ხვალ 15:00 სთ-ზე, საქართველოს სამ ქალაქში თბილისში, ბათუმსა და თელავში საზოგადოების წევრები და პოლიტიკოსები სოლიდარობის აქციაზე შეიკრიბებიან, რათა ბახმაროში ჰესის მშენებლობა გააპროტესტონ.
განცხადებას ამის შესახებ სოციალურ ქსელში ელენე ხოშტარია აქვეყნებს.
“ხვალ 15:00 სთ-ზე, ვიკრიბებით
თბილისში, პარლამენტთან.
ბათუმში, ევროპის მოედანზე.
თელავში, ერეკლე II მოედანზე. შემოგვიერთდით და ერთად გადავარჩინოთ ბახმარო.
თბილისში, პარლამენტთან.
ბათუმში, ევროპის მოედანზე.
თელავში, ერეკლე II მოედანზე. შემოგვიერთდით და ერთად გადავარჩინოთ ბახმარო.
დავიცვათ ბახმარო! კურორტ ბახმაროს ტერიტორიაზე, მდინარეებზე ბახვისწყალსა და მის შენაკად ბაისურაზე დაგეგმილია ჰიდროელექტროსადგურის მშენებლობა. სამშენებლო ტერტორია მთლიანად მოქცეულია უნიკალური ბიომრავალფეროვნების მქონე ბახმაროს სარეკრეაციო ტერიტორიის საზღვრებში. ჰესის მშენებლობა კურორტის ტერიტორიაზე საფრთხეს უქმნის არა მხოლოდ მდინარის ხეობას, არამედ კურორტ ბახმაროსა და რეგიონის მდგრად განვითარებას. პროცესი მიმდინარეობს მოსახლეობის და საზოგადოების სათანადო ინფორმირების ჩართულობისა და მონაწილეობის გარეშე.” – ნათქვამია განცხადებაში.
კომენტარები