შაბათი, ივლისი 04, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Как правильно варикоз лечить

2478272მოსკოვში ნინო ბურჯანაძის ვიზიტის გამო შესაძლოა, ვიღაც ოპოზიციას გამოეყოს, გაემიჯნოს, ზოგმა შეიძლება დაგმოს, ზოგმა კი თქვას, რომ აქ არაფერია ახალი, – ამის შესახებ ჟურნალისტებთან საუბარში საპარლამენტო უმრავლესობის ლიდერმა, მამუკა მდინარაძემ, „დემოკრატიული მოძრაობის“ ლიდერის, ნინო ბურჯანაძის რუსეთში ვიზიტის შეფასებისას განუცხადა.

„მგონი, ზედმეტი კომენტარიც არაა საჭირო. ხალხი ყველაფერს ხედავს, მათ კი, როგორც ჩანს, ამ ხალხზე ძალიან ცუდი წარმოდგენა აქვთ. გრიგოლ ვაშაძე მოიკითხეთ, ნინო ბურჯანაძესთან ერთად ხომ არ არის? – ეს ყველაფერი კიდევ უფრო ლოგიკური იქნებოდა. ეს ვითომ, დასავლეთის მოყვარული, ფსევდოდასავლური ძალები არიან, რომლებიც თავის დროზე ოკუპირებულ ტერიტორიებს აბარებდნენ და შემდეგ რუსეთს „უპრავებდნენ“, დღეს ნინო ბურჯანაძესთან ერთად სხედან და საერთო მიზნებს ისახავენ. როგორც ჩანს, გაუჭირდათ და მეზობელ ქვეყანას მიმართეს. ამ ყველაფერს ვერაფრით ახსნიან”, - აღნიშნავს მდინარაძე.

„დემოკრატიული მოძრაობის” ლიდერი ნინო ბურჯანაძე, შვილთან, ანზორ ბიწაძესთან ერთად მოსკოვში დღეს გაემგზავრა. როგორც imedinews-ს პარტიის პრესსამსახურში განუცხადეს, ბურჯანაძე პოლიტიკური წრეების და პრეზიდენტის ადმინისტრაციის წარმომადგენლებს შეხვდება. მისი ვიზიტი მოსკოვში ერთი თვის წინ დაიგეგმა.

დღესვე ბურჯანაძის მოსკოვში ვიზიტის გამო პროპორციულ არჩევნებთან დაკავშირებით ოპოზიციის მიერ შექმნილი ფორმატი თაკო ჩარკვიანის პარტიამ „კანონი და სამართალი“ დატოვა.

 

imedinews.ge

Comments powered by CComment

მოიწონეთ გვერდი

Search