ხანძრის შედეგად ბათუმში ავტოსახელოსნო დაიწვა. გაჩენილმა ცეცხლმა სრულად გაანადგურა ათი ავტომობილი და ინვენტარი. ხანძარს მსხვერპლი არ მოჰყოლია. შემთხვევა, გენერალ ასლან აბაშიძის ქუჩაზე მდებარე სახელოსნოში მოხდა. ხანძრის გამომწვევი მიზეზები უცნობია. ერთ-ერთი დასაქმებულის ინფორმაციით, შესაძლოა იგი ელექტროგაყვანილობიდან გაჩენილიყო. მომუშავეები აცხადებენ, რომ ზარალი დიდია და არ იციან, როგორ შეძლებენ მანქანის მეპატრონეებისთვის ანაზღაურებას. მომხდარს, შინაგან საქმეთა სამინისტრო სისხლის სამართლის კოდექსის 188- ე მუხლით იძიებს, რაც გაუფრთხილებლობით სხვისი ნივთის დაზიანებას ან განადგურებას გულისხმობს.
წყარო: tv25.ge