ოთხშაბათი, აგვისტო 12, 2020
Follow Us
Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Как правильно варикоз лечить

39460სალომე ზურაბიშვილმა, ფეისბუქის გვერდზე, ფოტო და პოსტი განათავსა:

"Aung San Suu Kyi ნობელის პრემიის ლაურეატი.
თავისუფლებისა და მშვიდობისთვის ბრძოლაში გატარებული ცხოვრება ! დღევანდელი მსოფლიოს ერთერთი ყველაზე გამორჩეული ქალი!
ქალი, რომელმაც პოლიტიკას ღირსება შეუნარჩუნა"

პოსტის ქვემოთ, პირველი კომენტარი ასეთია:

Giorgi Gotsiridze გილოცავთ ქალბატონო სალომე, საერთაშორისო დანაშაულის ჩამდენ პირთან გაქვთ სურათი გადაღებული: ამ ქალს როჰინჯების მიმართ კაცობრიობის დანაშაულს და ეთნიკურ წმენდას ედავებიან, კიდევ როიტერის ჟურნალისტების დაპატიმრებას.

აუნ სან სუ ჩი მიანმელი (ბირმა) პოლიტიკოსია, რომელიც მიანმარში სამხედრო ხუნტის ხელისუფლების პირობებში ადამიანის უფლებათა აქტიური დამცველი და პაციფისტი იყო. 1991 წელს მას მიენიჭა ნობელის პრემია მშვიდობის დარგში.

ბოლო წლების განმავლობაში ნობელის ლაურეატი კრიტიკის ობიექტი გახდა მიანმარში როჰინჯა მუსლიმების წინააღმდეგ ჩადენილი დანაშაულების მიმართ გულგრილობის გამოჩენის გამო. გასულ წელს აუნ სან სუ ჩის ადამიანის უფლებების დაცვის საერთაშორისო ორგანიზაცია Amnesty International-ის უმაღლესი ჯილდო ჩამოართვეს. მას ასევე ჩამოართვეს კანადის საპატიო მოქალაქეობა და რამდენიმე საერთაშორისო პრიზი.

მიანმარის რაკჰაინის პროვინციაში როჰინჯა მუსლიმების წინააღმდეგ ქვეყნის სამხედრო ძალების მხრიდან ძალადობა გაერომ ეთნიკურ წმენდად შეაფასა, რომლის დროსაც ქვეყანა 700 000-ზე მეტმა ადამიანმა დატოვა და თავი ბანგლადეშს შეაფარა. გაეროს თანახმად, მიანმარის მთავრობამ, რომელსაც აუნ სან სუ ჩი ხელმძღვანელობს, გაანადგურა დოკუმენტები და არ დაიცვა როჰინჯა მუსლიმები არმიის მიერ ჩადენილი ომის დანაშაულებისაგან.

ქალი, რომელმაც პოლიტიკას ღირსება შეუნარჩუნა - წერს საქართველოს პრეზიდენტი ადამიანზე, რომელსაც კანადამ უკვე ჩამოართვა საპატიო მოქალაქეობა და პრიზები, ნობელის პრემიის ჩამორთმევაზე კი - ახლაც მიდის მსჯელობა. 

გაეხვევა თუ არა, საქართველოს მთავრობა ახალ სკანდალში - ეს იმაზეა დამოკიდებული, ამჯერად, რამდენ ხანში, გადააკეთებს, ან წაშლის პოსტს საქართველოს პრეზიდენტი და ამჯერად, პიარის რომელ თანამშრომელს დაბრალდება ფოტოს გადაღება, ატვირთვა და ტესქტის დაწერა.

 

www.alia.ge

Comments powered by CComment

მოიწონეთ გვერდი

Search