შაბათი, დეკემბერი 07, 2019
Follow Us

sddasd2019 წლის 9 სექტემბერს პარფიუმერიულ-კოსმეტიკური ნაწარმის ლაბორატორიული კვლევის შედეგები გამოქვეყნდა, რომელიც momxmarebeli.ge-მ ჩაატარა. ორგანიზაციას ნიმუშები საფრანგეთის ლაბორატორიაში ჰქონდა გაგზავნილი. შედეგად აღმოჩნდა, რომ 35 პეოდუქტში, მათ შორის თმის 5 საღებავში ფირმალდეჰიდის შემცველობა დაფიქსირდა. თუმცა იგი არც ერთ ნიმუშში არ აცდენილა 0,05%-ს, რა შემთხვევაშიც, აუცილებელია ეტიკეტზე იყოს მითითებული ამის შესახებ.  

ფორმალდეჰიდი - ეს არის ნივთიერება, რომელმაც შეიძლება გამოიწვიოს სიმსივნე, ასთმა, სუნთქვის გართულება, კანისა და თვალების გაღიზიანება. ამ ნივთიერების გამოყენება ევროკავშირის ქვეყნებში მინიმალური დოზით არის დასაშვები, თუ მისი მოხმარება  გარდაუვალია. 

რადგან ეს ნივთიერება ბუნებრივი კონსერვანტია და მას ბევრი სამომხმარებლო პროდუქტი შეიცავს, რიგ შემთხვევებში, ტექნიკურად შეუძლებელია მისი შემცველობის თავიდან აცილება. სწორედ ამ გამონაკლისს უშვებენ ევროკავშირის ქვეყნები. 

რა ხდება საქართველოში? 

საქართველოში არ არსებობს შესაბამისი უწყება, რომელიც შეამოწმებს, თუ რა დოზით შეიცავს ესე თუ ის კოსმეტიკური საშუალება ამ საშიშ ნივთირებას და და რამდენად გარდაუვალია მისი თავიდან აცილება. 

"საქართველოში პარფიუმერიულ-კოსმეტიკური ნაწარმის უსაფრთხოების მოთხოვნები 2001 წელს დამტკიცებული ნორმატიული აქტითაა დამტკიცებული და არ ითვალისწინებს ბოლო 18 წლის მანძილზე წარმოშობილ, თუ გამოვლენილ საფრთხეებს. ამ აქტის მიხედვით, ფორმალდეჰიდის მაქსიმალური კონცენტრაცია პროდუქტებში არ უნდა აჭარბებდეს 0,2%-ს, ხოლო პირის ღრუს ჰიგიენის საშუალებებში 0,1%-ს. აეროზოლებში კი ფორმალდეჰიდის შემცველობა საერთოდ აკრძალულია.

ამავე დროს, პარფიუმერიულ-კოსმეტიკური ნაწარმის მაკონტროლებელი უწყება - სახელმწიფო სანიტარიული ზედამხედველობის სამსახური ჯერ კიდევ 2000-იანი წლების შუაში გაუქმდა. არც საქართველოში მოქმედ ლაბორატორიებს გააჩნიათ აკრედიტაცია პარფიუმერიულ-კოსმეტიკური ნაწარმის შესამოწმებლად. ამ პირობებში, რთული სათქმელია, რამდენადაა შესაძლებელი ზემოაღნიშნულ ნორმატიულ აქტზე დაყრდნობა" - წერია momamxarebeli.ge-ს სტატიაში.

ფორმალდეჰიდი შემდეგი სახელწოდებებითაც იწოდება: formalin, morbicid acid, methylene oxide, methylaldehyde and methylene glycol.

 წყარო:alia.ge

Comments powered by CComment

მოიწონეთ გვერდი

Search