ძიმითის მკვიდრი მარიამ ბაკურიძე ადგილობრივ ხელისუფლებას დახმარებას სთხოვს

ოზურგეთის მუნიციპალიტეტის სოფელ ძიმითის მკვიდრი მარიამ ბაკურიძე ადგილობრივ ხელისუფლებას დახმარებას სთხოვს. მარიამს ჰყავს ჯანმრთელობის პრობლემის მქონე 2 შვილი. ერთ-ერთი მათგანი 1 თვისაა და დღემდე რეანიმაციულ განყოფილებაში იმყოფება. ბავშვებს ესაჭიროება ძვირადღირებული მედიკამენტები, ყოველთვიურად 300 დოლარზე მეტის. მათ არ აქვთ სახლი და ახლა იმყოფებიან ახლობლის სახლში, ისიც ნათესავის კეთილი ნებით. მარიამ ბაკურიძემ რამდენიმე დღის წინ შეიტანა განაცხადი იმის თაობაზე, რომ ოჯახს დაენიშნოს სოციალური დახმარება. იგი სთხოვს შესაბამისს უწყებებს დაინტერესდნენ, გამოიჩინონ ყურადღება და შესაძლებლობის ფარგლებში დაეხმარონ სოციალურის დანიშვნით ან ერთჯერადი ტიპის ფულადი პაკეტით მაინც.

ოზურგეთის მერიაში აცხადებენ, რომ მარიამ ბაკურიძეს მუნიციპალიტეტის მერიისთვის არ მოუმართავს, ამ თემასთან დაკავშირებით ჩვენი სამსახური დაუკავშირდება და დაეხმარება. სოციალური ქულის დანიშვნის შემდეგ კი მარიამს დამატებით შეუძლია მერიის სხვადასხვა პროგრამით ისარგებლოს.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა გიორგი მორჩილაძემ  მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.