Apple-მა ახალი iPhone-ები წარადგინა – განსხვავებული დიზაინი, 5G მხარდაჭერა და დიდი ეკრანი

Apple-მა ოფიციალურად წარადგინა ახალი iPhone-ები: iPhone 12 Pro და 12 Pro Max. ორივე მათგანს 5G ინტერნეტის მხარდაჭერა, გამორჩეული დიზაინი და უფრო დიდი ეკრანი აქვს. კერძოდ, iPhone 12 Pro-ს 6.1 ინჩიანი ეკრანი აქვს, iPhone 11 Pro Max-ს კი 6.7 ინჩიანი. აღნიშნული სმარტფონები ზომაში ამ დრომდე გამოსულ iPhone-ებს შორის ყველაზე დიდია.
რაც შეეხება ფერებს, iPhone 12 Pro ოთხ ფერშია წარმოდგენილი: ნაცრისფერი, უჟანგავი ფოლადისფერი, ოქროსფერი და ახალი ლურჯი.
გარდა ამისა, Apple-ის ახალი სმარტფონები მტვერგამძლეა და სამმაგი კამერის სისტემა აქვთ.
ახალ iPhone 12 Pro-ს შესაძლებლობა ექნება გადაიღოს HDR ვიდეოები, რაც პირველი შემთხვევაა ამ ხაზში.
ცნობისთვის, ამ ორი iPhone-ის გარდა, Apple-მა ასევე წარადგინა კიდევ ორი ახალი სმარტფონი – iPhone 12 და iPhone 12 mini, რომლებიც თავის მხრივ ჩაანაცვლებენ გასული წლის iPhone 11-ის მოდელს.