა

1590259782 5ec97051349acსაარჩევნო რეფორმის დამტკიცების შემთხვევაში, 2020 წლის საპარლამენტო არჩევნებისთვის 30 მაჟორიტარული ოლქიდან 12 დასავლეთ, 18 კი აღმოსავლეთ საქართველოში გადანაწილდება. ეს სქემა ტელეკომპანია ფორმულამ ექსკლუზიურად მოიპოვა.

ტელეკომპანიასთან საუბარში ქართული ოცნების დეპუტატი, ირაკლი კობახიძე ადასტურებს, რომ ეს რუკა ემთხვევა იმას, რაზეც იმუშავეს. მისივე თქმით, მთავარი კრიტერიუმი მოსახლეობის რაოდენობა და რეგიონების საზღვრები იყო. მამუკა მდინარაძის განცხადებით კი, რუკა სამუშაო ვერსიაა. იგი არც იმას გამორიცხავს, რომ ამან საბოლოო სახე მიიღოს და არც იმას, რომ შეიცვალოს.

ამავე ტელეკომპანიის ცნობით, ოლქები შემდეგნაირად განაწილდება:

  • რაჭა-ლეჩხუმი-სვანეთი: ერთი მაჟორიტარული ოლქი;
  • სამეგრელოში: ხობს, ფოთსა და სენაკს — ერთი დეპუტატი; აბაშას მარტვილს, ჩხოროწყუსა და წალენჯიხას ერთი დეპუტატი; ზუგდიდსაც — ერთი დეპუტატი;
  • იმერეთში: ვანს, სამტრედიას, ხონსა და წყალტუბოს საერთო მაჟორიტარი ეყოლებათ; ერთი ოლქი იქნება: ბაღდათი, ზესტაფონი, თერჯოლა და ტყიბული. ერთ ოლქად გაერთიანდება ხარაგაული, ჭიათურა და საჩხერეც. ცალკე მაჟორიტარი ეყოლება ქუთაისს;
  • გურია: ერთი მაჟორიტარი;
  • აჭარა: ქედა, შუახევი, ხულო და ხელვაჩაურის ნაწილი — ერთი ოლქი; ხელვაჩაურის მეორე ნაწილს ქობულეთთან ერთად ცალკე მაჟორიტარი ეყოლება. მესამე საარჩევნო ოლქი იქნება ბათუმი;
  • შიდა ქართლი: ორი საარჩევნო ოლქი;
  • ქვემო ქართლი: სამი მაჟორიტარი დეპუტატი;
  • სამცხე-ჯავახეთი: ორი ოლქი;
  • მცხეთა-მთიანეთი: ყაზბეგს, დუშეთს, მცხეთას და თიანეთს ერთი მაჟორიტარი დეპუტატი ეყოლება;
  • კახეთი: საგარეჟოს, გურჯაანს, სიღნაღს და დედოფლისწყაროს ერთი დეპუტატი, მეორე კი ახმეტას, თელავს, ყვარელს და ლაგოდეხს ეყოლება;
  • თბილისი: მაჟორიტარი დეპუტატების რაოდენობა 22-დან 8-მდე შემცირდება.

ჯერჯერობით, ოპოზიციასა და მთავრობას შორის მიღწეული საარჩევნო შეთანხმება ისევ განხილვის საგანია. ოპოზიციაში აცხადებდნენ, რომ შეთანხმებიდან ორი თვის შემდეგ მმართველი გუნდი პირობებს არ ასრულებს, რადგან პოლიტიკოსები ისევ პატიმრობაში არიან. მათი გათავისუფლების გარეშე ისინი უარს აცხადებდნენ, საკონსტიტუციო ცვლილებებისთვის მხარი დაეჭირათ.

ოპოზიციის საპასუხოდ, პარლამენტის თავმჯდომარე აცხადებდა, რომ მმართველ გუნდს პატიმრების გათავისუფლების პირობა არავითარი ფორმით, არავის წინაშე არ დაუდია. თალაკვაძის მტკიცებით, ამას მკაფიოდ ადასტურებს ყველა ფაქტი და დოკუმენტი, მათ შორის თავად შეთანხმების ტექსტი. ქართული ოცნების წარმომადგენლები საუბრობდნენ იმაზეც, რომ ოპოზიციის მოთხოვნა სასამართლოსთვის დავალების მიცემას გულისხმობს, რასაც არ გააკეთებენ.

რამდენიმედღიანი განხილვის შემდეგ პრეზიდენტმა, სალომე ზურაბიშვილმა გიგი უგულავა და ირაკლი ოქრუაშვილი შეიწყალა. ოპოზიციაში აღნიშნეს, რომ პრეზიდენტის ნაბიჯი მისასალმებელია, თუმცა საკონსტიტუციო ცვლილებებს მხარს არ დაუჭერენ თუ საპატიმროს გიორგი რურუაც არ დატოვებს.

8 მარტს, ხანგრძლივი განხილვების შემდეგ, ოპოზიციამ და მმართველ გუნდმა ახალ საარჩევნო მოდელზე შეთანხმებას ხელი მოაწერა. მხარეებს შორის გაფორმებულ მემორანდუმთან ერთად, მართლმსაჯულების სისტემაზე ოპოზიციისა და ხელისუფლების ერთობლივი განცხადებაც გამოქვეყნდა. სადაც ორივე მხარე, მიუხედავად განსხვავებული აზრისა თანხმდებიან, რომ აუცილებელია რეაგირება ქმედებებზე, რომლებიც შესაძლოა აღქმული იქნეს, როგორც სასამართლო და საარჩევნო პროცესების არასათანადო პოლიტიზაცია.

 

on.ge

დაწერე კომენტარი (0 კომენტარი)
მოიწონეთ გვერდი

Search