კომპანია Apple-მა სპეციალურ ღონისძიებაზე ახალი მოწყობილობები წარმოადგინა — ახალი iPhone-ები, Apple Watche-ები და AirPod-ები. გთავაზობთ სიახლეების მოკლე შეჯამებას.
Apple-მა არა ორი, არამედ ოთხი ახალი iPhone წარმოადგინა — iPhone 14, iPhone 14 Plus, iPhone 14 Pro და iPhone 14 Pro Max.
iPhone 14-ს 6.1-ინჩიანი დისპლეი ექნება, iPhone 14 Plus-ს კი 6.7-ინჩიანი. ორივე მათგანი იმუშავებს ბიონიკურ ჩიპ A15-ზე, რომელიც პირველად შარშან, iPhone 13 Pro-ში ვნახეთ. მოდელებს აქვთ 12-მეგაპიქსელიანი წინა კამერა (რომელსაც კომპანია ახლა „ძირითად“ კამერას უწოდებს) უკანა მხარეს მოთავსებული დიდი სენსორით; 12-მეგაპიქსელიანი კამერაა სახის მხარესაც, რომელსაც ახალი ავტოფოკუსი აქვს უკეთესი და სწრაფი სელფებისთვის.
iPhone 14-ის ფასი 799 დოლარიდან დაიწყება, iPhone 14 Plus-ის კი 899 დოლარიდან. წინასწარი შეკვეთები 9 სექტემბრიდან გაიხსნება.
აღსანიშნავია, რომ ორივე მოდელიდან აშშ-ში ამოღებულია ფიზიკური SIM ბარათი და ისინი მხოლოდ ელექტრონულ eSIM-ზე იმუშავებენ.
ამ მოდელთა მსგავსად, iPhone Pro-სა და iPhone Pro Max-საც 6.1 და 6.7-ინჩიანი დისპლეები ექნებათ, მაგრამ რა თქმა უნდა, არის სხვაობები.
- ორივე Pro მოდელი იმუშავებს ახალ ჩიპზე, რომელსაც A16 Bionic-ი უწოდეს.
- სახის მხარეს არსებული კამერა Apple-მა კიდიდან მოხსნა და დისპლეიში განათავსა, დიზაინის ახალ ელემენტში, რომელსაც „დინამიკური კუნძული“ უწოდა.
- პირველად iPhone-ის ისტორიაში, ორივე Pro მოდელს ექნება ყოველთვის ჩართული დისპლეი.
- გარე სივრცის 2000-ნიტიანი სიკაშკაშე დიდად გააუმჯობესებს ხილვადობას გარე სივრცეებში.
- ამ მოდელების უკანა მხარეს სამი ლინზაა მოთავსებული: 48-მეგაპიქსელიანი ძირითადი კამერა, 12-მეგაპიქსელიანი ტელეფოტო ლინზა და 12-მეგაპიქსელიანი ულტრაფართო ლინზა, რომელსაც, Apple-ის განცხადებით, იმაზე გაცილებით მკაფიო ფოტოების გადაღება შეუძლია, ვიდრე ოდესმე.
iPhone 14 Pro-ს ფასი 999 დოლარიდან დაიწყება, iPhone 14 Pro Max -ის კი 1099 დოლარიდან.
ახალ iPhone-ებს ექნებათ გადაუდებელი თანამგზავრული კავშირი. თუკი საფრთხეში აღმოჩნდით ისეთ ადგილას, სადაც არც wifi და არც მობილური კავშირია, ახალი iPhone-ებს შეეძლება დაუკავშირდეს თანამგზავრებს და გააგზავნოს საგანგებო შეტყობინებები და გაფრთხილებები. კომპანიის განცხადებით, თანამგზავრული სერვისი პირველი ორი წლის განმავლობაში უფასო იქნება, მაგრამ არ ასახელებს ფასს ამ პერიოდის შემდეგ.
Loading ...
