სამშაბათი, ოქტომბერი 27, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

0Z0A4169 Custom

საუბნო საარჩევნო კომისიის ე.წ. დამოუკიდებელი წევრები, ქართული ოცნების მაჟორიტარი კანდიდატების საარჩევნო კამპანიაში არიან ჩართულნი, რაც საარჩევნო კოდექსის უხეში დარღვევაა, - ამის შესახებ დღეს გამართულ ბრიფინგზე „სამოქალაქო პლატფორმა 20/20“- ის სადამკვირვებლო მისიის დირექტორმა ლაშა ფარულავამ განაცხადა.

ფარულავამ ბრიფინგზე  წარმოადგინა  ფოტო და ვიდეო მტკიცებულებები, თუ როგორ მონაწილეობენ საოლქო საარჩევნო კომისიის მიერ კონკურსის წესით შერჩეული საუბნო საარჩევნო კომისიის ე.წ. დამოუკიდებელი წევრები, მარნეულის N22 საარჩევნო ოლქის „ქართული ოცნების“ მაჟორიტარი კანდიდატის  ზაურ დარგალის საარჩევნო კამპანიაში.

როგორც ბრიფინგზე „სამოქალაქო პლატფორმა 20/20“- ის რეგიონული ჯგუფის უფროსმა გიორგი მუმლაძემ განაცხადა, საარჩევნო ადმინისტრაციის დამოუკიდებელი წარმომადგენლის, რომელიმე პარტიის სასარგებლოდ, საარჩევნო კამპანიაში მონაწილეობა  საარჩევნო კოდექსის უხეში დარღვევაა და ითვალისწინებს  2000 ლარის სანქციას. ასევე, არის საფუძველი საუბნო საარჩევნო კომისიის წევრის უფლებამოსილების შეწყვეტის.

„ჩვენ საჩივრით უკვე მივმართეთ საარჩევნო ადმინისტრაციას, თუმცა რეაგირება ამ დრომდე არ მომხდარა,“- აღნიშნა მუმლაძემ.

„სამოქალქო პლატფორმა 20/20“ ცესკოსგან მოითხოვს საჩივრების სწრაფ, ეფექტურ და სამართლიან განხილვას და შესაბამის რეაგირებას.

„ასეთი ფაქტების გამოსარიცხად საარჩევნო ადმინისტრაციამ პრევენციულად უნდა გაატაროს შესაბამისი ღონისძიებები“- განაცხადეს ორგანიზაციაში.

“სამოქალაქო პლატფორმა 20/20” ცესკოს მიერ რეგისტრირებულია როგორც ადგილობრივი სადამკვირვებლო ორგანიზაცია, რომელიც 2020 წლის 31 ოქტომბრის საპარლამენტო არჩევნებს და მიმდინარე საარჩევნო პროცესს აკვირდება.

Comments powered by CComment

მოიწონეთ გვერდი

Search