COVID-19-ის ახალმა შტამმა, შესაძლოა, ჯოგური იმუნიტეტი გაზარდოს, რადგან პროპორციულად მეტი ადამიანის ვაქცინაცია გახდება საჭირო, – განაცხადა BioNTech-ის ხელმძღვანელმა უღურ შაჰინმა. ამის შესახებ ინფორმაციას CNN-ი ავრცელებს.
„როდესაც ვსაუბრობთ ჯოგურ იმუნიტეტზე, ამაში მოიაზრება მოსახლეობის დაახლოებით 60-70%. თუ კორონავირუსის ახალი შტამით უფრო სწრაფად ხდება დაინფიცირება, მაშინ აუცილებელი იქნება ვაქცინაციის მოცულობის გაზრდა ანუ მოსახლეობის უმეტესი ნაწილი უნდა აიცრას, რათა მოვახერხოთ ადამიანების სიცოცხლის გადარჩენა. თუ მოსახლეობის 60-70% აიცრება, მაშინ მეტნაკლებად შესაძლებელი გახდება ჩვეული ცხოვრების რითმს დავუბრუნდეთ“, – განაცხადა შაჰინმა.
BioNTech-ის ხელმძღვანელის განცხადებით, დაახლოებით ორ კვირაში ეცოდინებათ რამდენად სრულყოფილად მუშაობს Pfizer/BioNTech-ის ვაქცინა კორონავირუსის ახალი შტამის მიმართ.
შაჰინის თანახმად, კოვიდის ახალ ვარიანტს აქვს ცხრა მუტაცია, მაგრამ რადგან ვაქცინა შეიცავს 1,270-ზე მეტ ამინომჟავას და მხოლოდ ცხრაა შეცვლილი, ეს ნიშნავს, რომ „ცილის 99 პროცენტი ისევ იგივეა“.
www.bm.ge
Loading ...