ათწლიანი რუსობა უნდა დასრულდეს… დაუმორჩილებლობა, პროტესტი, საბოტაჟი და პარალიზება – ვიდეომიმართვას ამ სახელწოდებით “გირჩი მეტი თავისუფლების” ლიდერი ზურა ჯაფარიძე აქვეყნებს და საუბრობს ქვეყანაში დღეს არსებულ ვითარებაზე. ჯაფარიძის თქმით, არ ჩანს ძალა, რომელიც ივანიშვილის რეჟიმს ძალაუფლებას წაართმევს და რომ ოპოზიციის ნაწილიც უკვე სისტემის ნაწილად იქცა:
“დასავლეთმა გასაგებად გვითხრა, რომ მანამ სანამ, მმართველობის ეს ფორმა, ოლიგარქიად წოდებული, არ დასრულდება ამ ქვეყანაში, მანამდე არ იქნება არანაირი წინსვლა ევროატლანტიკრი ინტეგრაციის გზაზე. სულელის გარდა ყველას ესმის, რომ ეს სისტემა თავის თავს არ დაასრულებს. ძალაუფლებისგან, სიმდიდრისა და პატივმოყვარეობისგან გაგიჟებული ხალხი საკუთარი ნებით არ დათმობს ამ ყველაფერს. ამ გაზულუქებულ და სინდისისგან დაცლილ მატყუარებს ძალაუფლება შეიძლება მხოლოდ და მხოლოდ წაართვა და ეს არის სწრაფად გასაკეთებელი, რადგან ევროატლანტიკური ინტეგრაციის გზაზე, დღეს არსებული ფანჯარა, რომელიც უკრაინელებმა საკუთარი სიცოცხლეების დათმობით გააღეს, შეიძლება ძალიან სწრაფად დაიკეტოს, მაგრამ ამის გამკეთებელი, ამათთვის ძალაუფლების წამრთმევი ძალა ჯერჯერობით არ ჩანს.
ოპოზიციად წოდებული პარტიების წევრთა მნიშვნელოვანი ნაწილი და რიგ შემთხვევაში პარტიები მთლიანად, სისტემის ნაწილად არიან ქცეული, ანუ ისევე არიან დაინტერესებული არ დაკარგონ საპარლამენტო სკამი, კაბინეტი, მივლინებები, ბიუჯეტის ფული, საარჩევნო კომისიებში ადგილები, უფასო სატელევიზიო სარეკლამო დრო, მედიაყურადღება, საზოგადოებრივი სტატუსი თუ სხვა რაღაცეები, როგორც ოცნების მხარდამჭერი სსიპის რიგითი უსაქმური თანამშრომელია დაინტერესებული არ დარჩეს უმუშევარი, ერთი და იგივე მოტივით მოძრაობენ.” ამბობს ჯაფარიძე.
მისი თქმით, ოპოზიცია დღეს თამაშობს არა ცვლილებებისთვის, არამედ გადარჩენისთვის და ეს ძალიან კარგად იცის ივანიშვილმა და ამ ყველაფრით სარგებლობს. ის ყიდულობს ხმებს და არჩევანის უფლება საქართველოს მოქალაქეებს, ჯაფარიძის თქმით, მხოლოდ ფურცელზემ დე ფაქტოდ აქვთ.
Loading ...