Facebook-ი ფასიანი პოლიტიკური რეკლამების გათიშვის ფუნქციას ამატებს

მსოფლიოში ცნობილი სოციალური ქსელი Facebook-ი აცხადებს, რომ Facebook-ის მომხმარებელბს საშუალება ექნებათ ფასიანი საარჩევნო ან პოლიტიკური რეკლამები გათიშონ. ამის შესახებ ინფორმაციას  The New York Times-ი ავრცელებს.
როგორც გამოცემა აღნიშნავს, ფასიანი პოლიტიკური რეკლამების გათიშვის ფუნქცია საწყის ეტაპზე აშშ-ში დაემატება, ხოლო მოგვიანებით რამდენიმე სხვა ქვეყანაშიც გააქტიურდება.
Facebook-ის დამფუძნებელის მარკ ცუკერბერგის განცხადებით, მომხმარებლებს შეეძლებათ, ფასიანი პოლიტიკური რეკლამები გათიშონ როგორც Facebook-ზე, ასევე, Instagram-ზეც.
“გვესმის მათი, ვინც უკვე მიიღო გადაწყვეტილება და უბრალოდ, სურს არჩევნები მალე დასრულდეს. ამიტომ ვამატებთ ახალ ფუნქციას, რომელიც შესაძლებლობას მოგცემთ, პოლიტიკური რეკლამები გათიშოთ”, – განაცხადა ცუკერბერგმა.
ცუკერბერგი, ასევე, იმედს გამოთქვამს, რომ შეძლებენ დაარწმუნონ მილიონობით ამერიკელი არჩევნებში მონაწილეობა მიიღონ.
“ხმის მიცემა დემოკრატიის ყველაზე მძლავრი გამოხატულებაა. ყველაზე კარგი გზაა პასუხი მოსთხოვო ლიდერებს და გადაჭრა ის პრობლემები, რაც ქვეყანაშია. მჯერა, Facebook-ის ფუნქცია არა მხოლოდ ამომრჩევლებზე ზეწოლის თავიდან აცილებაა, რომელიც არაპროპორციულად იღებს მიზანში ფერადკანიან ადამიანებს, არამედ კარგად ინფორმირებული ამომრჩევლების ჩართულობა, რეგისტრაცია და არჩევნებში მონაწილეობაც”, – წერს ის.
აღსანიშნავია, რომ სიცრუის შემცველი პოლიტიკური რეკლამების აკრძალვაზე უარის გამო Facebook-ი არაერთხელ გააკრიტიკეს, ხოლო Twitter-ზე პოლიტიკური რეკლამები გასული წლის ოქტომბერში აიკრძალა.