ევროკავშირის მედიცინის სფეროს მარეგულირებელმა ორგანომ – EMA-მ კორონავირუსის საწინააღმდეგო მედიკამენტის – Sotrovimab-ის გამოყენების რეკომენდაცია გასცა. ეს არ ნიშნავს, რომ მედიკამენტი უკვე გამოიყენება, ამისთვის უშუალოდ ევროკავშირის ქვეყნების მიერ მარკეტინგის ავტორიზაციის გაცემა არის საჭირო. სამედიცინო სფეროს მარეგულირებლის ვებგვერდზე გამოქვეყნებულ განცხადებაში ნათქვამია, რომ ანტისხეულებზე დაფუძნებული მედიკამენტი რეკომენდებულია COVID-19-ით ჰოსპიტალიზებული ადამიანების მკურნალობისთვის. პრეპარატის გამოყენება 12 წელს ზემოთ მყოფ იმ პირებზე არის ნებადართული, რომლებიც ვირუსის გართულების რისკის ჯგუფებში შედიიან.
მედიკამენტი ბრიტანული ფარმაცევტული კომპანია GlaxoSmithKline (GSK) მიერ არის შექმნილი.
პრეპარატი პაციენტს წვეთოვანი ინფუზიის საშუალებით მიეწოდება.
როგორც EMA-ს მიერ გამოქვეყნებულ ინფორმაციაში არის აღნიშნული, პრეპარატის ტესტირება 593 ჰოსპიტალიზებულ მოხალისეზე ჩატარდა, მათ შორის 291-ს Sotrovimab-ი მიეწოდათ, 292-ს კი პლასებო. ჰოსპიტალიზებულ პაციენტებს შორის, რომლებმაც აღნიშნული მედიკამენტი მიიღეს 1%, ანუ 3 პაციენტი გარდაიცვალა, ხოლო პლასებოს ჯგუფში გარდაცვლილთა რაოდენობამ პლასებოს მიღებიდან 24 საათიან პერიოდში 21, ანუ 7% შეადგინა. შესაბამისად, კვლევის მიხედვით, პრეპარატი ჰოსპიტალიზებულ პაციენტებს შორის მისი მიღებიდან 24 საათში ვირუსით გარდაცვალების რისკებს 85%-ით ამცირებს.
Loading ...