რა მოხდა გვიან ღამით სამხატვრო აკადემიის ეზოში – tv პირველის ინფორმაციით, აკადემიის ახალ აშენებული კორპუსის მეათე სართულიდან 14 წლის მოზარდი სავარაუდოდ გადმოვარდა.
შემთხვევა მაშინ მოხდა, როცა აკადემიაში პირველკურსელებისთვის წვეულება იმართებოდა. ღონისძიებაზე მყოფი პირები “პირველებთან” ამბობენ, რომ მოზარდი სავარაუდოდ შენობის ეზოში თვითნებურად მოხვდა.
მათივე მონაყოლის თანახმად, გოგონა ვარდნის შემდეგ დაინახეს, ის კონტაქტური იყო და ფეხი ჰქონდა მოტეხილი, თუმცა კლინიკაში გადაყვანის შემდეგ არასრულწლოვანი გარდაიცვალა.
მომხდარ ფაქტზე შინაგან საქმეთა სამინისტრომ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. პოლიციაში გამოკითხვების სერია მთელი ღამის განმავლობაში გრძელდებოდა.
პოლიციამ შენობის შიდა სათვალთვალო კამერის ჩანაწერები უკვე ამოიღო.
Loading ...
