ზუგდიდში 70-მდე პირის ბიოლოგიურ მასალას იკვლევენ. ამ ნიმუშებიდან 8 ინფიცირებული ტრაილერის მძღოლის კონტაქტია.
ანალიზების პასუხი დღის ბოლომდე გახდება ცნობილი.
რუხის საავადმყოფოში ახალი კორონავირუსით ინფიცირებული 10 პაციენტი მკურნალობს. მათგან 6 ტრაილერის მძღოლის კონტაქტია.
თავად მძღოლი თბილისშია გადაყვანილი.
ზუგდიდის საზოგადოებრივი ჯანდაცვის ცენტრში აცხადებენ, რომ ის მარნეულში დაინფიცირდა და მარნეულის კლასტერის გაგრძელებას წარმოადგენს.
ქვეყანაში კორონავირუსის სულ 701 დადასტურებული შემთხვევაა.
432 გამოჯანმრთელდა, 12 კი გარდაიცვალა.
www.livepress.ge
კომენტარები