Black Sea Arena-ზე კონცერტის დროს, The Killers-ის სოლისტმა აუდიტორიიდან სცენაზე რუსი დრამერი აიყვანა, რასაც ხალხის პროტესტი მოჰყვა.
სოციალურ ქსელში მოქალაქეები წერენ, რომ ერთ-ერთი სიმღერის შესრულების წინ, ჯგუფის სოლისტმა დარბაზში შეკრებილებს მიმართა და იკითხა, იყვნენ თუ არა ისეთები, ვინც დრამზე დაკვრა იცოდნენ, რის შემდეგაც მან სცენაზე ერთ-ერთი ადამიანი აიყვანა, რომელსაც ეროვნების შესახებ ჰკითხა.
შერჩეული დრამერი რუსი აღმოჩნდა, რის შემდეგაც, სოლისტმა აუდიტორიას ჰკითხა, მისაღები იყო თუ არა მათთვის, რომ რუს დრამერს დაეკრა, რასაც ხალხის მხრიდან შეძახილები მოჰყვა. ამის მიუხედავად, ჯგუფმა რუს დრამერთან ერთად იმღერა.
სიმღერის დასრულების შემდეგ, The Killers-მა აუდიტორიას მიმართა და აღნიშნა, რომ მისი აზრით ეროვნებას მნიშვნელობა არ აქვს და მუსიკაში საზღვრები არ არსებობს. ამ სიტყვებს აუდიტორიის მხრიდან უფრო დიდი პროტესტი მოჰყვა, რის გამოც, მაყურებელთა ნაწილმა დარბაზი დატოვა.
Loading ...