27 იანვარს საქართველოში ტრიქინელოზის შემთხვევა დაფიქსირდა. სურსათის ეროვნული სააგენტოს ცნობით, დაავადებული პაციენტმა ღორის ხორცი ოზურგეთში მიიღო. “გურიაTV” -მ კომენტარისთვის სურსათის ეროვნული სააგენტოს გურიის რეგიონის სამმართველოს ხელმძღვანელ მიმართა. როგორც მანანა ერქომაიშვილი ჩვენთან საუბრისას ამბობს, პაციენტი 63 წლის მამაკაცია, ის სოფელ ოზურგეთის მაცხოვრებელია. მისი დაავადების წყარო დაუდგენელია, რადგან პაციენტი ვერ აკონკრეტებს, კონკრეტულად სად შეიძინა ან მიირთვა ღორის ხორცი. ის ამჟამად თბილისში მკურნალობს.
მის დასნებოვნებასთან დაკავშირებით ვითარება ბუნდოვანია, რადგან მას უჭირს გახსენება, კონკრეტულად სად მიიღო ღორის ხორცი. აქვს ვერსია, რომ მის ძმასთან მიირთვა, ასევე ეჭვობს, წინასაახალწლო პერიოდზე, როცა ქალაქ ოზურგეთში, ქუჩაში კუპატი იყიდა.შესაბამისად, დაინფიცირების წყაროს მიკვლევადობა შეუძლებელია. შეგვიძლია ვთქვათ, რომ აღნიშნული ღორის ხორცის ყიდვა არ უკავშირდება სარეალიზაციო ობიექტს. შესაძლოა იყოს, სახლში დაკლული ღორის ხორცის მიზეზით. თუ კიდევ ვინმეს გამოუვლინდა ტრიქინელოზი, მაშინ წყაროს დადგენა უფრო შესაძლებელი გახდება, მაგრამ იმედია მეორე შემთხვევა არ გვექნება”- აღნიშნა მანანა ერქომაიშვილმა
Loading ...
