Human Rights Watch – 6 მარტს, რამდენიმე საათის განმავლობაში, რუსული ძალები ბომბავდნენ გზაჯვარედინს, რომელსაც ასობით მშვიდობიანი მოქალაქე იყენებდა

Human Rights Watch-ის (HRW) განცხადებით, რუსულმა ძალებმა „დაარღვიეს თავიანთი ვალდებულებები საერთაშორისო ჰუმანიტარული სამართლის მიხედვით, არ განახორციელონ არაპროპორციული თავდასხმები, რომლებიც აზიანებს მშვიდობიან მოსახლეობას“.

„რამდენიმე საათის განმავლობაში, 2022 წლის 6 მარტს, რუსული ძალები ბომბავდნენ გზაჯვარედინს, რომელსაც ასობით მშვიდობიანი მოქალაქე იყენებდა რუსული არმიისგან თავის დასაღწევად ჩრდილოეთ უკრაინაში, კიევში“, – ნათქვამია HRW-ის განცხადებაში.

განცხადებაში აღნიშნულია, რომ შემთხვევის დროს ადგილზე, უკრაინის უსაფრთხოების ძალების ათამდე წევრი და სულ მცირე ორი სამხედრო მანქანა იმყოფებოდა, მაგრამ მათ ბევრად აღემატებოდა მშვიდობიანი მოსახლეობის რაოდენობა.

HRW-მ დასძინა, რომ რუსეთსა და უკრაინას შორის ბოლო მოლაპარაკებების დროს „ვერ მოხერხდა“ ევაკუაციის უსაფრთხო მარშრუტების დადგენა და მოუწოდა ყველა ჩართულ მხარეს, „გადაედგათ ყველა შესაძლო ნაბიჯი, რათა საბრძოლო ან სამხედრო ობიექტების მახლობლად მშვიდობიანი მოსახლეობა გაიყვანონ“.