CNN – კაპიტოლიუმში დემონსტრანტები შეიჭრნენ, შენობიდან მაიკ პენსის ევაკუაცია განხორციელდა

როგორც CNN იუწყება, ვაშინგტონში, კაპიტოლიუმის შენობიდან ვიცე-პრეზიდენტის, მაიკ პენსის ევაკუაცია განხორციელდა, სადაც მან სპეციალური სხდომა გახსნა.

„საარჩევნო კოლეგიის ხმების დამოწმების პროცესი შეჩერდა მას შემდეგ, რაც საპროტესტო აქციის მონაწილეები კაპიტოლიუმის შენობაში შეიჭრნენ“, – წერს CNN.

შეგახსენებთ, კონგრესმენები საარჩევნო კოლეგიის ხმების დათვლისა და დამოწმების მიზნით სპეციალურ სხდომაზე შეიკრიბნენ. პარალელურად კი ტრამპის მხარდამჭერების აქცია მიმდინარეობს.

მოგვიანებიტ გავრცელდა ინფორმაცია, რომ კაპიტოლიუმის ტერიტორიაზე ცეცხლსასროლი იარაღით ქალი დაჭრეს. ინფორმაციას CNN ავრცელებს.

„ორი წყაროს ინფორმაციით, კაპიტოლიუმის ტერიტორიაზე გულმკერდის არეში დაჭრის შემდეგ ქალი კრიტიკულ მდგომარეობაშია“, – წერს CNN და აქვე აღნიშნავს, რომ სროლის გარემოებებზე დამატებითი ინფორმაცია ჯერ არ აქვთ.