ყველაზე უსაფრთხო ქვეყნების რეიტინგში, რომელიც პანდემიის პერიოდის შემდეგ, პირველად გამოქვეყნდა, ცვლილებებია და წელს, უსაფრთხო ქვეყნის სტატუსი ტოკიოს ნაცვლად კოპენჰაგენს ერგო წილად.
კვლევა, სადაც მსოფლიოს 60 ქვეყანა მოხვდა, The Economist Intelligence Unit. -ის ანალიტიკოსებმა შეადგინეს და ის 2015 წლიდან ყოველ ორ წელიწადში ერთხელ ქვეყნდება. საგულისხმოა ის ფაქტი, რომ ამ წლების განმავლობაში რეიტინგის ლიდერად მუდმივად ტოკიო სახელდებოდა და წელს პირველი ცვლილება დაფიქსირდა.
რაც შეეხება მონაცემებს, რომლებსაც ანალიტიკოსები კვლევისას ითვალისწინებენ, ჯამში 76 კრიტერიუმსა და მაჩვენებელს მოიცავს, მათ შორისაა, ციფრული მონაცემები, უსაფრთხოება, ჯანმრთელობა, ინფრასტრუქტურა, პირადი და ეკოლოგიური უსაფრთხოება და კრიმინალი.
სწორედ ამ ელემენტების გათვალისწინებით, კოპენჰაგენმა 82,4 ქულა დააგროვა 100 ქულიანი სისტემიდან. მას კი მოსდევს ტორონტო-82,2 და სინგაპური -80,7 ქულით. ტოპ-10-ში მოხვდნენ: სიდნეი, ტოკიო, ამსტერდამი, ველინგტონი, ჰონ-კონგი, მელბურბი და სტოკჰოლმი.
რაც შეეხება აშშ-ის ქალაქებს, აქ ყველაზე უსაფრთხოდ ნიუ-იორკი აღიარეს, რომელიც რეიტინგში 11-ე ადგილზე დასახელდა. ჩინეთის ქალაქი შანჰაი კი 30-ე პოზიციაზეა.
www.bm.ge
Loading ...