ნიკოლოზ ბასილაშვილმა უიმბლდონის გათამაშების პირველი წრე დაძლია.
მსოფლიოს რეიტინგში ოცდამეექვსე ადგილზე მყოფი ქართველი ჩოგბურთელი თავისზე ორას ორმოცდაათი საფეხურით უკან მყოფ მეტოქეს – ჩეხ ლუკას როსოლს დაუპირისპირდა და გამარჯვების მოსაპოვებლად ხუთსეტიანი ბრძოლა დასჭირდა.
საწყისი ორი სეტის ბედი ტაიბრეიკში გაირკვა. პირველში როსოლის, ხოლო მეორეში ბასილაშვილის სასარგებლოდ. მესამე სეტი ნიკამ ანგარიშით 3:6 დათმო. საბოლოოდ ხუთ სეტში გაიმარჯვა.
მეორე წრეში ნიკოლოზ ბასილაშვილის მეტოქე იქნება მსოფლიოს ოთხმოცდამეორე ჩოგანი, ფრანგი ქუენტინ ჰალისი.
2020 წლის 21 მაისს, ნიკოლოზ ბასილაშვილი ოჯახში ძალადობის საფუძველზე დააკავეს. მას ბრალი არასრულწლოვანი შვილის თანდასწრებით ყოფილ მეუღლეზე ფიზიკური ძალადობის გამო წარედგინა.
ჩოგბურთელი 2020 წლის 24 მაისს სასამართლომ წინასწარი პატიმრობიდან 100 000 ლარიანი გირაოს სანაცვლოდ გაათავისუფლა.
Loading ...