კვირა, ნოემბერი 17, 2019
Follow Us

პოლიტიკა

პოლიტიკა

sandrooo"ქართული მარშის" ხელმძღვანელმა სანდრო ბრეგაძემ  ქართულ-შვედური ფილმის "და ჩვენ ვიცეკვეთ" პრემიერის ჩაშლის გეგმებზე ისაუბრა.

ბრეგაძის თქმით, მას მოლოდინი აქვს, რომ დღეს მასშტაბური აქცია გაიმართება, რადგან "ქართული მარშის" თბილისელი მხარდამჭერების გარდა, ადამიანები დედაქალაქში საქართველოს სხვადასხვა რეგიონებიდანაც მოემართებიან.

"სრული მობილიზაციაა მომხდარი. ყველა რეგიონიდან არიან დაძრული ჩვენი მხარდამჭერები,"- აღნიშნა ბრეგაძემ.

ბრეგაძე ამბობს, რომ  ისინი კინოთეატრების ბლოკირებას მოახდენენ და ფილმის გაშვების საშუალებას არ მისცემენ. 

"არ მივცემთ კინოს ადმინისტრაციას და მესვეურებს ამ ფილმის გაშვების საშუალებას, არ შევუშვებთ შენობაში, ჩვენ დავდგებით და კი ბატონო, მოვიდნენ და გადაგვიარონ," - განაცხადა სანდრო ბრეგაძემ.

რაც შეეხება პოლიციის მხრიდან წინააღმდეგობას, ბრეგაძის თქმით, საპატრულო პოლიციას არ აქვს უფლება მოქალქეებს მშვიდობიანი გამოხატვის ფორმები აუკრძალოს. 

"ქართული მარშის" ლიდერი ფილმის ლობისტებად გიგა ბოკერიას, „ევროპულ საქართველოს", "ნაციონალური მოძრაობას", რესპუბლიკური პარტიას და არასამთავრობოებს ასახელებს.

ბრეგაძეს აქვს მოლოდინი, რომ "გადაცმულმა ადამიანებმა" შესაძლოა, პროვოკაციები მოაწყონ.

"ჩვენ განვთავსდებით კინოთეატრის მიმდებარედ და გავაკეთებთ სირცხვილის კორიდორს, რომელშიც გასვლა მოუწევთ ფილმის შემქმნელებს და მესვეურთ. ძირითადი მობილიზება კინოთეატრ "ამირანთანაა", მცირე ჯგუფები განთავსდებიან ყველა კინოთეატრთან," - აღნიშნა ბრეგაძემ.

რაც შეეხება იმას, თუ რატომ გაიყიდა ფილმის პრემიერის ბილეთები რეკორდული რაოდენობით რეკორდულ დროში, ბრეგაძეს ამაზე საკუთარი ვერსია აქვს:

"ლიბერასტულმა არასამთავრობო ორგანიზაციებმა შეიძინეს და უფასოდ დაარიგეს," - განაცხადა ბრეგაძემ.

შეგახსენებთ, რომ ოსკარზე წარდგენილი ქართულ-შვედური ფილმის "და ჩვენ ვიცეკვეთ" პრემიერა საქართველოს კინოთეატრებში დღეს უნდა გაიმართოს. ფილმის შინაარსი, რომლის ჩვენებაც ჯერ არ შემდგარა გარკვეულმა ჯგუფებმა უკვე გააპროტესტეს. 

ბიზნესმენი ლევან ვასაძე, რომელიც ჰომოფობიური განცხადებებით გამოირჩევა, ფილმის "და ჩვენ ვიცეკვეთ" კინოთეატრებში ჩვენებას ეწინააღმდეგება და მხარდამჭერებთან ერთად პრემიერის ჩაშლას გეგმავს.  

ფილმის ჩვენებას ასევე "მართლმადიდებელ მშობელთა კავშირიც" ეწინააღმდეგება. გურამ ფალავანდიშვილმა განაცხადა, რომ ნებისმიერი ძალისხმევის ხარჯზე, ფილმის ჩვენება არ მოხდება.

საპატრიარქო ფილმის საქართველოს კინოთეატრებში ჩვენებას მიუღებლად მიიჩნევს, თუმცა ამავდროულად ემიჯნება ძალადობას.

შექმნილი ვითარების ფონზე, შესაძლო ძალადობის ფაქტს სახალხო დამცველი და არასამთავრობო სექტორი გამოეხმაურა და სამართალდამცავ ორგანოებს დროული რეაგირებისაკენ მოუწოდა. 

განცხადება გაავრცელა შინაგან საქმეთა სამინისტრომაც და საზოგადოებას კანონის დაცვა შეახსენა, წინააღმდეგ შემთხვევაში კი პოლიცია საკუთარი მანდატის ფარგლებში იმოქმედებს. სამინისტრომ განცხადებაში ასევე აღნიშნა, რომ სამართალდარღვევის თითოეული ფაქტი დაუყოვნებლივ იქნება აღკვეთილი.

ფილმის პრემიერა თბილისისა და ბათუმის კინოთეატრებში დღეს, 20:00 საათზე დაიწყება.

rustavi2.ge

დაწერე კომენტარი (0 კომენტარი)
პოლიტიკა

mamagiorgisxiladzeმამა გიორგი სხილაძემ კიდევ ერთი სკანდალური განცხადება გააკეთა. მღვდელი წილკნისა და დუშეთის მიტროპოლიტ ზოსიმეს, ახლა უკვე მამა იოსებ ბურჯანაძის სექსუალურ შევიწროებაში ადანაშაულებს. მამა გიორგის თქმით, აღნიშნული ფაქტი რამდენიმე ათეული წლის წინ მოხდა, როდესაც მამა იოსები გელათის მონასტერში მსახურობდა.

მამა გიორგი სხილაძემ ასევე ისაუბრა გავრცელებულ ინფორმაციასთან დაკავშირებით, რომ კახა კალაძეზე, რომელიც მეუფე ზოსიმესთან დაკავშირებული სკანდალის ერთ-ერთი მთავარი ფიგურაა, შესაძლოა შანტაჟი ხორციელდებოდეს. საქმე ეხება რუსეთში მოღვაწე ექიმ გია გიორგაძეს, რომელიც ბოლო დროს განვითარებულ მოვლენებთან დაკავშირებით კალაძეს დაუკავშირდა.

მამა გიორგი სხილაძე კახა კალაძეზე განხორციელებულ შანტაჟს გამორიცხავს და ამბობს, რომ მოკლე ტექსტური შეტყობინება, რომელიც კალაძემ მიიღო, მხოლოდ საყვედურის ფორმა ჰქონდა, იმის გამო, რომ კახა კალაძემ თავისი პოზიციის საჯაროდ დაფიქსირებაზე უარი თქვა და მისი ისტორიის მოყოლა მის სტუდენტობისდროინდელ მეგობარს მოუწია. კახა კალაძეზე მოსკოვიდან განხორციელებულ ზეწოლაზე განცხადება მისმა მეგობარმა თემურ კუპატაძემ გააკეთა. მისი თქით, კახა კალაძეს აიძულებდნენ, რომ ის საეკლესიო სკანდალში ჩართულიყო და საქართველოს ეკლესიის მაღალერარქების სექსუალურ დანაშაულებთან დაკავშირებით განცხადებები გაეკეთებინა, რასაც კალაძე არ დათანხმდა.

"მეგობრული საყვედური იყო, მამა გიორგის რატომ არ დაუდექი გვერდითო... კუპატაძე იყენებს ასეთი ფორმით ამ საკითხს, რა შუაშია, მოსკოვი, კრემლი და პუტინი უნდა მიაბას ამ ყველაფერს, კონტექსტში ისე ეშმაკურად ამბობს ეს კუპატაძე," - განაცხადა მამა გიორგი სხილაძემ.

ფაქტს ადასტურებს მიმოწერის ავტორიც, რუსეთში მოღვაწე ექიმი, გია გიორგაძე, მისი თქმით არანაირ ზეწოლას ადგილი არ ქონია.

მამა გიორგი სხილაძე საქართველოდან საფრანგეთში გუშინ გაემგზავრა. განხორციელებულ ზეწოლის ფაქტებზე სასულიერო პირი მეუღლესთან ერთად აეროპორტში სამართალდამცველებმა გამოკითხეს.

wyaro: rustavi2.ge

დაწერე კომენტარი (0 კომენტარი)
პოლიტიკა

shalvakekeliaწმინდა ანდრია პირველწოდებულის სახელობის ტაძრის წინამძღვარი მამა შალვა კეკელია აცხადებს, რომ სხვადასხვა ცოდვის გამო, საპატრიარქოს მხრიდან არაერთი საეკლესიო პირია დასჯილი და განკვეთილი.

"არსებობდა ბევრი შემთხვევა, მაგალითად, ჩემთვის მოუწოდებიათ ინფორმაცია, რომ საეკლესიო პირი მოიხმარდა ნარკოტიკს. ასევე, იყო მრუშობისა და მამათმავლობის ცოდვის შემთხვევები, თუმცა მათზე საპატრიარქოს ჰქონდა მყისიერი რეაქცია. ბოლო 5-6 წლის განმავლობაში 30-მდე საეკლესიო პირს შეუჩერდა მღვდელმსახურება სხვადასხვა ცოდვის გამო",- აცხადებს მამა შალვა კეკელია. 

ცნობისთვის, 31 ოქტომბრის სინოდის სხდომის შემდეგ კონკრეტულმა საეკლესიო პირებმა ეკლესიაში მამათმავლობის ცოდვის არსებობის შესახებ გაავრცელეს ინფორმაცია და საპატრიარქოს მათ მფარველობაში დასდეს ბრალი. ერთ-ერთი მიტროპოლიტი, ვისაც მამათმავლობის ცოდვაში ადანაშაულებენ, წილკნისა და დუშეთის მიტროპოლიტი მეუფე ზოსიმეა. იგი რამდენიმე დღის წინ მამა გიორგი სხილაძემ, 1988 წელს, სასულიერო აკადემიის სტუდენტებზე სოდომურ "თავდასხმაში" ამხილა

დაწერე კომენტარი (0 კომენტარი)
პოლიტიკა

talakva„ქართული ოცნების“ თავმჯდომარის მიმართვიდან ერთი წლის შემდეგ, კომუნიკაცია საზოგადოებას და ხელისუფლებას შორის გახდა ძალიან ინტენსიური, ჩვენ პრაქტიკულად ყოველდღიურ რეჟიმში ვიყავით კონტაქტზე საზოგადოებასთან, ვისმენდით მათ კრიტიკულ მოსაზრებებს და კონკრეტულ ნაბიჯებს ვდგამდით იქ, სადაც შეგვეძლო და სადაც შესაძლებელია მომავალში, _ ამის შესახებ საქართველოს პარლამენტის თავმჯდომარე არჩილ თალაკვაძემ ტელეკომპანია „პირველის“ ეთერში განაცხადა.

არჩილ თალაკვაძის თქმით, ბიძინა ივანიშვილის მიმართვიდან ერთი წლის შემდეგ, ასეულობით შემთხვევაში, კონკრეტული ნაბიჯები გადაიდგა. პარლამენტის თავმჯდომარემ რამდენიმე მაგალითიც დაასახელა.

უახლესი მაგალითი არის ის, რომ პრემიერმა და ვიცე-პრემიერმა თეა წულუკიანმა მოამზადეს ახალი ინიციატივა მიწის რეგისტრაციასთან დაკავშირებით. მიწასთან დაკავშირებულ პრობლემებზე თითქმის ყველა მოქალაქე გვესაუბრებოდა შეხვედრებზე.

ეს ინიციატივა დღეს გამოქვეყნდა. ასევე, შეიცვალა ის, რომ დღეს მთავრობა მუშაობს ბევრად უფრო სწრაფ რეჟიმში და ეს აუცილებლად გამოიღებს შედეგებს. ძალიან მნიშვნელოვანია, რომ ამ განცხადების შემდეგ, ბიძინა ივანიშვილმა პირადი მაგალითიც გვაჩვენა, თუ როგორი უნდა იყოს ლიდერი და რას უნდა აკეთებდეს ლიდერი, როდესაც ასეთ განცხადებით მიმართავს საზოგადოებას – ბევრ სხვა ახალ ინიციატივასთან ერთად, ეს იყო აბასთუმანი და წყალტუბო. ასევე, ერთ-ერთი გადაწყვეტილება და ინიციატივა იყო, მათ შორის, მედიკამენტების ხელმისაწვდომობასთან დაკავშირებით, რომელიც 2020 წლის ბიუჯეტშიც იქნება ასახული“, _ განაცხადა არჩილ თალაკვაძემ.

მისივე თქმით, საზოგადოების მოსაზრებების და პრობლემების ასახვას მმართველი გუნდი 2020 წლის ბიუჯეტშიც გეგმავს.​

დაწერე კომენტარი (0 კომენტარი)
პოლიტიკა

tutuniiiiსაქართველოს საგადასახადო კოდექსში შეტანილი ცვლილებების შედეგად, მიმდინარე წლის 21 ნოემბრიდან, ნებისმიერი თამბაქოს ნაწარმის, მათ შორის თამბაქოს ნედლეულის, ჩიბუხის თამბაქოს, შესახვევი თამბაქოს, ასევე ჩილიმისათვის განკუთვნილი თამბაქოს რეალიზაცია და მიწოდება დაუფასოებელი სახით იკრძალება .

ინფორმაციას ფინანსთა სამინისტროს შემოსავლების სამსახური ავრცელებს.

აღნიშნული ნაწარმის რეალიზაცია დასაშვებია მხოლოდ იმ შემთხვევაში, თუ დაფასოებულია ნეტო-მასით 50 ან 100-გრამიან პირველად შეფუთვაში. აღნიშნული წესით დაფასოებული თამბაქო უნდა იყოს დადგენილი წესით აქციზური მარკით ნიშანდებული.

თამბაქოს ნაწარმის თითოეულ კოლოფზე/ბლოკზე და თითოეულ შეფუთვაზე განთავსებული უნდა იყოს სამედიცინო გაფრთხილება და დაცული იყოს „თამბაქოს კონტროლის შესახებ“ საქართველოს კანონით გათვალისწინებული სხვა მოთხოვნები.

ასევე, 21 ნოემბრიდან აქციზური მარკირების გარეშე იკრძალება ელექტრონული სიგარეტით მოხმარებისათვის განკუთვნილი სითხეების რეალიზაცია.

დაფასოების გარეშე თამბაქოს მიწოდება (მ.შ. ნაშთად არსებულის) გამოიწვევს საქართველოს ადმინისტრაციულ პასუხისმგებლობას პირველ ჯერზე 2000 ლარის, ხოლო განმეორებისას -4000 ლარის ოდენობით.

აქციზური მარკით სავალდებულო დართვას დაქვემდებარებული საქონლის აქციზური მარკის გარეშე გადაზიდვა, შენახვა, რეალიზაცია იწვევს საქართველოს სისხლის სამართლის პასუხისმგებლობას (საქონლის ჩამორთმევა, შინაპატიმრობა, თავისუფლების აღკვეთა).

აღნიშნულ საკითხზე დაწვრილებითი ინფორმაცია განთავსებულია ფინანსთა სამინისტროს შემოსავლების სამსახურის ვებგვერდზე.

1tv.ge

დაწერე კომენტარი (0 კომენტარი)
მოიწონეთ გვერდი

Search