კვირა, ნოემბერი 17, 2019
Follow Us

პოლიტიკა

პოლიტიკა

tutuniiiiსაქართველოს საგადასახადო კოდექსში შეტანილი ცვლილებების შედეგად, მიმდინარე წლის 21 ნოემბრიდან, ნებისმიერი თამბაქოს ნაწარმის, მათ შორის თამბაქოს ნედლეულის, ჩიბუხის თამბაქოს, შესახვევი თამბაქოს, ასევე ჩილიმისათვის განკუთვნილი თამბაქოს რეალიზაცია და მიწოდება დაუფასოებელი სახით იკრძალება .

ინფორმაციას ფინანსთა სამინისტროს შემოსავლების სამსახური ავრცელებს.

აღნიშნული ნაწარმის რეალიზაცია დასაშვებია მხოლოდ იმ შემთხვევაში, თუ დაფასოებულია ნეტო-მასით 50 ან 100-გრამიან პირველად შეფუთვაში. აღნიშნული წესით დაფასოებული თამბაქო უნდა იყოს დადგენილი წესით აქციზური მარკით ნიშანდებული.

თამბაქოს ნაწარმის თითოეულ კოლოფზე/ბლოკზე და თითოეულ შეფუთვაზე განთავსებული უნდა იყოს სამედიცინო გაფრთხილება და დაცული იყოს „თამბაქოს კონტროლის შესახებ“ საქართველოს კანონით გათვალისწინებული სხვა მოთხოვნები.

ასევე, 21 ნოემბრიდან აქციზური მარკირების გარეშე იკრძალება ელექტრონული სიგარეტით მოხმარებისათვის განკუთვნილი სითხეების რეალიზაცია.

დაფასოების გარეშე თამბაქოს მიწოდება (მ.შ. ნაშთად არსებულის) გამოიწვევს საქართველოს ადმინისტრაციულ პასუხისმგებლობას პირველ ჯერზე 2000 ლარის, ხოლო განმეორებისას -4000 ლარის ოდენობით.

აქციზური მარკით სავალდებულო დართვას დაქვემდებარებული საქონლის აქციზური მარკის გარეშე გადაზიდვა, შენახვა, რეალიზაცია იწვევს საქართველოს სისხლის სამართლის პასუხისმგებლობას (საქონლის ჩამორთმევა, შინაპატიმრობა, თავისუფლების აღკვეთა).

აღნიშნულ საკითხზე დაწვრილებითი ინფორმაცია განთავსებულია ფინანსთა სამინისტროს შემოსავლების სამსახურის ვებგვერდზე.

1tv.ge

დაწერე კომენტარი (0 კომენტარი)
პოლიტიკა

qasuetismgvdeliერთი არქიმანდრიტი იყო ორი ეპისკოპოსი, "მამათმავლობის გამო" განიკვეთნენ ეკლესიიდან _ ამის შესახებ განცხადება, ქაშვეთის ეკლესიის მღვდელმა მამა ელიზბარ ოდიშვილმა, ჟურნალისტებთან საუბრისას გააკეთა.

მან 31 წლის მომხდარი ამბავის გაიხსენა, როდესაც რამდენიმე ეპისკოპოსი "მამათმავლობის გამო" განიკვეთა ეკლესიიდან.

"ერთი არქიმანდრიტი იყო, ორი ეპისკოპოსი. ქუთათელ-გაენათელი და ჭყონდიდელი. მათ მოუწოდეს მონასტრებში წასულიყვნენ. ეკლესიაში იყო ბრძოლა. ახლაც არის და ყოველთვის იქნება ეს. მაშინ იბრძოდა უშიშროება". _ განაცხადა ქაშვეთის ეკლესიის მღვდელმა.

დაწერე კომენტარი (0 კომენტარი)
პოლიტიკა

ninolomjariaსახალხო დამცველი  სასულიერო პირების მიერ გაკეთებულ განცხადებებზე, რომელიც სასულიერო პირების მხრიდან, სექსუალური ხასიათის ქმედებების იძულების ფაქტებს ეხება გამოძიების დაწყებას ითხოვს.

ნინო ლომჯარიას თქმით,  სასულიერო პირები მიანიშნებენ, რომ მსგავსი ტიპის დანაშაული შესაძლებელია,  არასრულწლოვნების მიმართაც იყოს ჩადენილი, რაც აუცილებლად უნდა იქნეს გამოძიებული:

„გავრცელებული ინფორმაცია შეიცავს სისხლის სამართლის კოდექსით გათვალისწინებული დასჯადი ქმედების ნიშნებს. მოვუწოდებ სამართალდამცავ ორგანოებს, დაიწყონ გამოძიება თითოეულ ინფორმაციასთან დაკავშირებით. ასევე მოვუწოდებ ყველა იმ პირს, რომლისთვისაც ცნობილია ზემოთ აღნიშნული სავარაუდო დანაშაულებრივი ქმედებების შესახებ, დაუყოვნებლივ მიმართოს სამართალდამცავ ორგანოებს“, _  განაცხადა ნინო ლომჯარიამ რამდენიმე წუთის წინ გამართულ პრესკონფერენციაზე.

მან ასევე მოუწოდა ყველას, რომ  დაუკავშირდნენ სახალხო დამცველს და მიაწოდონ მათთვის ცნობილი ინფორმაცია.

ლომჯარია ინფორმაციის მფლობელებს კონფიდენციალურობის დაცვას პირდება. 

დაწერე კომენტარი (0 კომენტარი)
პოლიტიკა

miminoshvili cr 721x405ანათლების მინისტრის თანამდებობაზე შესაძლოა გამოცდების ეროვნული ცენტრის ყოფილი დირექტორის, მაია მიმინოშვილის კანდიდატურაც განიხილებოდეს. ამის შესახებ 1tv.ge წერს.

მაია მიმინოშვილის კანდიდატურის თაობაზე ინფორმაციას არ ფლობს განათლების კომიტეტის წევრი თემურ ჭკუასელი, თუმცა დეპუტატი არ გამორიცხავს, რომ მისი კანდიდატურა განიხილებოდეს. ამასთან, ჭკუასელი ამბობს, რომ სამინისტროს შესაძლოა, კულტურის მიმართულება გამოეყოს და მინისტრად ბადრი მაისურაძის კანდიდატურაზე იყოს საუბარი.

„მაია მიმინოშვილი გამოცდილი ადამიანია. შეიძლება, მისი კანდიდატურა განიხილება, რასაც მივესალმები“, – განაცხადა ჭკუასელმა.

„სავარაუდოდ, კულტურის მინისტრი ბადრი მაისურაძე იქნება. მისი კანდიდატურა განიხილება. მოადგილედ მაგიტომ დანიშნეს, რომ თუ სამინისტროს კულტურა გამოეყოფა, ეს ადამიანი დაინიშნება. ბადრი მაისურაძე ძალიან დადებითი ადამიანია, ოპერაში სიტუაცია ძალიან არეულ-დარეული იყო, დაალაგა და ყველას სიმპათია დაიმსახურა. საოპერო ცხოვრება გამოაცოცხლა. შესაძლებლობები აქვს, მსოფლიო დონის ბანი იყო და მთელი მსოფლიო პატივს სცემდა. ამას ჩვენთვის მნიშვნელობა აქვს. მის კანდიდატურას მივესალმები“, - განაცხადა ჭკუასელმა.

მთავრობის დღევანდელ სხდომაზე პრემიერმინისტრმა გიორგი გახარიამ განაცხადა, რომ მიხეილ ბატიაშვილი საკუთარი გადაწყვეტილების საფუძველზე განათლების, მეცნიერების, კულტურისა და სპორტის მინისტრის თანამდებობას ტოვებს. მთავრობის სხდომის შემდეგ მიხეილ ბატიაშვილმა თქვა, რომ თანამდებობიდან გადადგომის შესახებ გადაწაყვეტილების მიზეზი პირადია და იმედოვნებს, რომ "ამას არ მოყვება დამატებითი პოლიტიკური სპეკულაციები".

მიხეილ ბატიაშვილი განათლების, მეცნიერების, კულტურისა და სპორტის მინისტრად 2018 წლის ივლისში დაინიშნა. ის 2012 წლის შემდეგ განათლების სამინისტროს მეხუთე ხელმძღვანელი იყო.

მაია მიმინოშვილი 2018 წლის 10 სექტემბერს გამოცდების ეროვნული ცენტრის ხელმძღვანელის თანამდებობიდან მიხეილ ბატიაშვილის ბრძანების საფუძველზე გაათავისუფლეს.

დაწერე კომენტარი (0 კომენტარი)
პოლიტიკა

parlamentგანათლების, მეცნიერების, კულტურისა და სპორტის სამინისტრო იყოფა. "გურიაtv"-ის ექსკლუზიური ინფორმაციით, ამის შესახებ საქართველოს პარლამენტში მსჯელობა უკვე დაწყებულია, რაც ჩვენთან სუაბრისას დეპუტატმა თემურ ჭკუასელმა დაადასტურა:

_ არაოფიციალური საუბრები გვქონდა და ეს ლოგიკურიცაა, რომ კულტურის სამინისტრო ცალკე იყოს.

საერთოდ, ამ ყველაფერს ფორმალური სახე ჰქონდა. ბატონი ბატიაშვილი საერთოდ არ ერეოდა კულტურის საკითხებში და ისედაც გამოყოფილი იყო, _ აღნიშნა ჩვენთან საუბრისას თემურ ჭკუასელმა.

მისივე ინფორმაციით, კულტურის მინისტრის თანამდებობას, სავარაუდოდ ბადრი მაისურაძე დაიკავებს, რომელიც ბარტიაშვილის მოადგილედ 30 აგვისტოს დანიშნეს.

ამ დროისთვის უცნობია ვინ ჩაიბარებს განათლების და სპორტის მიმართულებას. 

შეგახსენებთ,რომ მიხეილ ბატიაშვილმა საქართველოს განათლების, მეცნიერების, კულტურისა და სპორტის მინისტრის თანამდებობიდან გადადგომის შესახებ დღეს განაცხადა.

პრემიერ გახარიას თქმით, ბატიაშვილი თანამდებობიდან პირადი განცხადების საფუძველზე წავიდა.

 

დაწერე კომენტარი (0 კომენტარი)
მოიწონეთ გვერდი

Search