გუშინ ოზურგეთის მუნიციპალიტეტის დაბა ნასაკირალის საბავშვო ბაღის შენობაში ხანძარი გაჩნდა და შენობის მეორე სართული და ჭერი დაიწვა. აღნიშნულ ტერიტორიაზე იყო განთავსებული 59-ე საარჩევნო უბანიც.
როგორც N60 საოლქო-საარჩევნო კომისიის თავმჯდომარე ბერდია ლომიძე ”გურიაTV”-თან აცხადებს, შემთხვევის შედეგად საარჩევნო ადმინისტრაციის დოკუმენტაცია არ დაზიანებულა და ხანძარს ყველაფერი უვნებლად გადაურჩა. თუმცა აღნიშნულ შენობაში უბანი ფუნქციონირებას ვეღარ გააგრძელებს. როგორც ლომიძე ამბობს, 59-ე საარჩევნო უბანი ამომრჩეველს დაბა ნასაკირალის საჯარო სკოლაში მიიღებს. საუბნო კომისია სკოლის შენობაში დღეს დილიდან გადავიდა. შესაბამისად, აღნიშნულ უბანზე რეგისტრირებულ ამომრჩეველს 2 ოქტომბერს საკუთარი არჩევანის დაფიქსირება შეუფერხებლად შეეძლება.
კომენტარები
Loading ...