ისრაელის ჯანდაცვის სამინისტრის განცხადებით, COVID-19-ით დაავადების რისკის 95.8%-ით შემცირდა იმ ადამიანებში, ვინც Pfizer-ის ვაქცინის ორივე დოზა მიიღეს.
ვაქცინა ასევე 98%-ით ეფექტიანია სიცხისა თუ სუნთქვის პრობლემების თავიდან არიდებაში და 98.9%-ით ეფექტიანი – ჰოსიტალიზაციისა და გარდაცვალების თავიდან არიდებაში.
ეს მიგნებები ეფუძნება ისრაელში 13 თებერვლიდან შეგროვებულ მონაცემებს იმ ისრაელის მოქალაქეებზე, რომლებმაც ვაქცინის მეორე დოზა მონაცემების შეგროვებიდან ორი კვირის წინ გაიკეთეს.
სამინისტროს ვებგვერდის მიხედვით, 30 იანვრამდე, დაახლოებით, 1.7 მილიონმა ადამიანმა გაიკეთა ვაქცინის ორივე დოზა.
ასევე აღსანიშნავია, რომ Pfizer-ისა და ისრაელის ჯანდაცვის სამინისტროს წინასწარი კვლევით, რომელიც 19 თებერვალს გამოქვეყნდა, ვაქცინა ინფიცირებას ამცირებს 89.4%-ით ასიმპტომურ შემთხვევებში და 93.7%-ით სიმპტომურ შემთხვევებში.
ჯანდაცვის სამინისტრომ ასევე გამოუშვა აპლიკაცია Green Pass, რომელიც მიბმულია პირად სამედიცინო დოკუმენტებთან და ადამიანებს, რომლებმაც ვაქცინის ორივე დოზა გაიკეთეს ან COVID-19-ისგან გამოჯანმრთელდნენ, შეუძლიათ, ეს მონაცემი აჩვენონ სასტუმროებს, რათა შეუშვან ან დაესწრონ კულტურულ თუ სპორტულ ღონისძიებებს.
Loading ...