კვირა, ოქტომბერი 20, 2019
Follow Us
1570602027 1570563330467309სალომე ზურაბიშვილის სკანდალური გადაწყევეტილებები სკანდალური ახირებით გრძელდება - "მთავარის" ექსკლუზიური ინფორმაციით, პრეზიდენტმა რეზიდენციის მოწყობა ფრანგული ანტიკვარიატით მოითხოვა. ახირებისთვის შექმნილი სპეციალური ჯგუფი თბილისში იმ ოჯახებს ეძებს, სადაც გასული საუკუნის ეს ძვირადღირებული ნივთები შეიძლება მოიძიონ. ზურაბიშვილის ეს კაპრიზი მილიონ ოთხასი ათასი ლარი დაჯდება. ფული საიდუმლო შესყიდვის გრიფით საიდუმლო ბიუჯეტიდან გამოიყო. მოთხოვნამ თბილისში ანტიკვარიატის დეფიციტი შექმნა. თბილისში ოჯახბიდან ნივთები გამოაქვთ და ზურაბიშვილისთვის აგროვებენ.
სახელმწიფო დაცვის სპეციალური სამსახურის უფროსი ანზორ ჩუბინიძე "მთავართან" არ მალავს, რომ მისი უწყების რამდენიმე განყოფილება დიდი ხანია ბაზარზე სალომე ზურაბიშვილისთვის ანტიკვარიატის შეძენით არის დაკავებული. სასახელისთვის უწყება თანამედროვე ავეჯსაც ყიდულობს, სადაც კორუფციული გარიგების ნიშნები იკვეთება.
პრეზიდენტის სასახლის თითქმის ყველა დრბაზი ცარიელია და სწორედ ამ დარბაზისთვის ცდილობს ზურაბიშვილი ანტიკვარული ავეჯის შეძენას. სახელმწიფო შესყიდვების სამსახური ძირითადად 1917 წლამდე დამზადებულ ავეჯს ეძებს, რადგან სწორედ ამ დრომდე დამზადებული ითვლება ანტიკვარად.
"ჩვენთან დავალება მოვიდა პრეზიდენტის ადმინისტრაციიდან" - ამბობს მთავართან ანზორ ჩუბინიძე.
ორბელიანის სასახლის ერთი ნაწილისთვის სახელმწიფო უზრუნველობის სააგენტო ტანამედროვე ავეჯსაც ყიდულობს, "მთავარის" ინფორმაციით, კომპანია, რომელთანაც შესყიდვების ხელშეკრუელა გაფორმდა, პრეზიდენტის საპარლამენტო მდივნის დიმიტრი გაბუნიას მეგობარს ეკუთვნის. ჩუბინიძე ამ ფაქტს ვერც უარყოფს და ვერც ადასტურებს, მაგრამ ამბობს, რომ მან ეს დავალება მიიღო და უნდა შეასრულოს.
"თანხა სოლიდურია, მაგრამ ის იმსახურებს ამ თანხას. მე ვფიქრობ, რომ სამუზეუმო ექსპონატები გადაურჩა დაკარგვას და საქართველომ ამით არაფერი დაკარგა " - აცხადებს ჩუბინიძე.
იხილეთ ვრცლად "მთავარის" 9 საათან გამოშვებაში.

Comments powered by CComment

მოიწონეთ გვერდი

Search