2025 წლის I კვარტალში საქართველომ $6.3 მლნ-ს 4,125 ტონა ცოცხალი ღორები იყიდა, რა თანხაშიც და მოცულობაშიც გასული წლის ანალოგიურ პერიოდთან შედარებით 1%-ით ოდნავ მეტია.
როგორც 2024, ასევე მიმდინარე წელსაც ერთადერთი იმპორტიორი რუსეთია.
ამავე დროს, სხვადასხვა წლებში ცოცხალი ღორის იმპორტის მცირე მოცულობა ბელარუსიდან, უკრაინიდან და ბურლგარეთიდან და დანიიდანაც ხდებოდა. წელს კი, საქართველომ ცოცხალი ღორები მხოლოდ რუსეთიდან იყიდა.
2024 წელს საქართველოში ცოცხალი ღორების იმპორტი გაიზარდა და ჯამში 21 842 ტონა საქონლის შესაძენად ქვეყნიდან 33 მილიონ 206 ათასი დოლარი გავიდა. ოფიციალური სტატისტიკის მიხედვით, იმპორტი წლიურად 18.5%-ით გაიზარდა და რეკორდულ მაჩვენებელს მიაღწია.
აღსანიშნავია, ისიც რომ 2019 წელს ცოცხალი ღორის მთავარი იმპორტიორი ქვეყანა უკრაინა [$1.9 მლნ, 1 102 ტონა] იყო, 2018 წელს კი ბულგარეთი [$2.6 მლნ, 1 569 ტონა].
წლების მიხედვით კი სტატისტიკა ასეთია:
- 2024 წელი – $32.9 მლნ, 21 818 ტონა;
- 2023 წელი – $27.8 მლნ, 18 380 ტონა;
- 2022 წელი – $21 მლნ, 11 380 ტონა;
- 2021 წელი – $8.1 მლნ, 4 649 ტონა;
- 2020 წელი – $8.1 მლნ, 5 355 ტონა.
ცნობისთვის, საპარტნიორო ფონდმა და კომპანია Native Georgian-მ „ქართული მთის ღორის გადარჩენის პროექტი“ 2018 წელს დაიწყეს. 5 ეტაპისგან შემდგარი პროექტის საერთო ღირებულება 15 მილიონი დოლარი უნდა ყოფილიყო. მაშინ, სახელმწიფოს მხრიდან ერთ-ერთ მიზნად გადაშენების პირას მყოფი ქართული ღორის პოპულაციის ზრდასთან ერთად იმპორტზე დამოკიდებულების შემცირებაც სახელდებოდა. BM.GE შეეცდება გაარკვიოს, როგორია პროგრამის შედეგები 6 წლისთავზე.
www.bm.ge
Loading ...