პარასკევი, სექტემბერი 25, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Как правильно варикоз лечить

giorgidolidzeმეან-გინეკოლოგი, ქირურგი, ლაპაროსკოპისტი გიორგი დოლიძე ჩოხატაურის მუნიციპალიტეტში დაიბადა. ჰყავს მეუღლე, მომღერალი მარიკო ებრალიძე და შვილი.

2002 წელს თბილისის სამეციდინო კოლეჯი დაამთავრა; 2006 წელს სახელმწიფო სამედიცინო უნივერსიტეტი.

იმავე წელს სწავლა გააგრძელა უკრაინაში, პ.ლ შუპიკი-ს სახელობის დიპლომის შემდგომი განათლების სამედიცინო აკადემიაში.

ახალგაზრდა ასაკის მიუხედავად, მისი პროფესიული გამოცდილებაც მდიდარია _  კიევი, უკრაინა #2 და #4 სამშობიარო სახლი (2007-2008  წლები); კიევის ნაციონალური ონკოლოგიური- ცენტრი, ონკო-გინეკოლოგიური განყოფილება ( 2006 - 2007 წლები); 

ესთეტიური და რეკონსტრუქციულ-პლასტიკური ქირურგიის კლინიკა შ.პ.ს კარაპს მედლაინი (2009 -2010 წლები); სამედიცინო კლინიკა''თანამედროვე სამედიცინო ტექნოლოგიები'' (2010- 2012 წლები); კლერმონ–ფერანი, საფრანგეთი; ესტანჟის საუნივერსიტეტო კლინიკური ცენტრი, ქირურგიული გინეკოლოგიის დეპარტამენტი (2010 წელი); კლერმონ–ფერანი, საფრანგეთი; ესტანჟის საუნივერსიტეტო კლინიკური ცენტრი, ქირურგიული გინეკოლოგიის დეპარტამენტი (20130 წელი.

2011 წლიდან დღემდე არის "კარლ შტორცის" ენდოსკოპიური ქირურგიის საერთაშორისო სასწავლო ცენტრის “CAUCASUS”  ლექტორი.

2013 წლიდან დღემდე ხელოვნური განაყოფიერებისა და რეპროდუქციული ჯანმრთელობის კლინიკა ''ინ ვიტროში'' მუშაობს.

ჟურნალისტებთან საკმაოდ სიტყვაძუნწია _ გურულებისთვის მეტისმეტად უჩვეულოდ. 

გვიყვება, რომ ექიმობა ოჯახურმა ტრადიციამ და პირადმა სურვილმა გადააწყვეტინა.

გიორგი დოლიძის მადლიერი პაციენტების რიცხვი ძალიან ბევრია, თუმცა, ამ თემაზე საუბარი არ უყვარს. არადა, როგორც გურიაში გვეუბნებიან, მასთან ჩასულ გურულებს, განსაკუთრებით კი ჩოხატაურელებს მუდამ ეხმარება და უანგაროდაც მკურნალობს.

"ჩვენი ჭირისუფალია მარჯვენა დალოცვილი" _ აღნიშნავენ ჩოხატაურელები.

გამოცდილი ექიმი ჩვენთან საუბრისას აღნიშნავს, რომ საქართველოში ევროპაზე უკეთესი ექიმები არიან, თუმცა, "სისტემა სუსტი გვაქვს."

_ სამედიცინო სისტემას. მეთოდურობა აკლია, საფრანგეთთან, გერმანიასთან შედარებით. ვფიქრობ, ეს სიახლე არ არის, _ ამბობს გიორგი დოლიძე.
_ ბატონო გიორგი, ხშირად ექიმებს შეცდომებში ადანაშაულებენ, ყველა ცდილობს საზღვარგარეთ წავიდეს სამკურნალოდ. როგორ ფიქრობთ, ეს რისი ბრალია?
არა დროული მიმართვის კლინიკებში და სკრინინგის უგულვებელყოფა.
_ ხელოვნური განაყოფიერება, რომელშიც თქვენ პაციენტებს ეხმარებით _ აკვალიანებთ, ქირურგიულად ამზადებთ, საქართველოში  რატომღაც არ ითვლება პოპულარულად და ბევრი უშვილობას ჯერ  კიდევ ექიმბაშებთან სიარულით "ებრძვის".... ამას რას უპირისპირებთ  პროფესიონალები და რას ურჩევთ ადამიანებს, რომლებიც ასე იქცევიან?
პრობლემა აქტუალურია. ყველაზე მნიშვნელოვანი ექიმისთვის დროული მიმართვაა. თანაცხოვრების ერთი წლის თავზე, თუ არ დგება ორსულობა, წყვილმა აუცილებლად უნდა მიმართოს ექიმს, _ ამბობს ცნობილი ექიმი და დასძენს, რომ მისი იმედი ჩოხატაურს ყოველთვის შეუძლია ჰქონდეს. 
 
 

Comments powered by CComment

მოიწონეთ გვერდი

Search