ოზურგეთში ახალგაზრდა მამაკაცი მოკლეს. შემთხვევა დღეს დილის საათებში ანასეულის გზაზე მოხდა. 23 წლის მამაკაცი იარაღით არის მოკლული. ახალგაზრდა მამაკაცს ჭრილობა ზურგის არეში ცეცხლსასროლი იარაღით აქვს მიყენებული. იგი კლინიკა,, მედალფაში,, სავარაუდოდ გამვლელმა პირებმა მსუბუქი ავტომობილით შეიყვანეს, რასაც საავადმყოფოს დაცვის თანამშრომელი გვიდასტურებს. როგორც მორიგე ექიმი ამბობს საავადმყოფოში შემოსვლისას ახალგაზრდა მამაკაცი უკვე გარდაცვლილი იყო. მიუხედავად ამისა, მას მაინც ჩაუტარდა რეანიმაციული ჩარევა. გარდაცვლილი ციხიდან ერთი წლის გამოსული იყო. მეზობლები და ოჯახის წევრები მედიასთან არ კონტაქტობენ და აქედან გამომდინარე მკვლელობის მოტივი ჩვენთვის უცნობია. სავარაუდოდ კი ადგილი კრიმინალურ გარჩევასთან გვქონდა. შინაგან საქმეთა სამინისტროს განცხადებით, საქმეზე დაწყებულია გამოძიება და მიმდინარეობს შესაბამისი მოქმედებები. ავტომობილი რომელითაც 23 წლის მამაკაცი საავადმყოფოში მიიყვანეს ამ წუთებში კლინიკის ეზოში დგას და მას ექსპერტ – კრიმინალისტები ათვალიერებენ და საგამოძიებო სამუშაოს ატარებენ.
Loading ...