9 აპრილის ღამეს საბჭოთა არმიის სისასტიკეს გურიიდან ორი ახალგაზრდა შეეწირა

9 აპრილის ტრაგედიიდან 33 წელი გავიდა. 9 აპრილის ღამეს, საბჭოთა არმიის გაუგონარ სისასტიკეს გურიიდან ორი ახალგაზრდა ქალბატონი ოზურგეთელი ნინო თოიძე და ჩოხატაურელი ნატო გიორგაძე შეეწირნენ. გურიაში სამხარეო და ადგილობრივი ხელისუფლების წარმომადგენლებმა დღეს 9 აპრილს დაღუპულთა საფლავები ყვავილებით შეამკეს. მათ თავდადებაზე, თავგანწირვაზე, ასევე 9 აპრილის უდიდეს მნიშვნელობაზე ისაუბრეს საქართველოს სახელმწიფოს ისტორიისა და მომავლის გათვალისწინებით. ჩოხატაურის საკრებულოს თავმჯდომარე ირაკლი კუჭავა პარალელებს დრევანდელობასთან რუსეთ- უკრაინის ომთან ავლებს და ამბობს, რომ იმპერიალისტური ზრახვები რუსეთს ვერც მაშინ აუხდა და ახლაც, უკრაინაში დამარცხდებიან.