შაბათი, თებერვალი 22, 2020
Follow Us

aqciaparlamentდღეს, თბილისში დაგეგმილ აქციაზე "ნაციონალურ მოძრაობას" 300 ადამიანი მოჰყავს. ამის შესახებ "გურიაtv"-ის პარტიის ოზურგეთის ორგანიზაციის თავმჯდომარემ დავით მჟავანაძემ განუცხადა.

მისივე თქმით, მათ კოლონებს სამართალდამცავები აკონტროლებს, რომლებიც მიკროავტობუსებთან დილიდანვე იყვნენ მობილიზებულები და იმ ადამიანებს აფიქსირებდნენ, რომლებიც აქციაზე მიდიოდნენ.

იგივეს ამბობს "ნაციონალური მოძრაობის" ლანჩხუთის ორგანიზაციის თავმჯდომარე კახა ასკურავა. 

_ ჩემთან ერთად აქციაზე საბიუჯეტო ორგანიზაციის თანამშრომელიც წამოვიდა, რომლის დაშინება დილით სცადეს და შეახსენეს სად მუშაობდა, თუმცა, ის მაინც ჩვენთან ერთად წამოვიდა.

აგონიაში მყოფმა ხელისუფლებამ არ იცის, რომ დაშინებით ვერაფერს გახდება. ერთი კი არა, საბიუჯეტო ორგანიზაციების თანამშრომლების 70 პროცენტს ერთი სული აქვს როდის წავა ეს ხელისუფლება, _ გვითხრა ასკურავამ.

რუსთაველის გამზირზე "აგერთიანებული ოპოზიციის" მიერ ორგანიზებული საპროტესტო აქცია, რომელსაც რეგიონებიც უერთდებიან დღეს 15 საათზე დაიწყება.

პარალელური აქცია, რესპუბლიკის მოედანზე პატრიოტთა ალიანსის ორგანიზებით დღეს, 17 საათზე უნდა დაიწყო.

 

 

Comments powered by CComment

მოიწონეთ გვერდი

Search