ჯანდაცვის მინისტრის მოადგილემ, თამარ გაბუნიამ განაცხადა, რომ მთავრობის საკოორდინაციო საბჭოს ადაწყვეტილებით, COVID გადატანილი ვიზიტორები, რომლებიც მხოლოდ ერთხელ არიან აცრილები, ორჯერადად ვაქცინირებულებად ჩაითვლებიან. გაბუნიას თქმით, ამ პრაქტიკას კონკრეტული ქვეყნები ატარებენ და თუკი ვიზიტორის მხრიდან წარმოდგენილი იქნება შესაბამისი ცნობა, რომ ის, ვირუსის გადატანით და ერთჯერადი აცრით სრულად ვაქცინირებულად ითვლება, ვაქცინირებულად ჩაითვლება საქართველოშიც.
“ჩვენი პროტოკოლის თანახმად, კოვიდის გადატანის მიუხედავად პროგრამა ითვალისწინებს ორჯერად ვაქცინაციას. ზოგიერთი ქვეყანა გარკვეული პერიოდის ფარგლებში უშვებს, რომ ერთი ვაქცინა არის საკმარისი თუ პირმა გადაიტანა კოვიდინფექცია. ქვეყნები, რომლებიც აღიარებენ მსგავსი ტიპის პროტოკოლს, აღიარებული იქნება ჩვენთანაც, თუ პირმა თავის ქვეყანაში მიიღო სრულად ვაქცინირებულის სტატუსი, ეს ჩვენც უნდა ვაღიაროთ. ჩვენთან არ მოქმედებს იგივე პრინციპი და ყველა შემთხვევაში აუცილებელია ორჯერ ვაქცინაცია“, – აღნიშნა თამარ გაბუნიამ.
Loading ...