პარასკევი, თებერვალი 21, 2020
Follow Us

74ED331A CFB5 4EB5 A40D 4A93B4366CEF w1023 r1 sფრაქცია „ნაციონალური მოძრაობის“ წევრის ნიკა მელიასთვის პარლამენტის წევრის უფლებამოსილების შეწყვეტას 88 დეპუტატმა დაუჭრა მხარი. მათ შორის იყვნენ სპორტის და ახალგაზრდულ საქმეთა კომიტეტის თავმჯდომარე ლევან კობიაშვილი; დარგობრივი ეკონომიკის კომიტეტის თავმჯდომარე რომან კაკულია; საფინანსო-საბიუჯეტო კომიტეტის თავმჯდომარე ირაკლი კოვზანაძე; პარლამენტის ვიცე-სპიკერი კახა კუჭავა.

01

დარბაზში იმყოფებოდნენ „ქართული ოცნების“ ყოფილი წევრები ეკა ბესელია, გია ჟორჟოლიანი და მირიან წიკლაური, რომლებმაც მელიას წინააღმდეგ დადგენილებას მხარი არ დაუჭირეს.

02

დარბაზში მყოფი დეპუტატებიდან კახა ოქრიაშვილი იყო საპარლამენტო უმრავლესობის ერთადერთი წარმომადგენელი, ვინც მელიასთვის უფლებამოსილების შეწყვეტას მხარი არ დაუჭირა.

03სია

პარლამენტის საპროცედურო კომიტეტის დასკვნის თანახმად, „თბილისის საქალაქო სასამართლოს მიერ 2019 წლის 9 დეკემბერის წერილით საქართველოს პარლამენტში წარმოდგენილი განაჩენით დასტურდება, რომ საქართველოს პარლამენტის წევრის ნიკა მელიას მიმართ დადგინდა გამამტყუნებელი განაჩენი და იგი ცნობილი იქნა დამნაშავედ საქართველოს სისხლის სამართლის კოდექსის 332-ე მუხლის პირველი ნაწილით გათვალისწინებული დანაშაულის ჩადენისათვის“.

04სია

ნიკა მელია უფლებამოსილების ბოროტად გამოყენებისთვის 2 დეკემბერს თბილისის საქალაქო სასამართლოს მოსამართლემ ხათუნა ხარჩილავამ ბიძინა ივანიშვილის „ქართუ ბანკის“ გაკოტრების მცდელობის საქმეზე დამნაშავედ ცნო.

ნიკა მელიას სანქციის სახით 25 000 ლარის გადახდა დაეკისრა, ასევე 2 წლის და 3 თვის ვადით ჩამოერთვა თანამდებობის დაკავების უფლება.

 

www.radiotavisupleba.ge

Comments powered by CComment

მოიწონეთ გვერდი

Search