Apple-მა ორშაბათს ბიუჯეტური iPhone 17e და iPad Air-ის ორი ახალი მოდელი წარადგინა, – ამის შესახებ „როიტერსი“ წერს.
აღსანიშნავია, რომ iPhone 17e-ის მეხსიერება 256 GB იქნება. როგორც გამოცემა წერს, ამ ნაბიჯით Apple ცდილობს ბაზრის წილის გაზრდას და კონკურენტუნარიანობის გაძლიერებას.
რაც შეეხება ფასს, iPhone 17e-ის საწყისი ღირებულება 599 დოლარი იქნება. აღსანიშნავია, რომ iPhone 16e-ის საწყისი ფასიც 599 დოლარი იყო, თუმცა ამ მოდელის მეხსიერება 128 GB-ს შეადგენდა.
ანალიტიკოსთა ნაწილი იმავე საწყის ფასად უფრო დიდი მეხსიერების შეთავაზებას ფაქტობრივ ფასდაკლებად მიიჩნევს, რადგან ადრე მომხმარებლებს მაღალი ტევადობის ვერსიის შესაძენად დამატებითი თანხის გადახდა უწევდათ.
ინფორმაციისთვის, 70-ზე მეტ ქვეყანაში და რეგიონში მომხმარებლებს iPhone 17e-ის წინასწარი შეკვეთა 4 მარტს, წყნარი ოკეანის დროით 6:15 საათიდან შეეძლებათ, ხოლო მოწყობილობის გაყიდვა 11 მარტიდან დაიწყება.
WWW.BPN.GE
Loading ...