ევროპული საბჭოს პრეზიდენტის სპეციალური წარმომადგენლის კრისტიან დანიელსონის განცხადებით, ის მოლაპარაკებების მაგიდაზე თავის წინადადებებს ხვალ დადებს.
როგორც დანიელსონმა პოლიტიკურ პარტიებთან შეხვედრის შემდეგ განაცხადა, დემოკრატია ყველა მხარის ინტერესების გათვალისწინებას ითვალისწინებს.
“დღეს რამდენიმე შეხვედრა გავმართე პოლიტიკური პარტიების ლიდერებთან, რათა ხვალ ყველა პარტიას შევხვდე. ჩემი დღევანდელი მიზანი იყო იმ გზების მოძიება, რათა ამ მედიაციის ყველაზე რთული პუნქტები შესრულებულიყო. ეს რთული პროცესია. დემოკრატია საჭიროებს რომ მხედველობაში სხვა მხარის ინტერესებიც იყოს მიღებული. როგორც ამას ყოველთვის ვამბობ, ეს ყველა მხრიდან დათმობას ნიშნავს. რაც შეეხება პროცესს, პარტიების ლიდერებს ვუთხარი, რომ მაგიდაზე წინადადებებს ხვალ დავდებ”, – ამბობს კრისტიან დანიელსონი.