BBC: "ჩიჩილაკი _ ალტერნატივა საქართველოდან"

BBC-ს ვებ-გვერდმა ქართულ საახალწლო ჩიჩილაკს ცალკე რეპორტაჟი 2018 წელს მიუძღვნა, სადაც აღნიშნულია, რომ ის ტყის თხილის გამხმარი ტოტებისგან მზადდება და ამით ტყე არ ზიანდება. სიუჟეტის სახელია: „სადღესასწაულო ნაძვის ხე ტყისთვის ზიანის მიუყენებლად“ რეპორტაჟი იწყება ლონდონის, რომის, პარიზის საახალწლო ნაძვის ხეებით, შემდეგ კი BBC-ს ჟურნალისტები სვამენ კითხვას: „ეს ზედმეტად ერთგვაროვანი ხომ არ არის?“ „არის ალტერნატივა საქართველოდან. ესაა ჩიჩილაკი ქართული საახალწლო მორთულობა“, — ნათქვამია BBC-ს სიუჟეტში. ტელეარხის ცნობით, საახალწლოდ ჩიჩილაკების დამზადების ტრადიცია მრავალი საუკუნეა არსებობს და ადგილობრივებს სჯერათ, რომ ჩიჩილაკს ოჯახში წარმატება და სიმდიდრე მოაქვს. როგორც უკვე აღვნიშნეთ სიუჟეტი 2018 წელს გაკეთდა და ჩვენ მას კიდეც ერთხელ გთავაზობთ იმის დასტურად, რომ გურულმა ჩიჩილაკმა თამამად შეიძლება კონკურენცია გაუწიოს ნაძვის ხეს.