ოთხშაბათი, აგვისტო 12, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Как правильно варикоз лечить

44114455222ევროპაში ამერიკის შეიარაღებული ძალების ყოფილი მთავარსარდალი, გენერალი ბენ ჰოჯესი აცხადებს, რომ "ანაკლიის პორტის აშენება „საქართველოსთვის თამაშის წესებს გააუმჯობესებს".

"თუ ანაკლია ისეთ პორტად აშენდა, როგორიც მას შეუძლია იყოს, მაშინ საქართველო ევროპასა და აზიას შორის ეკონომიკური პორტალი გახდება. ევროპული კომპანიები საქართველოში ინვესტიციებს ჩადებენ. ამით საქართველოს უსაფრთხოება ავტომატურად გაუმჯობესდება იმის გამო, რომ მისი დაცვით ყველა დაინტერესებული იქნება. სწორედ ამიტომ არ სურს რუსეთს მისი აშენება. ანაკლიის პორტი კომერციული პროექტია, თუმცა მისი პოტენციური აშენება ეკონომიკურთან ერთად, პოლიტიკურ ასპექტებსაც მოიცავს. გენერალი ჰოჯესი ამბობს, რომ ანაკლიამ საქართველოში შესაძლოა ამერიკის სამხედრო გემებიც მიიზიდოს. „დღეს ამერიკის საზღვაო ძალები მონტროს კონვენციის გათვალისწინებით, შავ ზღვაში ოდესის და კონსტანცის პორტებს სტუმრობენ. მაგრამ, ისეთი მნიშვნელოვანი პორტის აშენების შემთხვევაში, როგორიცაა ანაკლია, ისინი ვფიქრობ მარტივად ისარგებლებდნენ პორტით პროფილაქტიკის, ლოგისტიკური მხარდაჭერის თუ სხვა მრავალი მიზეზის გამო. ეს ზუსტად ისაა, რატომაც არ უნდა რუსეთს ამ პორტის აშენება", - განაცხადა გენერალმა "ამერიკის ხმასთან" საუბრისას. 

ანაკლიის პროექტის მხარდამჭერები აცხადებენ, მისი განხორციელება ქვეყნის ეკონომიკას გააძლიერებს და უსაფრთხოებას გაამყარებს. თუმცა, არსებობს საპირისპირო არგუმენტიც, რომ საქართველო ნატო–სგან შორსაა და სამხედრო დახმარების აღმოჩენის საჭიროების შემთხვევაში, ის რთულად დასაცავი ქვეყანაა. ამსთან დაკავშირებით გენერალი ჰოჯესი ამბობს, რომ საქართველოს მთავრობამ კრემლის შეკავების მეთოდებზე მუშაობა უნდა გააგრძელოს იმისთვის, რომ რუსეთმა საქართველოში ფართომასშტაბიან სამხედრო ოპერაციაზე არასოდეს იფიქროს:

„საქართველოს უსაფრთხოება დიდწილად მის მეზობლებზე და შეერთებულ შტატებზეა დამოკიდებული. ამიტომ, საქართველომ ყველაფერი უნდა გააკეთოს იმისთვის, რომ რუსეთმა ის ვერ მოინელოს. ეს იმას ნიშნავს, რომ რუსეთის შეკავება ისე უნდა მოხდეს, რომ მან ვერასოდეს იფიქროს იმაზე, რომ საქართველოს გადაუაროს. მე რასაც ვხედავ, საქართველოს შეიარაღებული ძალების ლიდერები ამას აცნობიერებენ იმაზე ფიქრით, რომ იყიდონ სწორი იარაღი, შეიმუშაონ სწორი ტაქტიკა, თავის სასარგებლოდ გამოიყენონ ქვეყნის რთული ლანდშაფტი. საქართველომ რუსეთის შეკავება უნდა შეძლოს, სანამ მოკავშირეები მოვლენ დასახმარებლად". 

 

წყარო: www.accentnews.ge

Comments powered by CComment

მოიწონეთ გვერდი

Search