ამერიკის შეერთებული შტატების საზოგადოებრივი ჯანდაცვის ექსპერტები აკვირდებიან კოვიდგავრცელების რიცხვებს, მაგრამ ჰოსპიტალიზაციისა და გარდაცვალების ცუნამს არ პროგნოზირებენ. ამის შესახებ Abcnews-ი შეერთებული შტატების ალერგიისა და ინფექციური დაავადებების ცენტრის ექსხელმძღვანელ, ექიმ ენტონი ფაუჩიზე დაყრდნობით წერს.
ფაუჩის თქმით, ადამიანები, რომლებიც კოვიდვაქცინით აცრილი არიან, უკვე აქვთ გარკვეული იმუნიტეტი ვირუსის მიმართ.
„შემთხვევები და ჰოსპიტალიზაცია დიდი არ იქნება“, – აღნიშნა ენტონი ფაუჩიმ.
პანდემიის საკითხებში თეთრი სახლის ყოფილმა მრჩეველმა, ჯორჯთაუნის უნივერსიტეტის პროფესორმა, ABC „This Week“-ის თანაწამყვან ჯონათან კარლთან საუბარში თქვა, რომ „შემთხვევების შემაშფოთებელი მატება არ არის“.
„შტატებში პროცესს ვაკვირდებით“, – აღნიშნა პროფესორმა.
„შემოდგომაზე და განსაკუთრებით ზამთრის პერიოდში ვირუსის ზრდის მაჩვენებელი გაიზრდება, ჩვენ ამისთვის მზად უნდა ვიყოთ“, – აღნიშნა ფაუჩიმ.
ამასთან, ფაუჩის თქმით, კოვიდ 19-ის შემდეგი ახალი ვაქცინა მალე იქნება ავტორიზებული აშშ-ის სურსათისა და წამლის სააგენტოს მიერ.
ფაუჩის თქმით, ისევე როგორც წინა აცრის პერიოდში, სასურველია კოვიდვაქცინა პირველ რიგში ხანდაზმულებმა და ქრონიკული დაავადებების მქონე ადამიანებმა მიიღონ.
„ვაქცინა ხელმისაწვდომი უნდა იყოს ყველასთვის და განსაკუთრებით, რისკის მქონე ადამიანებისთვის“, – აღნიშნა ფაუჩიმ.
ინფორმაციისთვის, მსოფლიოს მასშტაბით პანდემიის პერიოდში კორონავირუსის 695,135,606 შემთხვევა დადასტურდა, 6,914,461 ადამიანი გარდაიცვალა, ხოლო 667,134,131-მა ვირუსის დამარცხება შეძლო. მონაცემებს worldometers-ი ავრცელებს.
Loading ...
